Спорт
Ален Ајверсон најави пензионирање

НБА кошаркарот Ален Ајверсон најави дека ќе стави крај на својата професионална кариера и одлуката за пензионирање ја објави на веб страната на својот пријател Стивен Смит, репортерот кој ја следеше речиси целата негова кариера
„Би сакал да ги објавам плановите за пензионирање од играње во НБА. Секогаш сметав дека ќе си заминам од професионално играње бидејќи нема да можам да му помогнам на мојот тим. Сега тоа не е случајот, Имам огромна љубов кон играта, желба за играње кошарка . Силно верувам дека можам да се натпреварувам на највисоко ниво“ напиша Ајверсон на сајтот на Смит.За поранешната ѕвезда на Филаделфија 76, а сега во дресот на Мемфис Гризли пројави интерес само екипата на Њујорк Никс, но подоцна се откажа од услугите, најмногу поради неговата возраст, бидејќи тимот одлучи да купи многу помлад играч. Ниту еден друг тим не се заинтересира за Ајверсон. „Тој ќе си замине во историјата како најдобриот мал гард кој ја играл оваа игра“ изјави Џорџ Карл, поранешниот тренер на Ајверсон. Ален Ајверсон има просек од 27.1 поени по натпревар, просек кој го смести на петтото место на вечната листа на НБА. „Пензионирањето ќе ми даде можност да поминувам повеќе време со моите деца и сопругата“ додаде Ајверсон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ѓоковиќ станува ко-сопственик на фудбалски клуб

Српскиот тенисер Новак Ѓоковиќ ќе биде еден од инвеститорите во фудбалскиот клуб Ле Ман. Претставници на клубот одржаа конференција во петокот за да ги претстават новите финансиски партнери.
Станува збор за бразилскиот инвестициски фонд „Аутфилд“, кој ќе има малцински удел, а во проектот се вклучени, меѓу другите, Новак Ѓоковиќ, како и возачите на Формула 1 Кевин Магнусен и Фелипе Маса.
Тука е и Џорџ Франгулис, момчето на Арина Сабаленка, кој е и извршен директор на компанијата „Оукбери“, која влегува во клубот преку бразилскиот фонд.
Ле Ман игра во втората лига, Лига 2, оваа сезона, а претседателот Тиери Гомез неодамна потврди дека сака да види доаѓање на нови финансиски партнери во клубот.
Основан во 1985 година, клубот помина шест сезони во највисоката француска лига во првата деценија од 21 век, но не играл во највисоката лига од сезоната 2009/10.
Спорт
Интер на Меси му нуди договор „да игра до кога сака“

Фудбалскиот клуб Интер Мајами е во преговори со Лионел Меси за продолжување на договорот.
Доколку не се случат непредвидени настани, Аргентинецот ќе остане во Мајами. Се зборуваше за негово можно заминување со цел подобро да се подготви за Светското првенство во 2026 година, кое ќе се игра во Канада, Мексико и САД, а би било лош публицитет за Американците ако Лео одлучи да си замине кога ќе му истече договорот на крајот од годината.
Се шпекулираше дека сака да игра во посилна лига, но Интер прави сè за да го задржи, па затоа по негова волја беше доведен и Родриго де Пол од Атлетико Мадрид. Интер за овој трансфер издвои 15 милиони евра.
Покрај тоа, тие размислуваат за договор од најмалку три години, па дури и подолг доколку Лео го сака тоа. Ќе се обидат да постигнат договор според кој Аргентинецот ќе може да избере кога сака да стави крај на својата кариера, односно тоа да не е временски ограничено.
После тоа, Меси би се фокусирал повеќе на учество во управувањето со Интер Мајами, каде што има и акции, но не би било изненадувачки ако се посвети на одредени операции во Барселона.
Спорт
Њукасл јунајтед одбил вистинско богатство за Исак

По неколку недели шпекулирање, Ливерпул конечно одлучи да испрати официјална понуда до Њукасл за најдобриот стрелец на тимот, Исак. „Страчките“ ја одбиле понудата.
„Њукасл одби понуда од 120 милиони фунти, или речиси 140 милиони евра и одредени бонуси, испратена до нив од Ливерпул“, објави новинарот на „Атлетик“ Дејвид Орнштајн.
Наместо да ја прифати понудата, Њукасл му понуди на 25-годишниот напаѓач нов договор со клаузула за заминување што може да се активира следното лето, но тој остана цврст во својата одлука да го напушти клубот.
Неговата желба е да се пресели во Ливерпул, но она што е сигурно е дека клубот од „Сент Џејмс Парк“, нема да го пушти шведскиот репрезентативец сè додека, односно, не најде соодветни засилувања.
Њукасл претходно изрази интерес за Јоан Виса од Брентфорд, кој одби да тренира (за што ќе биде строго казнет), револтиран што клубот не му дозволува трансфер.
Foto/ EPA/ADAM VAUGHAN