Капитенот на Кристал Палас, Марк Гуеи (25), го информирал клубот дека не сака да потпише нов договор и дека ќе го напушти клубот следната година, откри тренерот Оливер Гласнер. Англискиот репрезентативец има важечки договор со Палас до 30 јуни, кога може да ги напушти „Орлите“ како слободен агент.

Гуеи може да потпише и преддоговор со странски клуб кога ќе се отвори преодниот рок во јануари 2026 година.

„Мислам дека Марк веќе ни кажа дека нема да потпише нов договор, па ќе замине следната година“, рече Гласнер.

„Клубот сакаше да остане. Му понудија нов договор, но тој рече: „Не, сакам да правам нешто друго“. И тоа е нормално.“ „Прашањето за нас сега е како да се справиме со оваа ситуација? Кој е најдобриот начин да го направиме овој следен чекор? И сè се сведува на тоа како ќе разговараме.“

На почетокот на сезоната, Гуеи беше блиску до трансфер во Ливерпул на последниот ден од преодниот рок за 35 милиони фунти. Претседателот на Палас, Стив Париш, донесе одлука да го откаже трансферот три часа пред истекот на рокот, бидејќи клубот не можеше да најде замена за Гуеи.

Сепак, не може да се исклучи нова понуда од Ливерпул за Гуехи во јануари, бидејќи нивниот дефанзивец Џовани Леони ќе го пропушти остатокот од сезоната поради подолготрајна повреда на коленото. Сепак, Палас нема да го пушти Гуеи да си замине под поволни услови за време на зимскиот преоден рок. Исто така, постои интерес за него низ цела Европа, бидејќи се очекува да биде еден од најбараните слободни агенти на пазарот.

Гуеи ќе има многу избор кога ќе одлучи да го напушти Кристал Палас. Речиси сите големи клубови во Европа го сакаат за следното лето. Реал Мадрид, Барселона, Баерн Минхен, Манчестер Сити и Ливерпул се само некои од клубовите кои го сакаат неговиот потпис.

Откако го напушти Ливерпул, Јирген Клоп беше многу јасен во своите изјави – повеќе нема да се занимава со тренерска работа. Но, тоа сигурно не значи дека Клоп не е во фудбалот. Покрај улогата што ја има во Ред Бул, Клоп сега има нова улога во германскиот фудбал.

Јирген Клоп ќе биде еден од членовите на експертската група на Германската фудбалска лига. Целта на ова советодавно тело ќе биде подобрување на германскиот фудбал и долгорочно зачувување на конкурентноста на германските клубови на домашната и меѓународната сцена. Фокусот ќе биде на развојот на млади играчи и на зајакнување на лигашкиот систем.

Заедно со Клоп, во Експертската група на ДФЛ се и Сами Кедира, кој беше светски шампион со Германија, Јохан Зауер како претставник на Баерн, Маркус Кросе, спортски директор на Ајнтрахт Франкфурт и уште неколку истакнати луѓе кои сè уште се во управните тела на Бундеслигата. Улогата во Експертската група не значи дека Колп се откажал од својата работа како глобален раководител на фудбалот во Ред Бул.

Во својата тренерска кариера, Мајнц и Борусија во Германија и Ливерпул во Англија. Со Дортмунд, тој двапати ја освои Бундеслигата и Купот на Германија, а со Ливерпул Премиер лигата, Лигата на шампионите, Светското клупско првенство, ФА Купот, два Лига купа и Суперкупот на УЕФА.

Младиот бразилски напаѓач, Ендрик не успева да се наметне во Реал под команда на Чаби Алонсо. Бразилецот е закован за клупата, не одигра ниту една секунда од почетокот на сезоната и се очекува во јануари да биде испратен на позаијмица.

Пред неколку недели Ендирк се поврзуваше со Валенсија, а бразилскиот „ESPN“ пишува дека Марсеј се приклучил во трката.

Тимот предводен од Роберто де Зерби има бод помалку од првопласираниот Пари Сен Жермен и се чини дека би можеле да се борат оваа сезона за титулата.

Со оглед на тоа што Африканскиот куп на нации доаѓа во зима, Марсеј ќе биде без Обамејанг и Гири со што ќе се отвори дупка во нападот и потенцијален проблем во трката за трофејот.

Ендрик би можел да биде решението. Засега, Бразилецот не сака да брза со одлуката, но очигледно е дека ќе мора да замине од Мадрид доколку сака да игра и да се избори за место во репрезентацијата која ќе настапи на Светското првенство следното лето.