Свет
Најмалку 37 убиени во северен Авганистан
Најмалку 37 лица загинаа во понедленикот во самоубиствен напад врз регрутен центар на авганистанската војска во северниот дел од земјата, што е трет голем напад во оваа област за помалку од еден месец, соопштила локалните власти
Како што пренесува Reuters, веднаш по нападот самопрогласениот портпарол на талибаните во Авганиста, Забиула Муџахид ја презема одговроноста за овој напад зивршен од милитантната исламистичка група. Како што соопштија локалните власти, бројката ранети изнесува неколку десетици лица. Очевидец за агенцијата изјавил дека слушнал пукотници во областа по нападот, но замени-гувернерот на провинцијата Кундуз, Хамдула Даниши изјавил дека сите жртви се предизвикани од страна на еден бомбаш-самоубиец. „Меѓу жртвите се нови регрути, војници и цивили“, изјавил Даниши за Reuters. Напаѓачот пеш им пристапил на регрутите кои стоеле во ред пред центарот и се кренал во воздух, изјави заменик гувернерот на провинцијата, Кундуз, Хамдулах Даниш, каде се случила трагедијата. Во експлозијата се повредени најмалку 42 луѓе. Медицински извори од Кундуз потврдиле дека во градската болница биле донесени 33 тела. Според истите извори меѓу повредените има најмалку четири деца. Последните месеци насилството се брзо се шири брзо во досега реалтивно мирнито север на Авганистан, особено цел на нападите е Кундуз. Нашалникот на полицијата Кундуз беше убиен од страна на бомбаш-самоубиец, додека минатата седмица беше нападната полициска патрола на периферијата од градот. Кон крајот на февруари, уште еден бомбаш-самоубиец уби најмалку 30 луѓе во напад на објект на централната влада во областа Емам Сахеб во Кундуз. Во октомври минатата година, беше убиен гувернерот на Кундуз во напад извршен во џамија при богослужба. Покраината стана бунтовничка база на бунтовниците во текот на изминатите две години, од која се шират нападите во околните провинции, додека офанизвите предводени од НАТО Меѓународни сили за безбедносна помош на Авганистан ИСАФ) се концентрирани врз талибанските упоришта на југ и исток од земјата. Од командата на ИСАФ во понеделникот соопштија дека примиле зивештаи за наапдот во Кундуз, но дека се уште ги истражуваат деталите. Во 2010 г. насилството во Авганистан го достигна максимумот откако беше соборен талибанскиот режим во инвазијата на меѓуанродните сили предводени од САД, во 2001 г.. И покрај присуството на околу 150 илајди странски војници, тоа е значителен пораст а истиот тренд се задржува и во годинаваа, пред очекуваната пролетна офанзива против бунтовниците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Невремето во Србија направи хаос: се излеа Дунав, ветерот корне дрвја
Реката Дунав денеска се излеа во Бачка Паланка, во природниот парк „Тиквара“, додека на северот од Србија е забележан значителен пад на температурата и се предвидува невреме пропратено со врнежи и грмежи.
Имено, како што може да се види на видеата на социјалните мрежи, водата достигна такво ниво што од водата штрчат само чадори и улични светилки.
Како што соопшти денеска Републичкиот хидрометеоролошки завод на Србија (РХМЗ), облачност со врнежи од дожд, пад на температурата и умерен и засилен северозападен ветер најпрвин ја зафати Бачка Паланка, но потоа ќе се прошири и во остатокот од Војводина.
Студениот бран преку северот на земјата пристигна во Србија, каде во некои градови температурата беше околу 15 степени.
На граѓаните им се препорачува да ги преземат сите мерки за заштита на имотот, но и себеси поради предвиденото невреме.
Значителна промена на времето утре ќе има и во Македонија, најави Управа за хидрометеоролошки работи (УХМР).
Утре под влијание на влажна и постудена воздушна маса од север ќе настапи позначителна промена на времето. Од утринските часови најпрвин во северните делови, ќе има повремени врнежи од дожд и локална појава на грмежи. Ќе дува силен ветер (наместа над 70км/ч.) кој ќе продолжи и во понеделник.
ИЗВОР: УХМР
Дневната температура значително ќе се намали (утре за 6 до 8, а во понеделник уште за дополнителни 4 до 6 степени). Потоа во следните два дена времето ќе биде сончево со ниски утрински температури, а дневните ќе бидат во пораст.
Во Скопје, утре ќе има повремени врнежи од дожд, локално со појава на ретки грмежи и силен ветер.
Од четврток се очекуваат нови врнежи од дожд.
Свет
Фатална грешка при спасувањето мигранти во близина на Шпанија – 9 загинати и 48 исчезнати
Најмалку девет луѓе загинаа, а уште 48 се водат како исчезнати откако брод со мигранти се преврте за време на спасувачка операција во близина на Канарските острови, соопштија во саботата шпанските власти.
Шпанската поморска спасувачка служба соопшти дека трагедијата се случила откако било дојавено за присуство на мал брод натоварен со луѓе на околу 6 километри од островот Ел Хиеро. Бродот се превртел кога премногу луѓе се префрлиле на едната страна за време на обидот за спасување, се вели во соопштението на спасувачката служба.
Спасувачите спасија 27 луѓе, а потврдија дека има девет мртви.
Службата соопшти дека акцијата за спасување била отежната, бидејќи била извршена во текот на ноќта и под налетите на ветровите кои достигнале јачина од 20 јазли. Во акцијата учествуваа спасувачки бродови и хеликоптери на поморската спасувачка служба, Цивилната гарда, Црвениот крст и локалната самоуправа.
Атлантскиот пат за мигранти од Западна Африка до Канарските Острови е еден од најсмртоносните во светот. Иако нема точна бројка на загинати поради недостигот на информации за заминувањата од Западна Африка, шпанската група за заштита на мигрантите „Walking Borders“ проценува дека жртвите се илјадници.
Над 26.000 луѓе пристигнале преку море на Канарските острови досега оваа година, во споредба со околу 14.000 во истиот период минатата година.
Свет
Хакери ја нападнале француската информативна агенција „Франс прес“
Информативниот систем на француската агенција „Франс прес“ бил цел на напад кој зафатил дел од системот за дистрибуција на вести до клиентите, соопштено е денеска.
Мобилизирани се технички тимови на АФП со поддршка и експертиза на Националната агенција за безбедност на информациските системи (АНСИ)“, се вели во соопштението.
„Редакцијата и сите служби на АФП продолжуваат да известуваат за настаните ширум светот“, соопшти агенцијата.
Нападот бил откриен вчера.
Контактирани се надлежните органи на Франција, соопшти AFP, истакнувајќи дека се уште не се познати сторителите на нападот и нивните мотиви.