Свет
Силите на Гадафи го гранатираат градот Аџабија

Силите лојални на либискиот лидер Моамер ел-Гадафи, по неколку дена успешно напредување во источниот дел, денеска започнаа артилериски напад врз градот Аџабија
Силите лојални на либискиот лидер Моамер ел-Гадафи, по неколку дена успешно напредување во источниот дел, денеска започнаа артилериски напад врз градот Аџабија, југо-западно од вториот по големина либиски град Бенгази, кој е центар на востанието и во кој се наоѓа седиштето на преодниот Национален совет, пренесе сателитската телевизија „Ал Џезеира“ (Al Jazeera).Според извори од редовите на бунтовниците, утрово четири артилериски гранати паднале во западните населби на Аџабија. Во ова гранатирање немало повредени.Претходно бунтовничките сили соопштија дека имаат намера жестоко да ја бранат Аџабија, која е важна стратешка точка за напредување кон Бенгази, Тобрук и југо-источниот дел на Либија, коишто се под контрола на опозициските сили.Либиската воена авијација почна да извршува секојдневни бомбардирања на бунтовничките сили во источниот дел. Минатиот викенд владините трупи ги вратија под своја контрола градовите Рас ал-Ануф и Mарса ел-Брега западно од Аџабија. Бунтовниците беа принудени да се повлечат кон исток, а сега ги концентрираа своите сили околу Аџабија.Во саботата министрите за надворешни работи на земјите членки на Арапската лига одлучија да поднесат жалба до Советот за безбедност и бараа да прогласи затворање на воздушниот простор над Либија со што ќе се оневозможи воздухопловните сили на Гадафи да извршуваат воздушни напади врз бунтовничките позиции на исток.Министрите за надворешни работи на Арапската лига постигнаа согласност да се „отвори канал за контакти“ со преодниот Национален совет (тело на револуционерната власт, формирано од страна на опозициските сили за управување со источните области)./крај/аџ/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Фаучи: Во март почнуваме тестирање на вакцината на „Модерна“ против јужноафриканскиот вид

Во средината на март во САД почнуваат испитувања на вакцините развиени од лабораторијата на „Модерна“ против јужноафриканскиот вид на коронавирусот, изјави Ентони Фаучи, советник во Белата куќа.
„Испитувањата почнуваат во средината на март“, рече имунологот на прес-конференција одржана во Белата куќа.
Засега, додаде Фаучи, нема да се прочува ефикасноста, туку само безбедноста и имуногеноста на производот, т.е. неговата способност да предизвика имунолошки одговор.
Тој рече дека првата фаза од испитувањето ќе се спроведе кај мал број луѓе.
Јужноафриканската варијанта според научниците е најзагрижувачка бидејќи покажа дека може делумно да се спротивстави на имунолошката заштита развиена по инфекција со вирусот или по примањето на вакцината.
Регион
Брнабиќ: Луѓето се опуштија и мислат дека е готово, апелираме до сите да станат сериозни

Премиерката на Србија, Ана Брнабиќ, посочи дека луѓето се опуштиле и дека тоа може да се забележи според бројот на заразени. Таа додаде дека Србија продолжува со вакцинацијата и е прва по бројот на лица што примиле по две дози.
„Опуштени сме. Она што се случува се случува и во Израел. Луѓето се опуштија и мислат дека е готово. Апелираме до сите да станат сериозни и да вложат последни напори за да бидат безбедни“, рече Брнабиќ.
Таа исто така посочи дека мерките за викенд се заострени како потсетник на граѓаните дека треба да станат сериозни.
Во Србија во последните два дена се потврдени по повеќе од 3.000 нови случаи на коронавирус.
Европа
Во Шпанија помладите од 55 години што прележале Ковид-19 ќе добијат по една доза вакцина

Шпанија ќе им даде само една доза вакцина на лица помлади од 55 години што биле заразени од коронавирус, соопшти денеска Министерството за здравство во најновата промена на стратегијата за вакцинација.
„Времетраењето на отпорноста кон вирусот по инфекцијата е непознато, но истражувањата покажуваат дека единечна доза кај овие луѓе го зголемува имунитетот“, се вели во упатството.
Франција воведе слична политика претходно овој месец и италијанските политичари размислуваат да го следат истиот пат.
Шпанија веќе ги советуваше луѓето што немале тешка форма на Ковид-19 да чекаат шест месеци од дијагностицирањето пред да бидат вакцинирани.
Во Шпанија се вакцинирани околу 2,2 милиона граѓани од приоритетните групи, како што се корисници и вработени во домови за стари лица, лица над 80 години и медицински персонал во првите редови во борбата против коронавирусот. Од нив, 1,2 милиона добиле две дози.
- Книги2 месеци
Македонски лекар ја објави последната исповед на Јосип Броз Тито
- Македонија3 месеци
МЖСПП: Мечкиното грозје важен ресурс, кој треба грижливо да го собираме
- Црна хроника3 месеци
Млада девојка од Штип пронајдена мртва во нејзиниот дом
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Свет4 недели
Поради примање мито во Кина погубен поранешен државен функционер