Спорт
Најдоброто и најлошото од спортот во Македонија за 2009
Македонскиот спорт во 2009 година го одбележаа неколку светли моменти кои покажаа дека и покрај местењето на натпревари, скандали и беспарицата, со многу труд, упорност и желба можат да се постигнат одлични резултати.
Македонскиот спорт во 2009 година го одбележаа неколку светли моменти кои покажаа дека и покрај местењето на натпревари, скандали и беспарицата, со многу труд, упорност и желба можат да се постигнат одлични резултати.
Од позитивните достигнувања на македонскиот спорт за годината која изминува ги издвојуваме, подвизите на Сашко Кедев кој стана третиот Македонец кој успеал да се искачи на највисокиот врв на светот, Монт Eверест, и на Томи Стефановски кој стана третиот Македонец што го препливал каналот Ламанш.
Се разбира не може да се занемари одличното освоено 11-то место на Светското првенство во ракомет, од македонската репрезентација и рекордните 92 гола постигнати од страна на нашиот најдобар ракометар Кире Лазаров..
Позитивните моменти во спортот како да беа ставени во сенка на скандалите со необележаните влезници за пријателскиот натпревар со Европскиот шампион Шпанија, заминувањето на Слога Југо Mагнат, и Македонија Ѓорче Петров од првата лига, штрајкот на фудбалерите на Вардар, и обвинувањата за судијата Антон Генов од страна на УЕФА за местење на пријателскиот натпревар на Македонија против Канада.
Се надеваме дека 2010 ќе биде уште поплодна за македонските спортисти, и дека македонскиот спорт го чекаат уште светли моменти.Јануари 2009 година:
Трифун Костовски си поднесе оставка од функцијата претседател на ФК Вардар.
Со победата над Ј. Кореја Македонија од 32:31 на С.П. во Хрватска се пласира на 11-то место во светот, а капитенот Кире Лазаров е најдобриот стрелец на светот со постигнати 92 гола.
Февруари 2009
Македонската фудбалска репрезентација одигра нерешено 1:1 против репрезентацијата на Молдавија во пријателски натпревар. Горан Пандев го постигна својот 15-ти гол за репрезентацијата но Андроник израмни за Молдавија.
Март 2009 година:
Претседателот на ФИФА, Мишел Платини во посета на Македонија. Платини го посети споменикот на фудбалот во Скопје и изврши проверка на Арената Филип Втори чија северна трибина беше во фаза на финализирање.Ивана Рожман го освои последното 31 место на трката од 60 метри на Е.П. во атлетика во сала кое се одржа во Торино.Април 2009 година:
Каратистот Иво Цветковски освои злато во сениорска категорија до 67 килограми во Европската златна лига, турнирот кој се одржа ви Милано, а Симона Заборска освои бронза во категорија до 47 килограми.Мишел Платини ја поддржа осумгодишната суспензија за ФК Победа поради местење на резултати со дво мечот со Пјутник во квалификациите за ЛШ во 2004 година.
Мај 2009:
Македонскиот кардиолог Сашко Кедев стана третиот Македонец по Димитар Илиевски- Мурато и Глигор Делев кој го освоил највисокиот врв на светот Монт Еверест.
Мирасад Јонуз е именуван за нов селектор на Македонската фудбалска репрезентација по заминувањето на Сречко Катанец.
Јуни 2009 година:
Јошко Петровиќ е избран за селектор на женската ракометна репрезентација по оставката на Владимир Глигоров.Македонската фудбалска репрезентација во Скопје ја совлада репрезентацијата на Исланд со резултат 2:0. Стојков и Ивановски ги постигнаа головите за Македонија.
Јули 2009:
Македонската ватерполо репрезентација со три пораза и една победа се пласира на 13-то место на С.П. во водени спортови кое се одржа во Рим.
Поранешниот тренер на хрватската ракометна репрезентација, Лино Червар е именуван за нов тренер на скопски Металург.
Август 2009:
Шпанската фудбалска репрезентација со пресврт во второто полувреме ја победи Македонија на Арената Филип Втори со резултат 3:2. Македонија водеше во првото полувреме со двата гола на Горан Пандев, но Фернандо Торез, Џерад Пике и Алберт Риера и ја донесоа победата на Шпанија. Натпреварот против Шпанија беше ревијален натпревар по повод јубилејот 100 години постоење на фудбал во Македонија
Македонскиот пливач Томи Стефановски го преплива каналот Ла Манш за 7 часа, 42 минути и 32 секунди. Стефановски е третиот Македонец кој го препливал Ла Манш по Атина Бојаџи и Нико Нестор.
Септември 2009:
Македонскиот боксер Примислав Димовски го освои петтото место на С.П. во бокс кое се одржа во Милано.Македонската кошаркарска репрезентација го освои 9-то место на Е.П. во Полска. Македонија по пауза од 10 години повторно се натпреваруваше на едно Е.П. во кошарка.
Октомври 2009 :
Македонската фудбалска репрезентација ја порази репрезентацијата на Катар со 2:1 во пријателскиот натпревар кој се одржа во Скопје. Головите ги постигнаа Пандев и Христов по првичното водство на Катар. Горан Пандев со својот 18 гол стана прв стрелец во историјата на македонската репрезентација.
Фудбалерите на Вардар стапија во штрајк по незадоволството од финансиската состојба во која се наоѓа најтрофејниот македонски клуб.
Ноември 2009:
Македонската фудбалска репрезентација во пријателски натпревар одигран во Струмица ја совлада репрезентацијата на канада со резултат 3:0. Седловски го постигна првиот гол на натпреварот а Горан Пандев ги постигна останатите два, од кои еден од пенал.
Македонската ватерполо репрезентација во скопскиот базен Младост беше поразена од репрезентацијата на Хрватска со конечен резултат 9:7 од деби натпреварот од Светската лига во ватерполо.
Декември 2009:
Со две екипи помалку, без Слога Југо Магнат и Македонија Ѓорче Петров продолжи фудбалското првенство на Македонија.ФК Вардар најави повлекување од Првата македонска лига, а причина за тоа е раскинот на договорот со 17 годишниот Стефан Ристевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Мурињо стигна во Истанбул, на чекор е oд Партизан
Португалскиот фудбалски стручњак Жозе Мурињо и официјално стана нов тренер на Фенербахче.
Двегодишниот договор Мурињо го потпиша пред неколку десетици навивачи на стадионот на Фенербахче „Шукур Сарачоглу“ во Истанбул.
„Сакам да ви се заблагодарам за љубовта што ја чувствував од првиот момент кога моето име првпат се поврзуваше со Фенербахче. Обично тренерот се сака по победата, но во овој момент чувствувам дека сум сакан уште пред да победам. Тоа е голема одговорност. Од овој момент припаѓам на семејството на Фенербахче“, изјави Мурињо, а пренесува „Скај Спорт“.
🟡🔵 Jose Mourinho, Fenerbahçe taraftarını selamladı! #beINSPORTS pic.twitter.com/adl2fXeCKy
— beIN SPORTS Türkiye (@beINSPORTS_TR) June 2, 2024
Во својата тренерска кариера Мурињо од клупата ги водеше Порто, Челзи, Интер, Реал Мадрид, Манчестер Јунајтед, Тотенхем и Рома.
Како тренер освои две Лиги на шампиони (Порто, Интер), две Лига Европа (Рома, Манчестер Јунајтед) и Конференциска лига (Рома), а освои и трофеи во првенствата на Шпанија (Реал Мадрид), Англија (Челзи), Португалија (Порто) и Италија (Интер).
Со Фенер ќе играат во квалификациите за Лигата на шампионите, а во второто коло ќе играат против српскиот претставник Партизан или швајцарски Лугано.
Спорт
Грците со Адетокумбo во составот во борбата за Париз
Кошаркарската репрезентација на Грција со полни сили ќе настапи на квалификацискиот турнир во Атина за пласман на Олимписките игри.
Главната ѕвезда на репрезентацијата Јанис Адетокумбо го потврди своето учество и ќе му биде на располагање на селекторот за решавачките игри кои можат да им донесат на Грците пласман на Олимписките игри.
Покрај Адетокумбo меѓу Грците ќе бидат и Митоглу, Папаџанис, Папаниколау, Папапетроу, Слукас и многу други.
Грција за виза за Париз ќе се бори со претставниците на Доминиканската Република Словенија, Хрватска и Нов Зеланд.
Спорт
Доминација на Бањаја во Муџело
Франческо Бањаја, актуелниот сбетски првак го комплетираше совршениот викенд на трката за Големата награда на Италија. Пеко вчера победи во спринтот, а попладнево беше најдобар и во главната трка. Извонредниот викенд на Дукати на домашен терен во Муџело го надополни вториот возач Енеа Бастијанини во спектакуларен финиш дојде до втрата позиција.
бањаја ГН на Италија ја започна од петтата позиција, но имаше фантастичен старт и се проби до првата позиција по само три свиоци. Најголемиот ривал на Бањаја, Хорхе Мартин, го следеше во текот на целата трка.
Долго време водеа Бањаја, Мартин и Маркез, а ги следеа Бастианини и Акоста и се чинеше дека трката така ќе заврши. Сепак, спектакл на крајот приреди Енеа Бастианини.
На четири круга до крајот го престигна Маркез, а во последниот свиок успеа да излезе и пред Мартин.
На крајот Бањаја беше прв, а топ 15 ги комплетираа Бастианини (Дукати), Мартин (Прамак), Марк Маркез (Гресини), Акоста (ГасГас), Морбидели (Прамак), Ди Џанантонио (ВР46), Вињалес (Априлија), Алекс Маркез (Гресини), Биндер (КТМ), Алеиш Еспаргаро (Априлија), Фернандез (Трехаус Рејсинг), Бецеки (ВР46), Оливеира (Трехаус Рејсинг), Ринс (Јамаха).