Спорт
Винокуров сам влезе во целта во Ревел
13. етапа на Тур Д Франс долга 196 километри од Родез до Ревел му припадна сосема заслужено на Казахстанецот Александре Винокуров, член на тимот Астана.
13. етапа на Тур Д Франс долга 196 километри од Родез до Ревел му припадна сосема заслужено на Казахстанецот Александре Винокуров, член на тимот Астана. Тој на повеќе од 10 километри од целта на брдскиот дел од патеката направи предност од стотина метри и истата успеа да ја задржи и на рамниот спринтерски дел и сам влезе во целта со време од 4:26,26 со 13 секунди предност пред големата гупа на возачи меѓу кои и главните претенденти во генералниот пласман. Втор на целта пристигна Марк Кевендиш од Британија (член на тимот Колумбија), а подиумот го пополни уште еден сапринтер Антонио Петачи од Италија (Лампр – Фарнес).
Шпанецот Контадор (Астана) и Енди Шлек од Луксембург (Саксо банк) беа во групата од стотина возачи сите со 13 секунди зад победникот. Така по 13 етапа Шлек ја задржа жолтата маица и предноста од 13 секунди пред Контадор, а Санчез и понатаму е трет со повеќе од двеипол минути задоцнување.
Ленс Армстронг од РадиоШак ги загуби сите шанси, па сега тимот е насочен кон Леви Лефејмер кој доцни четири минути зад Шлек и ќе се обиде на Пиринеите да го загрози.
Зелената маица која ја носи најдобриот спринтер на неколкуте целни места за време на етапата, Петачи повторно ја врати откако Том Хусховд не беше во избеганата тројка од возачи во која беше Петачи.
Во екипна конкуренција во која се натпреваруваат по четири возачи од секоја екипа, а се сметаат времињата на тројцата најдобри, води РадиоШак со 21 секунда предност пред Сес Д Епарњ а трети се Рабобанк кои доцнат цели 16 минути и 13 секунди.
Денешната 14. етапа, етапа долга 184 километри од Ревел до Ски станицата Акс-3 Домејн има две екстремни искачувања, првото до Порт Д Пејлер, а второто пред самиот финиш. Ова е првата од четирите „казнени планински етапи“ на Пиринеите, во кои се очекува Контадор да го нападне носителот на жолтата маица Шлек и да се обиде повторно на победи на Тур Д Франс./крај/ап/м.н.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дали е Баерн оштетен во последните секунди од натпреварот?
Фудбалерите на Реал Мадрид се пласираа во финалето на Лигата на шампионите каде на 1.јуни за титулата ќе се борат со Борусија Дортмунд.
Вечерва на „Сантијаго Бернабеу“, Реал повторно режираше нестварен пресврт и со головите на Хоселу во 88. и 91.минута го победи Баерн со 2:1.
Сепак, сенка на феноменалното полуфинале фрли помошникот на Симон Марчињак, Томаш Листкиевич, кој во последната минута од судиското надополнување реши да го прекине нападот на Баварците поради дискутабилен офсајд.
Во последните секунди Де Лихт погоди по додавањето на Милер, но помошникот во ситуацојата која беше „тесна“ реши да го крене знамецето.
Протоколот предвидува линискиот судија да ја остави акцијата да заврши, за доколку е постигнат гол, подоцна со помош на ВАР да се утврди дали голот бил регуларен или не.
Овде судијата не го направи тоа, па фудбалерите на Баерн, но и тренерот Томас Тухел целосно ги загубија нервите.
Спорт
Олимпијакос е последниот патник на завршниот турнир – Грците ја добија мајсторката во Барселона
Кошаркарите на Олимпијакос ја совладаа Барселона, во мајсторката одиграна во Каталонија со 63:59 и се пласираа на завршниот турнир во Евролигата, кој ќе се одржи од 24-26. ќе се одржи во Берлин во мај.
Грчкиот тим, кој вторпат победи на гостински терен во четвртфиналната серија со Барса, на тој начин им се придружи на Реал Мадрид, Панатинаикос и Фенербахче кои претходно се пласираа во Берлин.
Избраниците на Јоргос Баркокас трета година по ред се пласираа на завршниот турнир во Евролигата.
Претходната година беа поразени во финалето од Реал, а годината претходно беа елиминирани во полуфиналето од Анадолу Ефес кој подцна ја освои титулата.
Ривал на Олимпијакос во полуфиналето ќе биде Реал и тоа ќе биде реприза на финалето од минатата сезона од Каунас.
Вечерва во Блауграна, двата тима одиграа исклучително тврд и дисциплиниран натпревар во кој доминираа одбраните.
Олимпијакос во сердишницата од решевачката четвртина со серија поени и добра одбрана со која ги затворија сите патишта до нивниот обрач направија клучен исчекор кон победата.
Серијата од 8:0 во тој налет се покажа како клучна.
Две тројки постигнаа гостите во тој интервал, по една Мекисик и Папаниколау.
Барса, не се предаде, а пропушти одлична можност да го израмни резултатот кога Грците водеа со 57:54. Потоа Абрињес го повлече нападот, но Мекисик му ја „украде“ топката за во продолжение Милутинов да остане сам во рекетото на противникот и со забицвање да ја запечати победата на Олимпијакос.
Српскиот центар го заврши мечот со 10 поени (4/5 за два, 2/4 слободни фрлања), 10 скокови, две асистенции и блокада за убедливо највисок индекс на корисност 26 за 25 минути на теренот, Мекисик постигна 12. (2/4 за три), Папаниколау 11 (3/6 за три).
Само Лапровитола со 17 (3/8 за два, 2/7 за три) со седум скока и четир асистенции и Алекс Абринес со 13 поени (3/3 за два, 2/5 за три) во Барселона постигнаа двоцифрен број на поени.
Спорт
(Видео) Хоселу го реши трилерот во Мадрид – Реал е во финалето на ЛШ
Реал Мадрид 18.пат во клупската историја ќе се бори за трофејот во Купо/Лигата на шампионите. Вечерва на „Сантијаго Бернабеу“ во инфаркт завршница го победи Баерн со 2:1. Апсолутен херој на Реал е искусниот напаѓач Хоселу, кој со головите во 88. и 91.минута направи пресврт, откако Баерн поведе со голот на Дејвис во 68.минута.
Фудбалерите на Баерн беа на само неколку минути до финалето. Поведоа со спектакуларниот гол на Алфонс Дејвис и водеа до самиот крај на натпреварот, сепак, избраниците на Карло Анчелоти по којзнае кој пат покажаа сила и одлучност да се вратат „од мртвите“ и со голем пресврт да дојдат до победата.
Јунак на натпреварот беше Хоселу, тој влезе во игра во 81. минута и ги постигна двата гола за „кралскиот клуб“. Трагичар е голманот на Баерн, Мануел Ноер. Бранеше брилијантно во текот на целиот меч, но со груба грешка им го подари израмнувачкиот гол на фудбалерите на Реал.
Реал во финалето ќе игра против Борусија Дортмунд, која во два натпревари со вкупни 2:0 го елиминира ПСЖ.
Реал Мадрид е убедливо најуспешен клуб со рекордни 14 титули европски шампион. Борисија само еднаш ја освои Лигата на шампионите, во 1997 година, кога како аутсајдер го победи и Јувентус (3:1) во Минхен.