Македонија
Солана: Македонија одлично се справува со економската криза
Визната либерализација, односите на Македонија со соседите, како и со земјите во регионот и што побрзо решавање на спорот со Грција биле главните теми на разговорите меѓу Премиерот Груевски и високиот претставник за заедничка надворешна и безбедносна политика на ЕУ, Хавиер Солана денеска во Скопје
“Среќен сум што се враќам овде со многу добри вести за вашата земја и за вас исто така. Прашањето за визната либерализација е многу важна работа, и се надевам дека ќе се реши многу брзо. Се надевам дека ќе добиете добри вести деновиве и тоа ќе им помогне на вашите луѓе особено на младите да патуваат низ земјите на Европа“, рече по средбата високиот претставник на ЕУ, Хавиер Солана. Тој додаде дека нема точен датум за преговори да соопшти при оваа посета, но донесе вести за “еден конструктивен дух на добра соработка и задоволство од начинот на кој се работи и начинот на кој се движи земјата“. Солана смета дека Македонија е важен играч во регионот, стабилна земја, од што произлегува обврската да учествува и да помогне во зацврстувањето на стабилноста во регионот. Тој изрази надеж за што поскора демаркацијата на границата кон Косово, и рече дека ќе даде се од себе сето да се одвива на побрз начин.“Разговаравме и за тоа дека Република Македонија е во завршна фаза во завршување на бенчмарковите, јас го информирав за нашите напори и за нашето залагање и уверување дека во наредниот период ќе направиме максимум што е во наша моќ да ги завршиме сите оние работи кои се очекува да ги завршиме. Дека Владата е целосно фокусирана на тоа и дека е успешен периодот“, рече премиерот Груевски.“Што се однесува до Охридскиот рамковен договор, премиерот ме увери дека се работи на тоа да се заврши, а и јас имам надеж да се заврши што побрзо“, рече Солана. Според неги, јасно е дека имплементацијата на некои од одредбите оди потешко, како пример ја спомна администрацијата и правичната застапеност, но се надева дека Македонија ќе продолжи по вистинскиот пат, а тоа, според него е патот кон ЕУ, на кој ќе не поддржуваСпоред Солана Македонија одлично се снаоѓа со економската криза и покрај тешкотиите кои таа ги носи со себе, Македонија, според Солана има се уште добри макроекономски бројки.“Кога го гледам начинот на којшто вие се справувате со него сметам дека тоа го правите на многу интелигентен начин. Имате бројки, кои се уште покажуваат раст. Тоа се макроекономски статистики и мислам дека можете да бидете задоволни од начинот на којшто се справувате со овие комплицирани времиња“ вели Солана.Според него, реформите мора да продолжат “бидејќи во моментот кога кризата ќе заврши, а ќе заврши многу брзо, ќе треба да бидете во можност да излезете како многу подобро ситуирани од претходно“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Скопско ја продолжува мисијата ‘Наша гордост. Наша одговорност.’: волонтери, инфлуенсери и нуркачи го чистеа Охридското езеро и крајбрежјето
Култниот пивски бренд на Пивара Скопје – СКОПСКО успешно ја заврши големата еко-акција за чистење на Охридското Езеро, која се одржа на 1-ви јуни 2024 година. Оваа акција, во рамки на долгорочната платформа за општествена одговорност „Наша гордост. Наша одговорност.“ мобилизираше голем број волонтери кои заедно со нуркачкиот клуб Амфора го чистеа Охридското езеро и неговото крајбрежје.
„Со гордост објавуваме дека преку оваа акција успеавме да исчистиме неверојатни 120 метри кубни отпад – цврст и пакувачки отпад, метални конструкции и автомобилски гуми на 6 различни локации, а во акцијатa беа вклучени вкупно 170 нуркачи и волонтери. Нашата долгорочна цел е да ја подигнеме свеста за важноста на зачувување на нашата природна средина. Ова е само дел од нашите постојани напори да ги заштитиме и сочуваме природните богатства, симболите на нашата гордост и културно наследство. Оваа кампања ја нагласува долгорочната заложба на СКОПСКО за одржливост, повикувајќи ги сите да придонесат за почиста, позелена иднина,“ вели Марта Завкова, сениор бренд менаџер за СКОПСКО во Пивара Скопје.
Членовите на нуркачкиот клуб Амфора инспирираа многумина да се приклучат во акцијата и ја подигнаа свеста за важноста на поддршката на ваквите иницијативи, како локално, така и во земјите од регионот. Оваа година, како дел од акцијата се вклучија 70 нуркачи од кои 20 беа нуркачи од регионот.
„Во текот на акцијата нуркачите од нашиот клуб успеаја да извадат голема количина отпад од подводниот дел на езерото, Благодарност до СКОПСКО и сите волонтери кои ја поддржаа и учествуваа во оваа акција. Сите заедно, со мали но значајни чекори, можеме да го зачуваме нашето природно наследство и да обезбедиме чиста и здрава животна средина за идните генерации,“ изјава Јован Секулоски од Амфора.
Како потсетување, минатата година во рамки на платформата „Наша гордост. Наша одговорност.“ беа реализирани акции за чистење на дното на Охридското Езеро и крајбрежјето, како и поставување на пловни препреки на реките Сатеска и Даљан, за да се спречи загадувањето на езерото со пловен отпад.
Овој проект целосно ги поддржува заложбите на Пивара Скопје за одржлив развој во рамки на платформата „Свет без отпад до 2030 година“, како и намалување на нето јаглеродните емисии на компанијата до 2040 година.
Како компанија ориентирана кон иднината, Пивара Скопје преку СКОПСКО платформата „Наша гордост. Наша одговорност.“ ќе опфати и други национални обележја во земјата и ќе ги обедини граѓаните, организациите и институциите кои ги делат истите вредности и заложби за одржлив развој.
ПР
Македонија
Засадени 8 магнолии во Битола
Битола станува град на магнолиите. А инспирација може да биде славната магнолија на семејството Иконому која беше засадена во познатата историска куќа на ова семејство. Со овој мотив, финтек компанијата МИНТ денес ја реализираше својата традиционална акција со засадување на 8 магнолии во градот Битола каде е лоцирана нејзината централа, број кој е идентичен со бројот на постоење на комапнијата. Поддршката е дадена на ЈК “Комуналец“, а идејата е секоја година да се засадуваат садници магнолии, со цел градот да се препознава по овие убави мали раскошни дрва. Минатата година 12 магнолии беа засадени во паркот околу Градскиот часовник, а 3 во паркот пред комплексот Грозд. Годинава сите садници беа засадени во новиот парк Довлеџик.
„Битола е и град кој има плоштад кој го носи името “Магнолија“. Име кое не е случајно, туку го добива по дрвото кое во минатото го имало во дворот на познатиот битолски трговец Иконому, чија куќа централно поставена на овој плоштад е прекрасен пример на старата битолска архитектура и во која на преминот помеѓу 19 и 20 век бил сместен конзулатот на Австроунгарија. Кога ја планиравме акцијата, наидовме на интересни факти дека според народните верувања магнолијата засадена пред куќата привлекувала задоволство и мир, а зад куќата привлекува богатство и финансиски просперитет. Затоа ја засадил Иконому. Дрвото магнолија пред некоја деценија повторно го има пред левата страна од скалите на објектот на Иконому и дава симболика на ова место како некогаш. Нашата идеја е целиот комплекс на паркот околу плоштадот и на други места низ градот од оваа година, па натаму да садиме магнолии, истакна од Минт Финтек Групација, во која вледуваат компаниите Минт Кредит, МинтИнс, Минт Травел, и Минт Бонус.
Инаку, магнолијата го добила името во чест на францускиот ботаничар Пјер Магнол, а дрвата живеат до 100 години.
ПР
Скопје
Светлана Колариќ нов Претседател на Советот на Општина Кисела Вода
Општина Кисела Вода доби нов Претседател на Советот. Светлана Колариќ која доаѓа од редовите на ВМРО ДПМЕ денес, со мнозинство гласови беше избрана да ја извршува оваа функција, на која доаѓа откако досегашниот Претседател Иван Живковски на неодамна одржаните избори, доби пратеничко место во Собранието на Република Македонија.
Новиот Претседател на Советот на општина Кисела Вода, Светлана Колариќ се заблагодари за довербата, како и на сега веќе, пратеникот Живковски за целиот ангажман и успешна работа. Во своето прво обраќање го поздрави градоначалникот Ѓорѓиевски и истакна дека во својот мандат ќе продолжи да работи согласно законите и во интерес на жителите на Општина Кисела Вода, поддржувајќи ги добрите идеи и проекти на градоначалникот кои и досега ја трасираа Кисела Вода како една од најуспешните општини.
-Нашата соработка ќе се темели врз обврките пропишани во законите и подзаконските акти, со акцент врз Законот за окална самоуправа и статутот на оштината. Нашата цел е заедничка и единствена, како и досега, да спроведуваме одговорни политики, работејќи трнспарентно и исклуиво во интерес на жителите на општина Кисел Вода-исткна новиот Претседател на Советот на Општината Светлана Колариќ.
Градоначалникот Орце Ѓорѓиевски и’ ја честиташе нова позиција, му се заблагодари и на досегашниот Претседател на Советот Иван Живковски, како и на новоизбраниот советник кој доаѓа на неговото место, Драган Василевски.
„Честитки за изборот на новиот претседател на Советот на општина Кисела Вода, Светлана Колариќ. Силно сум убеден дека со преземањето на обврската и своето долгогодишно искуство ќе придонесе во развојот на општината, ќе биде прва меѓу еднаквите и ќе ја оправда довербата која ѝ е дадена. Нашата меѓусебна соработка ќе продолжи исто како со досегашниот претседател, а сега пратеник во Собранието на Република Македонија Иван Живковски, за што му честитам и искрено му се заблагодарувам за неговата работа, предлози и одлуки кои беа само и само во интерес на граѓаните. Иван, ти благодарам што нивото на Советот го крена на едно високо ниво. Воедно му честитам на новиот советник во Советот, Драган Василевски, кој доаѓа од редовите на ВМРО ДПМНЕ и му посакувам понатамошна успешна работа. Продолжуваме понатаму, заедно да ја испишеме новата приказна за нашата Кисела Вода“, изјави градначалникот Орце Ѓорѓиевски.