Македонија
Резултатите од екстерните испити подобри од лани
Бирото за развој на образованието ги презентираше прелиминарните резултати од екстерните испити од јуни 2009 година
Подобрувањето на тестовите од оваа година за разлика од лани е намалување на процентот на учениците кои не положиле државна матура и зголемување на прагот на положеност по сите наставни предмети.„По втор пат во историјата на македонското образование се полагаа екстерни тестови во средните училишта. Резултатите на 16 734 матуранти кои ги полагаа овие тестови се генерално подобрени“, изјави министерот за образование, Никола Тодоров. Од вкупно пријавени 17 500 , полагале 16 734 ученици. Од 16 734 колку што полагале мајчин јазик, македонски јазик и литература полагале 12 177 ученици, од кои 2,6 отсто не го положиле предметот. Албански јазик полагале вкупно 4247 ученици од кои 10,3 не положиле. Турски јазик, од вкупно 310 ученици не полож иле 4,2 проценти. Странски јазици(англиски, германски, француски и руски) полагале вкупно 12 175 ученици, од кои 9,1 процент не положиле испитот. Од странските јазици најмногу ученици или 11 541 полагале англиски јазик. Најдобри резултати покажале учениците од уметничките училишта, кои ги полагаа предметите естетика и филозофија наместо математика. Кај двата предмета нема ученици што не положиле. Најслабите резултати исто како и минатата година се по предметот математика. Од вкупно пријавени 4404 не положиле 1055 ученици. Бидејќи втора година по ред резултатите по математика се најслаби, директорката на БРО Весна Хорватовиќ, истакна дека во план е да се направат анализи на наставните програми, тестовите, како и кампања за обука и стручна помош за наставниците кои предаваат математика. Средната оценка на положените е меѓу 3 и 4. Прагот на положеност е зголемен за еден до два бода, во однос на минатата година. Приговорите можат да се поднесуваат веќе од утре.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Трет состанок на политички директори во рамките на претседавањето со ПСЈИЕ
Денеска, во Министерството за надворешни работи на Република Северна Македонија се одржа третиот состанок на политички директори на учесниците на Процесот за соработка на Југоисточна Европа (ПСЈИЕ), на кој присуствуваа и претставници на Советот за регионална соработка (СРС) и на Европската Унија.
На состанокот беа разгледани кандидатурите за избор на генерален секретар на Регионалниот совет за соработка (РСС) и предлог-текстот на Заедничката декларација во пресрет на министерскиот состанок, што ќе се одржи во рамките на нашето претседавање со ПСЈИЕ.
Северна Македонија со ПСЈИЕ претседава во периодот јули 2023 – јуни 2024 година со мотото „Премостување поделби, градење доверба“.
Македонија
„Премиерот од Форино, ако до сега не знае дека сам треба да си го уреди сопствениот двор, таа лекција ни денес нема да ја научи“, велат од Град Скопје
На денешната прес-конференција во Владат6а, в.д. премиерот Талат Џафери избегнува одговорност и манипулира со некакви процедури само за него познати лажејќи дека сопственост и надлежност на Град Скопје и ЈП „Паркови и зеленило“ било да се грижат за зеленилото во Владата, реагираат од Град Скопје.
„Талат Џафери, ако до сега не знае дека сам треба да си го уреди сопствениот двор, таа лекција ни денес нема да ја научи сигурно. Од в.д. премиерот од Форино, кој кога излегува од дома до Владата ги гаси попатно сите семафори и прави хаос во градот, не е ни очекувано дека би требало да знае која е неговата обврска, тој само знае какви бенефиции може да искористува.
ЈП „Паркови и зеленило“ ги одржува градските булевари и парковни површини, кои се надлежност на претпријатието во согласност со законот, а ако сака в.д. премиерот Талат од Форино да ги ангажира да работат во Владата, за тоа треба да си склучи договор, исто како и секоја друга институција во Македонија“, се наведува во реакцијата на Град Скопје.
Техничкиот премиер Талат Џафери, по денешниот отчет за сработеното во првите 100 дена од Владата што ја предводи, даде објаснување за порасната трева околу Владата за што имаше многу реакции од граѓаните. Одговарајќи на новинарско прашање за тревата, Џафери објасни дека тоа е обврска на Град Скопје, па од таму и изборниот резултат на партијата што ја предводи градоначалничката на Скопје, Данела Арсовска.
Скопје
Посебен режим на сообраќај в недела во Скопје
СВР Скопје ги известува граѓаните на Скопје дека на 12.5.2024 (недела) од 8.30 до 10.30 часот, поради одржување улична трка, од страна на Единицата за безбедност на патниот сообраќај при СВР Скопје ќе бидат преземени мерки за посебен режим на сообраќај, и тоа на сообраќајниците по кои ќе се движат натпреварувачите, кои имаат стартна позиција на булеварот Илинден – локација Фонтана, ќе се движат по булеварот Илинден до крстосницата со улицата Никола Парапунов, потоа до крстосницата со булеварот Партизански одреди, десно (кон населбата Ѓорче Петров) до мостот „Влајко“, каде што вртат полукружно и назад по истиот коловоз до крстосницата со улицата Љубљанска, каде што вртат полукружно и по истиот коловоз се враќаат назад на улицата Никола Парапунов и по булеварот Илинден до целта на локација Фонтана на булеварот Илинден.
СВР Скопје апелира до граѓаните да ги почитуваат наредбите што ги издаваат полициските службеници на сообраќајниците на кои ќе се одвива настанот.