Регион
Србија: Потврдена победата на СНС, изборниот праг го минаа уште шест партии и коалиции
Коалицијата „Србија победува“ предводена од Српската напредна партија (СНС) на Александар Вучиќ е победник на предвремените парламентарни избори во Србија, а во Скупштината на Србија (парламентот) ќе влезат уше шест партии и коалиции, според најновите податоците што ги соопшти српската Републичка изборна комисија (РИК), објавени врз основа на 97,46 отсто од преброените гласови.
Според најновите прелиминарни резултати, во српскиот парламент, покрај СНС, влегува и коалицијата којашто ја води Социјалистичката партија на Србија (СПС-ЈС) на Ивица Дачиќ, Демократската партија (ДС) на Бојан Пајтиќ, Српската радикална партија (СРС) на Воислав Шешељ, Движењето Доста беше на Саша Радуновиќ, поранешен министер за економија во владата на Александар Вучиќ, тројната коалиција на партиите на Борис Тадиќ, Ненад Чанак и Чедомир Јовановиќ (Српска демократска партија СДС- Либерал-демократска партија ЛДП – Лига на социјалдемократите на Војводина ЛСВ), коалицијата ДСС-Двери на Санда Рашковиќ Илиќ и Бошко Обрадовиќ.
Врз основа на 97,46 отсто од обработениот материјал РИК на прес-конференцијата пренесувана на телевизиите објави дека СНС освоила 48,25 отсто од гласовите, а следуваат СПС-Јс со 11,91 отсто, СРС – 8,5, ДС – 6,05, Доста беше – 5,99, СДС-ЛДП-ЛСВ – 5,03 и ДСС-Двери со 5 отсто од гласовите.
Според оваа проекција, во 25-члениот српски парламент, СНС ќе има 131 пратеник, СПС-ЈС – 30, СРС – 21, по 16 мандати ќе имаат ДС и Доста беше, а по 13 ДСС-Двери и СДС-ЛДП-ЛСВ. Според овие резултати СВМ би имал 4 мандати, два мандата СДС на Санџак и Бошњачката демократска заедница на Санџак на Муамер Зукорлиќ, а по еден мандат ПДД и Зелената партија.
Според овие резултати, Вучиќ може да формира самостојно влада бидејќи има просто мнозинство од 250-те мандати. Некои аналитичари, пак, ја оставаат можноста во „фото финишот“ од пребројувањето на гласовите, двете парти кои се на работ од изборниот праг од 5 отсто, СДС-ЛСВ-ЛДП и ДСС-Двери да паднат под него и да не влезат во парламентот.
„Напредњаците и нивните партнери, според досегашниот збир од гласовите имаат комотно парламентарно мнозинство и предмет на тактичка и политичка процена е дали уште некого ќе придружат во коалицијата кога ќе ја формираат владата. Во секој случај, за тоа не им е неопходен нов коалициски партнер“, оцени за Радио-телевизија Србија (РТС), директорот на агенцијата IPSOS Strategic Marketing, Срѓан Богосављевиќ./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Протести во Тирана: експлозии пред влезот на собранието; молотови коктели врз полицајци
Граѓаните повторно се собраа пред собранието на град Тирана, каде се одржа нов протест со барање за оставка од градоначалникот Ерион Велиај, јавува „Vox News“.
Тензиите се зголемија по говорите на претставници и активисти на опозицијата.
The opposition in #Albania is protesting for the second month in front of the Municipality of #Tirana. They demand the resignation of the Mayor #ErionVeliaj as they accuse him of corruption on at least 3 occasions. pic.twitter.com/cNQmqwX0IB
— Isa Myzyraj (@IsamyzyrajAlb) May 28, 2024
Овој протест, според написите, започна со факели и молотови коктели.
Демонстрантите фрлаа молотови коктели кон влезот на градското собрание во Тирана, додека десетици полицајци стоеја пред нив.
Медиумот пренесува дека молотовите коктели не ги погодиле полицајците, туку експлодирале на влезните скали на Градското собрание.
Регион
Притвор за малолетникот осомничен за убиството на братот на вицепремиерот на Босна и Херцеговина во Белград: ќе одговара за тешко убиство
Судијата за малолетници на Вишиот суд во Белград му одреди притвор до 30 дена на малолетникот Ф. Б. (16), кој е осомничен за тешкото убиство на Ѓорѓе Мијатовиќ (40), брат на Војин Мијатовиќ, министер во владата на Федерацијата на Босна и Херцеговина.
Неговиот притвор е одреден за да не влијае на сведоците и да не го повтори кривичното дело за краток временски период, објавија српските медиуми.
Денеска, се предаде и уште еден малолетник осомничен за убиството.
Двајцата се осомничени за кривично дело тешко убиство.
Српското МВР вчера соопшти дека припадниците на полицијата во Белград интензивно работат на пронаоѓање две лица, кои се осомничени дека претепале четириесетгодишен маж, кој починал на Ургентниот центар.
Како што е наведено, полицијата во неделата во 18.20 часот добила пријава дека две лица претепале четириесетгодишен маж во парк во Вождовац.
Регион
Уапсен 16-годишник – осомничен дека го претепал до смрт братот на министерот во БиХ, се трага по уште еден тинејџер
Идентификувани се двајца малолетници, кои се осомничени дека го претепале Ѓорѓе Мијатовиќ – братот на министерот на БиХ, Војин Мијатовиќ, во паркот на Вождовац, а еден од осомничените (16) е уапсен, пишува „Кликс“.
Малолетниот се товари за тешко убиство и ќе биде изведен на распит во Вишото јавно обвинителство во Белград, јавуваат белградските медиуми.
Како што беше потврдено, малолетниците се сомничат дека со неколку удари во главата го удриле Мијатовиќ, кој почина неколку часа подоцна.
Обдукцијата покажала дека Мијатовиќ претрпел шест удари и дека черепот му бил скршен. По тоа, добил епилептичен напад и срцев удар.
Интензивно се трага по второпријавениот, известуваат од полицијата.