Холандските репрезентативци со целосен пресврт во второто полувреме во првиот четвртфинален меч на светското фудбалско првенство во Јужна Африка го совладаа Бразил со 2:1, останувајќи единствената непоразена репрезентација

Мечот што се играше на стадионот „Нелсон Мандела“ во Порт Елизабет, двете досега непоразени екипи донесе драма за „селекао“ која беше многу подобра во првото полувреме откако уште во 10 минута преку Робињо дојде во водство. Претходно напаѓачот на Манечестер сити постигна гол и во 8. минута, но тој беше поништен поради офсајд ситуација. Водството на Бразил дојде по одличната длабиснка топка на денешниот трагичар Фелипе Мело кој ја префрли целата холандска одбрана, а Кака одлично го пронајде Робињо кому со удар по земја го совлада голманот Маарлен Стекеленбург. Бразил можеше да го зголеми водството и во 25. минута, но Хуан од непосредна близина го промаши голот, а потоа во 31. минту шутот на Кака Стакелебург одлично го одбрани.Во второто полувреме Холандија заигра многу подобро и ги притиснаа Бразилците во шеснаесетникот на Хулио Сезар. Активната игра „лалињата“ ја ефектуираа со погодокот во 53. минута. Голот е запишан како автогол на Мело, кој последен ја зафати топката, откако од десната страна во гужвата пред бразилскиот гол ја уфрли Весли Снајдер.По 15 минути, поточно во 68. минута Холанѓаните го направија целосниот пресврт со голот  на Весли Снајдер. Ацијата за водечкиот гол потече од корнерот што од десно го изведе Арјен Робен, а Дирк Кајт со глава ја сврти во петерецот од каде исто така со глава ја пречека Снајдер спроведувајќи ја крај немоќниот Сезар. До ркајот на мечот Бразил не успеа да се врати во игра и неговите фудбалери не изградија ниедна позиција за гол. Тие дваесетина минути играа со играч помалку откако во 73. минута заради вториот жолт картон од игра беше исклучен индиспонираниот Мело. Тој го фаулираше Робен, но потоа го згазна за што судијата Јуичи Накамира од Јужна Кореја му го покажа и вториот жолт картон денеска. Бразил со овој пораз вторпат едно по друго на светско фудбалско рпвенство е елиминиран во четврфиналето.   Холанѓаните кои по 12 години повторно се квалификуваа за полуфинале на светско првенство, со денешниот резултат ја продолжија победоносната серија од пет мечеви по ред на Светкото првенство во Јужна Африка, инаку 24-ти последователен меч без пораз. Со тоа тие го надминаа досегашниот рекорд на нивниот денешен противник од светското првенство во Мексико во 1970 г. кога остварија 13 врзани победу (5 + 8) во квалификациите за главниот турнир и на смаиот мундијал. Холандија во полуфиналето ќе се сретне со победникот од вториот денешен четвртфинален меч меѓу Уругвај и Гана.