Свет
Красниќи да ги почитува законите за да биде законодавец
Кандидатот од Кондово мора да се појави пред судот, порача американската амбасадорка
Кандидатот од Кондово мора да се појави пред судот, порача американската амбасадорка
Амбасадорката на САД во Македонија, Џилијан Миловановиќ, го премолча ставањето на Даут Реџепи Лека на изборната листа на ДПА, но го повика Агим Красниќи да покаже дека е добар кандидат за пратеник, така што ќе се појави на судскиот процес што го избегнува неколку месеци под разни изговори.
„Политичките партии ја сносат одговорноста за тоа кого ќе стават на листата на кандидати за пратеници. Ние го почитуваме тоа. Но, секој што има амбиции да биде законодавец треба да е подготвен да ги почитува и да се однесува во согласност со законите. Во таа смисла, прочитав дека господинот Красниќи неколку пати не се појавил на суд и веројатно ќе биде добра шанса да докаже и да се претстави како валиден кандидат ако следниот пат го стори тоа“, изјави Миловановиќ.
Миловановиќ, заедно со уште неколку странски амбасадори, учествуваше на последната сесија на тркалезната маса „Политички дијалог 2006“ во Скопје, од која испратија силна генерална порака – дека следните две години се критични за кандидатурата на Македонија во НАТО, дека не е доцна земјата да го фати возот и за ЕУ, но дека ова се последни избори до 2009 година и практично последна шанса да се исполни клучниот услов – да бидат слободни и фер. Главната мамка ја фрли, сепак, амбасадорот на ОБСЕ, Карлос Паиш, кој оцени дека, ако се одржат фер и демократски избори, Македонија има шанса да влезе во ЕУ заедно со Хрватска – нешто што овде последните месеци се смета за илузија. Според него, ЕУ ретко кога прима една земја во членство, така што со добри избори се создава шанса Македонија да влезе во пакет со Хрватска, откако во 2009 година ќе се донесе одлука за Уставот.
Амбасадорката Миловановиќ оцени дека Македонија ќе направи гигантски чекор кон ЕУ и НАТО ако одговори на ваквите предизборни апели. Нејзините клучни поенти беа дека за евентуалните злоупотреби и нерегуларности на изборите колективно ќе бидат одговорни сите политички партии, дека нема да се следи само денот на гласањето, туку оцената за изборите ќе се однесува на целиот процес од јуни натаму и дека негативните кампањи ќе ~ наштетат на Македонија, бидејќи ќе ги одвратат гласачите и странските инвеститори.
„Како ќе бидат избрани луѓето на следните избори е од суштинско значење. Ние не сме глупави. Ако бидат избрани со измама, тоа е лошо и ќе има негативен ефект врз определбите на Македонија за членство во НАТО и ЕУ“, рече Миловановиќ. Според неа, можни се две сценарија на изборите. Негативното сценарио темелено врз негативна кампања, лаги и обвинувања за корупција би ги оддалечило странските инвеститори. Позитивното сценарио, што би се темелело врз презентација на програмите и платформите на партиите, би придонело во создавањето позитивна атмосфера, мотивација на граѓаните да гласаат, а тоа би создало и подобар амбиент за странско инвестирање во земјата. „Нема перфектна земја во однос на изборите. Но власта, судскиот систем и другите институции треба да покажат дека сите што ќе злоупотребуваат не се над законите“, порача таа.
За британскиот амбасадор Роберт Четертон Диксон с` ќе зависи од политичката волја во партиите, бидејќи изборната регулатива е добра основа. Тој призна дека проширувањето на ЕУ во моментов не е многу популарно, но апелираше дека токму затоа Македонија треба да им помогне на пријателите во светот, како Велика Британија, да победат нивните аргументи. За него изборите се лакмус-тест за македонската политика и демократија. На Македонија во овој момент ~ е повеќе од потребна успешна приказна, го парафразираше Дарко Алексов од „Мост“ премиерот Владо Бучковски, но забележа дека таа не треба да биде шминка, како на претходните избори кога се чекало да почнат изборите, па да се приведат предизвикувачите на инцидентите во кампањата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Заврши средбата на Зеленски со европските лидери: „Судбината на Украина е судбина на Европа“
По повеќе од два часа на Даунинг стрит 10 во Лондон, се чини дека разговорите завршија – Кир Стармер, Емануел Макрон, Фридрих Мерц и Володимир Зеленски се збогуваа на влезот во резиденцијата на британскиот премиер.
Потоа Мерц и Макрон заминаа, додека Стармер и Зеленски се вратија на Даунинг стрит 10.
Leaders of Ukraine, United Kingdom, France and Germany are meeting in London today.
Chancellor Merz:
The destiny of Ukraine is the destiny of Europe. pic.twitter.com/VWVGJ9uMhD— Anton Gerashchenko (@Gerashchenko_en) December 8, 2025
На почетокот на средбата, камерите беа присутни и ги снимија првите изјави на челниците.
Зеленски рече: „Единството меѓу Европа, Украина и САД е она што е важно денес“. Во своите забелешки, тој им се заблагодари на сојузниците за организирањето на состанокот, додавајќи: „Мислам дека е многу важно да се организираат вакви состаноци“.
Емануел Макрон кажа дека руската економија почнува да страда, особено по најновите санкции.
„Сите ја поддржуваме Украина и сите го поддржуваме мирот“, додаде францускиот лидер.
Фридрих Мерц рече дека е „скептичен во врска со некои детали во документите што доаѓаат од САД“.
„Ја поддржуваме вашата земја затоа што сите знаеме дека судбината на Украина е судбина на Европа“, му рече Мерц на Зеленски.
Не се очекува да се одржи прес-конференција за напредокот на разговорите, но се очекува писмена изјава, која треба да даде некои детали за она што беше кажано.
„Разговорите со претставниците на САД за мировниот план за Украина беа конструктивни, но не и едноставни“, изјави украинскиот претседател Володимир Зеленски во говорот синоќа пред планираните консултации со европските лидери во наредните денови.
Зеленски разговараше во саботата со специјалниот претставник на американскиот претседател Доналд Трамп, Стив Виткоф, и зетот на Трамп, Џаред Кушнер. Планирани се понатамошни разговори во Брисел.
Трамп го обвини Зеленски дека „сè уште не го прочитал“ предлогот за нов мировен договор и рече дека „не е сигурен дали Зеленски ќе се согласи со предлогот“. Зеленски, од друга страна, вели дека „американските претставници ги знаат основните украински позиции“.
Свет
Холандија вети дополнителни 700 милиони евра воена помош за Украина
Холандската влада објави дека ќе издвои дополнителни 700 милиони евра воена поддршка за Украина во првиот квартал од следната година.
Одлуката доаѓа откако Сер Кир Стармер, кој ќе се сретне со Володимир Зеленски во Лондон подоцна денес, вчера разговараше со холандскиот премиер Дик Шуф за војната во Украина.
Минатата недела, Холандија, заедно со Норвешка и Германија, ветија пакет од 500 милиони долари (375 милиони фунти) за Листата на приоритетни барања за Украина (PURL), која му овозможува на НАТО да купи американско оружје за Украина.
Свет
(Видео) Мамдани објави водич за имигранти: „Вака треба да реагирате ако ве пресретне имиграционата“
Новиот градоначалник на Њујорк, Зохран Мамдани, објави видео на социјалните мрежи во кое ги објаснува правата на мигрантите кога се среќаваат со агенти на американската Служба за имиграција и царина (ICE).
Видеото беше објавено неколку дена откако федералните агенти извршија рација во Менхетен, предизвикувајќи протести во близина на Кинеската четврт.
Мамдани, кој ќе ја преземе функцијата градоначалник на 1 јануари, рече дека ќе заштити околу три милиони имигранти кои живеат во Њујорк. „Сите можеме да се спротивставиме на ICE ако ги знаеме нашите права“, рече тој.
Know your rights. Protect your neighbors.
New York is — and always will be — a city for all immigrants. pic.twitter.com/nuntRzgEwq
— Zohran Kwame Mamdani (@ZohranKMamdani) December 7, 2025
Објавувањето на видеото дава прв поглед на тоа како Мамдани планира да ги управува тензиите меѓу политиката на „град засолниште“ на Њујорк и федералните операции за имиграција на администрацијата на американскиот претседател Доналд Трамп.
Мамдани, кој ќе стане првиот муслимански градоначалник на Њујорк, освои 50,4 проценти од гласовите, победувајќи го поранешниот гувернер Ендру Куомо на демократските прелиминарни избори и општите избори. Трамп најави репресија врз градовите засолниште и се закани дека ќе ги задржи федералните средства од локалните самоуправи кои одбиваат да соработуваат со федералните органи за спроведување на имиграцијата.
Со оглед на тоа што ICE спроведува рации во неколку американски градови, упатствата на Мамдани би можеле да влијаат на однесувањето на милиони имигранти во Њујорк кога ќе се сретнат со федерални агенти.
Во видеото, Мамдани ги наведува клучните права на луѓето кои се среќаваат со агенти на ICE. Тој објасни дека луѓето имаат право да одбијат да разговараат со федералните агенти за имиграција, да ги снимаат без да им ја нарушуваат работата и да им забранат влез во приватни простори.
Според Мамдани, агентите на ICE не можат да влегуваат во домови, училишта или приватни простории на работни места без судска наредба потпишана од судија.
„ICE има законско право да ве лаже, но вие имате право да молчите. Ако ве приведат, секогаш можете да прашате: „Дали сум слободен да заминам?“ и да продолжите да прашувате додека не добиете одговор“, рече Мамдани во видеото.
(Видео) Заврши средбата на Зеленски со европските лидери: „Судбината на Украина е судбина на Европа“
По повеќе од два часа на Даунинг стрит 10 во Лондон, се чини дека разговорите завршија – Кир Стармер, Емануел...
Наместо текстовите на СДС да им ги пишува Заев од Дубаи, добро е да ги проверат информациите, вели Манасиевски
Наместо текстовите на СДС да им ги пишува Заев од Дубаи, добро е да ги проверат информациите со релевантни и...
(Видео) Кузеска: Го следиме трагот на парите, Томовски донира во ВМРО-ДПМНЕ
Скандалот со семејната фирма на Томовски која го чисти буџетот, или во бројки 5,3 милиони евра и 161 тендер е...
Трамп: Разочаран сум од Зеленски
Претседателот на САД, Доналд Трамп, изјави дека не е сигурен дали украинскиот претседател Володимир Зеленски ќе се согласи со новиот...
(Фото) Запленети 237 парчиња разновиден рачен, батериски и електричен алат без документација, уапсени две лица
Полицијата заплени 237 парчиња разновиден рачен, батериски и електричен алат без документација, а уапсени се две лица. Според информациите на...
Авионско фрлање на мамки против беснило: граѓаните во наредниве денови исклучително внимателно да се движат во природа
Агенцијата за храна и ветеринарство започна со втората овогодинешна кампања за орална вакцинација на лисиците и дивите карнивози против болеста...
Сиљановска-Давкова: Имаме епидемија на малодушност и рамнодушност, вклучително и кон лични и колективни трагедии
Претседателката Гордана Сиљановска-Давкова се обрати на Свечената академија по повод државниот празник „Св. Климент Охридски“, којашто под нејзино покровителство се...
(Видео) Милошоски: Во Македонија нема да се градат бегалски кампови
Пратеникот на ВМРО-ДПМНЕ, Антонијо Милошоски, денеска демантираше дека Договорот за стратешко партнерство помеѓу Македонија и Велика Британија предвидува изградба на...
(Фото+видео) Ивановски: Отстранет и првиот билборд од Железничката станица Скопје
„Отстранет и првиот билборд од Железничката станица Скопје“ – објави на ФБ, директорот на „Македонски железници – Инфраструктура“, Синиша Ивановски....
(Видео) Кузеска: Кој му дал дозвола на Мицкоски да преговара за мигранти?
„Власта на Мицкоски подготвува анти државно и национално предавство. Угледните британски медиуми, како The Times, пренесуваат дека Владата на Мицкоски...
Притвор за неготинчанец кој со закани со нож принудил жена на полови дејствија, ја снимал и барал пари да не го објави видеото
Основното јавно обвинителство Скопје поведе постапка против едно лице од Неготино, со живеалиште во Германија, кој е осомничен за кривични...
(Видео) Масовен руски напад врз Кременчук – делови од градот останаа без струја, вода и греење
Русија синоќа изврши масовен ракетен и дрон-напад врз украинскиот град Кременчук. Според украинските воздухопловни сили, експлозии биле забележани околу 1:30...
Најмалку 25 лица загинаа во голем пожар во ноќен клуб во Гоа, Индија
Најмалку 25 лица загинаа, а повеќемина се повредени во тежок пожар што околу полноќ го зафати популарен ноќен клуб во...
Експерти предупредуваат на радиоактивна прашина по оштетувањето на обвивката на Чернобил
Заштитната обвивка изградена за да спречи ширење на радијација од нуклеарната централа Чернобил мора итно да се поправи откако беше...
Мицкоски: Европската интеграција не смее да се сведе на пасивно прифаќање, Македонија мора да знае да каже ДА кога тоа е во нејзина корист
Во 21 век, историското наследство не може да биде изговор за застој. Напротив, тоа е најсилен мотив државата да биде...
Орбан: ВМРО стана една од најуспешните политички сили во Европа, ја поставивте вашата татковина на патот на стабилен, предвидлив и безбеден развој
Претставници на сестринските партии на ВМРО-ДПМНЕ упатија честитки за како што велат, достигнувањата на партијата кои ги имаше во последните...
Тошковски доби опомена од „Сејф сити“ – возел со 1 километар на час над дозволената брзина
Министерот за внатрешни работи, Панче Тошковски, на Фејсбук објави дека добил порака за сторен сообраќаен прекршок од „Сејф сити“. „Утрово,...
Томовски: СДС да се извинат за клеветите и измислицитe, посочената компанија не е моја, во моментов немам никаква приватна компанија
„Посочената компанија не е моја, ниту пак имам било каков удел во нејзе. Јас во моментов немам никаква приватна компанија...
(Видео) Димитријевиќ: Семејната фирма на директорот на СОЗР добила 161 тендери за 5,3 милиони евра
Опозициската СДСМ денеска обвини дека семејната фирма на директорот на СОЗР, Ивица Томовски, која го менувала името, добила 161 тендери...
Македонија нема, не планира и не преговара за отворање мигрантски кампови, порача ВМРО-ДПМНЕ
Владејачката ВМРО-ДПМНЕ реагира по објавите на британските медиуми и СДСМ дека Владата подготвува договор со Обединетото Кралство за отворање центар...
