Македонија
Започна изградбата на катна гаража кај Цветен пазар

Со поставување на камен темелник во близина на цветниот пазар на паркингот меѓу улицата Мито Хаџивасилев Јасмин и булеварот Македонија, денеска започна изградбата на втората катна гаража, од проектот за изградба на седум катни гаражи во центарот на Скопје.
Со поставување на камен темелник во близина на цветниот пазар на паркингот меѓу улицата Мито Хаџивасилев Јасмин и булеварот Македонија, денеска започна изградбата на втората катна гаража, од проектот за изградба на седум катни гаражи во центарот на Скопје.Изградбата ќе го чини Градот околу 10 милиони и 700 илјади евра, средства издвоени од буџетот и со задолжување на Градот во НЛБ Тутунска банка.Објектот ќе биде висок 21 метар и ќе има два ката под земја и седум ката над земја, со 445 паркинг места од кои што 17 паркинг места ќе бидат за лица со посебни потреби. Во приземјето се предвидени деловни содржини, а последниот кат е предвиден за угостителство.Вертикалниот транспорт на посетителите е организиран со вертикални комуникации и лифтови. Една рампа ќе се користи само за качување на катовите, а другата само за симнување на возилата, со што ќе се обезбеди непречено целосно одвоено движење за влез и за излез на возилата.Градоначалникот на Скопје Коце Трајановски на отпочнувањето на градежните работи истакна дека објектот ќе биде современ, со фасада изработена од префабрикувани алуминиумски елементи, со модерен систем за греење и ладење и осветлување и со отвори за природна вентилација.„Со изградбата на катната гаража ќе се придонесе во намалување на проблемот со паркирање во централното градско подрачје како еден сегмент од решавање на проблемите во сообраќајот во градот“ – рече ТрајановскиПристап кон објектот се предвидува од новопроектираната сервисна улица, која ќе биде поврзана со улицата Мито Хаџивасилев Јасмин.Премиерот Никола Груевски ја поздрави инвестицијата и истакна дека пред само 20 дена започна изградба на првата катна гаража од големиот проект за изградба на седум катни гаражи во центарот на СкопјеСпоред Груевски, градежната експанзија во Македонија продолжува со уште поголема динамика со изградба на патишта, спортски и енергетски објекти, објекти од областа на културата, катни гаражи и објекти од проектот Скопје 2014“ „Со сите овие објекти кои се градат освен што решаваме долгогодишни проблеми и реално го подобруваме квалитетот на живот на граѓаните, во голема мера помагаме и на градежниот сектор. Огромен дел од капацитетите на македонското градежништво се ставени во функција и ангажирани во многу проекти. За разлика од нив голем број европски земји кои во изминатиот период на светска економска криза имаа пад во градежништвото и испуштање на голем број работници, македонското градежништво, благодарение на проектите на владата и на локалната власт оствари раст од 9, 2 отсто. Овој сектор е од голема важност, бидејќи градежништвото е поврзано со 26 други гранки кои и даваат силен импулс на нашата економија“ – додаде ГруевскиПроектот за катната гаража е на група автори. Градежните работи ќе ги врши Гранит, а рокот на изградба е две години.. крај/к.с
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Зголемен интензитет на сообраќај поради летните одмори

На 27.08.2025 од 05:00 часот регионалниот пат Р-1106 Нова Брезница – Македонски Брод преку националниот парк Јасен ќе биде пуштен за сообраќај во термините од министерство за внатрешни работи. Се препорачува внимателно возење, почитување на сигнализацијата и прилагодување на брзината поради можни одрони на патот.
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, на граничните преминиод македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
На ГП Меџитлија откриени над 300 шишиња со хемиски препарати за прскање: спречен обид за криумчарење

Царинските службеници на граничниот премин Меџитлија спречија обид за криумчарење на поголема количина препарати за заштита на растенија.
Во раните утрински часови, на 26.08.2025 година, при вршење на редовна царинска контрола на патничко моторно возило Mercedes со македонски регистарски таблички, со кое патувало семејство што изјавило дека се враќа од одмор во Турција и преку Грција пристигнало на влез во нашата земја, од страна на царинските службеници биле откриени 322 шишиња хемиски препарати за прскање, од кои 300 шишиња инсектицид CORAGEN 20 SC и 22 шишиња фунгицид Bellis BASF со вкупна вредност од 16.058,00 евра.
Препаратите биле сокриени на повеќе места во возилото – во багажниот простор зад куферите со лични работи, во просторот за резервна гума и на задните седишта. Возачот не поседувал соодветна дозвола за увоз, иако станува збор за стока што подлежи на посебен режим на дозволи со што безбедноста на производите не е гарантирана .
Стоката е задржана, возилото со кое била транспортирана е одземено, а против лицето ќе биде поведена кривична постапка. Случајот е предаден на Одделението за истраги при Сектор за контрола и истраги за понатамошно постапување.
Македонија
Претежно сончево и топло со температури до 36 степени

Времето денеска, претежно сончево и топло. Ќе дува слаб до умерен ветер од јужен правец. Минималната температура ќе биде во интервал од 6 до 14, а максималната ќе достигне од 27 до 36 степени.
Во Скопје, сончево со мала до умерена облачност. Ќе дува слаб ветер од јужен правец. Минималната температура ќе се спушти до 12, а максималната ќе достигне до 36 степени.
Во следните два дена ќе се задржи претежно сончево и топло време со постепен пораст на дневните температури. Во сабота попладне, во текот на ноќта и во недела претпладне ќе биде нестабилно со локален пороен дожд и грмежи. Ќе дува умерен, наместа засилен југозападен, а во недела северен ветер, кој ќе услови опаѓање на дневните температури. Потоа следува период на стабилно и потопло време.