Во поплавите што од минатата седмица ја зафатија најисточната индонезиска провинција Папуа загинаа најмалку 145 луѓе а евакуирани се повеќе од 4.600.

Во поплавите што од минатата седмица ја зафатија најисточната индонезиска провинција Папуа загинаа најмалку 145 луѓе а евакуирани се повеќе од 4.600. Лошата инфраструктура, планинскиот терен и постојаните дождови ги отежнуваат напорите за доставување помош и спасувачките операции, пренесува Ројтерс повикувајќи се на официјални извори Во делови од поплавената област Васиор, во западниот дел на Папуа, поплавени се и урнати важни мостови а блокирани се магистрални патишта, прекинат е доводот на електрична енергија а здравствените центри не работат, бидејќи се поплавени од кал, се вели во соопштението на Црвениот крст.„Инфраструктурата во регионот се распадна, и регионот се наоѓа во многу  лоша ситуација“, рекол Ахмад Џаелани, од службата за управување со природни непогоди и  претставник на индонезиски Црвениот крст. Хуманитарната помош, како што се храната и водата, како и медицинските екипи се доставуваат главно од хеликоптери и чамци.Работата на спасувачки екипи кои се во потрага по преживеани, е многу отежната заради повеќедневните дождови, изјавил Ла Абадин од индонезискиот Црвен крст и полумесечина за Ројтерс.До средата 4.625 лица биле евакуирани од поплавените област и се сместени во привремени сместувалишта. Поплавите почнаа во утринските часови на 4-ти октомври, кога многу луѓе се уште биле во своите домови. Нивото на водата како резултат на поројниот дожд се зголемила многу брзо за три метра.„Стотици домови се целосно оштетени при излевањето на реките од нивните корита, затрупувајќи ги жителите во наслаги од тиња, камења и тешки дрва кои брзо се движеле кон населените места“, се вели во писмениот брифинг на Светската здравствена организација од среда наутро.Според индонезискиот Црвен крст, повеќе од 800 луѓе биле повредени, а повеќе од сто се уште се водат за исчезнати. Владини официјални лица изјавиле дека бројката на загинатите најверојатно ќе се зголеми.Индонезиски официјални лица и шумарски експерти за агенцијата а потврдиле дека ги испитуваат тврдењата дека бесправната сеча на шумите придонела за катастрофалните поплави. Инаку Индонезија се бори за искоренување на раширената нелегална сеча на шумите, што ги влошуваат штетите предизвикани од поплавите. Конзерваторската групација Гриномикс (Greenomics) во понеделникот во нејзиното соопштение наведе дека „шумската мафија“ е делумно виновна за ваквата лоша состојба  од поплавите. /крај/ројтерс/сн