Спорт
Мело чувар на Никси
Њујорк Никс и Бостон Селтикс ја отворија 66-та сезона, во најсилната кошаркарска лига на светот – НБА. Победа во првиот меч, во сезоната, забележаа Никси, кои во трилер завршницата се радуваа со 106:104.
Њујорк Никс и Бостон Селтикс ја отворија 66-та сезона, во најсилната кошаркарска лига на светот – НБА. Победа во првиот меч, во сезоната, забележаа Никси, кои во трилер завршницата се радуваа со 106:104. На отворањето, на НБА лигата, навивачите во „Медисон Сквер Гарден“, го видоа најдоброто од кошаркарската игра. Колку мечот беше израмнет, говори и податокот дека екипите во последните две минути велгоа потполно израмнети, резултатот беше 100:100. Првото полувреме подобро го одигра Њујорк, на моменти Никси имаа и 17 поени предност. Бостон започна да игра во третиот период, тогаш проработе одбраната на Селтикси, а во нападот Рондо и Ален го бомбардираа кошот на домаќинот. Третата четвртина Бостон ја доби со 35:17 и негативата од десет коша на полувремето ја претвори во плус осум, во пресрет на последниот период. Во решавачката четвртина, Кармело Ентони го држеше и го одржа Њујорк во игра, тој ги постигна клучните слободни фрлања на 16 секунди до крајот на мечот, потоа шутот на Гарнет за продолжение не го најде патот до обрачот. Вечерашната победа беше само трета за Њујорк над Бостон на последните 19 натпревари. Кармело Ентони го предводеше Бостон со 37 поени, Амари Стадемаер постигна 21, а Тони Даглас 19 поени. Реџон Рондо, во отсуство на повредениот Пол Пирс, беше најдобриот играч на Бостон, мечот го заврши со 31 поен, 13 асистенции, 5 скока и 5 украдени топки. Ветеранот Реј Ален реализира 20, а Кевин Гарнет 15 поени, одлично деби во дресот на Селтикс имаше Брендон Бас, 20 поени и 11 скока. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Галатасарај со Осимен го растури Фенербахче на Жозе Мурињо
Во големото дерби на турскиот фудбал, актуелниот шампион Галатасарај победи со 3:1 на стадионот на Фенербахче. Галатасарај има шест победи со што го изедначи најдобриот старт на клубот во Супер лигата.
Гостите поведоа во 21. минута со автоголот на Доминик Ливаковиќ. Топката по ударот на Лукас Тореира се одби од стативата се одби од грбот на Ливаковиќ и заврши во голот.
Осум минути подоцна беше 2:0 за гостинскиот тим, а во главните улоги беа двајца поранешни играчи на Наполи.
Виктор Осимен, големото засилување на Галата оваа сезона, атрактивно со гради му асистираше на Дрис Мертенс, а ветеранот ја зголеми предноста на својот тим.
Кога во 60. минута 20-годишниот Бразилец Габриел Сара зголеми на 3:0, јасно беше дека Фенербахче ќе го доживее првиот пораз сезонава.
Две минути подцна Џеко од пенал постигна гол за Фенербахче. До крајот на мечот Фенербахче напаѓаше, имаа играчите на Жозе Мурињо две добри шанси но резултатот остана 1:3.
Галатасарај по првите шест кола има исто толку победи, на табелата има пет поени повеќе од Фенербахче.
Спорт
Шаховска партија во Торино, Јуве и Наполи ремизираа без голови
Фудбалрите на Јувентус и Наполи го разочараа фудбалскиот аудиториум во Италија, одиграа без гоови во дербито.
Првото полувреме мина во јалова иницијатива на Јувентус. Повеќе се играше на половината на Наполи, но без конкретна шанса за гол.
Во вторито дел Јувентус тргна поофанзивно кон голот на Наполи и со тоа покажа дека сака да победи.
Свои шанси имаа Веа и Јилдиз, но како се ближеше крајот на натпреварот се поизвесно беше дека ова дерби ќе заврши без голови.
Ова е трет натпревар во низа кој Јувнетус го одигра без голови. Избраниците на Тиаго Мота сепак не примија гол во домашниот шампионат.
Спорт
(Видео) Миовски стартер, Џирона загуби во Валенсија
Бојан Миовски го забележа првиот старт во Примера, но неговата Џирона доживеа пораз во Валенсија. „Љиљаците“ во шестото коло ја забележаа првата победа во новата сезона.
Првото полувреме беше здодевно, а двата гола беа постигнати во рок од две минути во второто полувреме. Капитенот на Џирона, Хуанпе Рамирез, си постигна авто гол во 56.минута, а две минути подцна топката во мрежата на Пауло Газанига ја смести Дани Гомез.
Миовски како и целиот тим на Џирона одигра просечен натшревар, очигледно врз екипата на Мичел остави трага тешкиот натпревар во Париз против ПСЖ во Лигата на шампионите.