Свет
Судијата Анѓушев и правобранителот Димовски во притвор
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-2372.jpeg)
Судијата и заменик-правобранителот со
злоупотреба му овозможиле на бизнисменот Кољо Мечкаров да го купи Домот на АРМ
Судијата и заменик-правобранителот со
злоупотреба му овозможиле на бизнисменот Кољо Мечкаров да го купи Домот на АРМ
Судијата Благој Анѓушев (57) од Основниот суд во Велес и поранешниот
заменик-јавен правобранител за Велес, Никола Димовски (44), добија по 15 дена
притвор, откако против нив беше поднесена кривична пријава за злоупотреба на
службената положба. Двајцата осомничени од завчера се сместени во Истражниот
затвор „Скопје“. Судијата Анѓушев во текот на истрагата се повикал на судскиот
имунитет, поради што Судскиот совет на Македонија по итна седница одлучил да му
го одземе имунитетот. Неговиот адвокат вели дека постапката на полицијата,
истражниот судија и на Обвинителството била коректна, но дека притворот не бил
потребен.
– Осомничениот судија Анѓушев не може да влијае на сведоците и да ја попречи
истрагата. Сите релевантни податоци, изјави на сведоците и учесниците во овој
случај се наоѓаат во неколку предмети во Основниот суд во Велес и очекувам дека
тој наскоро ќе биде на слобода – изјави Борче Стојанов, бранител на Анѓушев.
Ова го тврди и адвокатот Тони Димковски, бранител на експравобранителот.
Обајцата ја обжалиле одлуката за притвор.
„Дневник“ во ноември лани објави дека инспектори од одделот за организиран
криминал во МВР подолго време во Велес ја испитуваа продажбата на Домот на АРМ.
Тие неколку месеци работеле на случајот, што резултираше со кривична пријава
против двајцата функционери.
Продажбата на Офицерскиот дом во Велес се одвиваше по пат на јавно наддавање.
Целиот договор е спорен бидејќи не бил почитуван рокот од осум дена за плаќање
на понудената сума од 244.000 евра, што требало да ги плати сопственикот Кољо
Мечкаров. Судијата Анѓушев и покрај тоа, на 26 мај 2005 година му издал решение
за сопственост на Мечкаров, потврдувајќи дека тој ги уплатил парите, но само
врз основа на извод од сметката на неговата фирма, на која ја имало потребната
сума. Таквото решение не го обжалил тогашниот заменик-правобранител Никола
Димовски, иако немало никаков доказ дека сумата е платена. Тоа подоцна го
утврдила и Владата, па им наложила на министерствата за одбрана и за финансии
да го поништат јавното наддавање.
Со судското решение што го добил, Мечкаров успеал да извади имотен лист.
Мечкарот ги уплатил парите во минатата година, еден ден откако државата од
Судот си го побарала имотот назад. Заменикот-јавен правобранител Димовски и
покрај дописите од МО, не поднел жалба до Апелацискиот суд, по што пресудата на
Анѓушев за сопственоста на објектот на 15 јуни минатата година станала
правосилна.
Петар
Печков
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.