Македонија
Груевски: Визната либерализација признание на сработеното во изминатите три години
Визната либерализација без сомнение е изработена од Владата, а Европската Комисија оценувајќи ја со високи оценки го даде признанието на се она што е сработено во минатите три години
При денешната посета на премиерот Никола Груевски на археолошкиот локалитет Скопска тврдина Кале, тој одговараше на прашања на новинарите. Премиерот Груевски притоа потенцираше дека укинувањето на визите не претставува никаква компензација со меѓународната заедница за недобивањето покана за членство во НАТО.„Визната либерализација е изработена од Владата и тука нема сомнение. Работевме три години, почнувајќи од визниот центар, биометриските пасоши, инегрираното гранично управување, борбата против корупција и криминал, односот спрема луѓето кои бараат азил во Македонија“, изјави премиерот.Груевски изјави дека сега фокусот на работата на Владата е поставен врз завршувањето на сите обврски во врска со добивањето позитивен извештај од Европскта Унија.„Ќе сториме се’ што можеме сите други работи од исумтте бенџмаркови да ги завршиме до крајот на септември, бидејќи извештајот ќе биде предаден во октомври. Правиме се’ што можеме заради нашите граѓани, бидејќи тоа ќе го подобри животот, а и поради евроатланските интеграции кои и се потребни на Македонија“, додаде премиерот Груевски.Греувски повтрои дека визното олеснување ќе им помогне на граѓаните слободно да патуваат во странство и ќе приодоенсе за поинтегрирачки однос на општеството.„Осумнаесет години сме под визни режими и да не го заборавиме фактот на стоење пред амбасадите до пет часот наутро, понекогаш понижувачки однос кон граѓаните, долги редици, разни документи кои неможат да ги најдат, а немаат лоша намера, само сакаат да отпатуваат. На сето тоа сега му доаѓа крајот“, потсети Груевски.Одговарајќи на прашањето на новинарите дали може да ни наштети писмото на американските професори до претседателот на САД Барак Обама, Груевски одговори дека тоа не може да наштети.„Тоа е обид на грчкото лоби да издејствува подобра позиција за нивната држава, а колку што знам и нашата дијаспора дава максимум во нејзина моќ преку разни форми да лобира и да потсети на македонското прашање и проблемот со кој се соочуваме. Мислам дека САД тие имаат цврсто определена надворешна политика и точно знаат што сакаат и знаат дека Македонија е стратешки партнер на Америка и имаме одлични односи“, смета македонскиот премиер.МЕѓу другите прашања што му беа поставени, Груевски одговори и на пршањето што ќе значи враќањето на Бранко Црвенковски на политичката сцена, од што тој лично, како што изјави не очекува некоја крупна работа.„Тоа ќе претставува враќање на работењето од едно време, стар филм од 1992-94 г., години кога Македонија не се движеше туку можеби стоеше во место и се уназадуваше. Не очекувам некоја крупна работа освен појава на неговите стари политички игри, трикови и подмесувања на кои веќе сме навикнати и сме научени да ги надминеме. Граѓаните ќе имаат можност на следните избори да изберат опција, дали ги сакаат годините на корупција кога цутеше криминалот во земјава и требаше да си дел од некоја тајфа за да приватизираш и ги избркаш работниците, имаше мал број на странски инвестиции итн“, смета премиерот Груевки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.