Свет
На 14 јуни ќе почне новиот судски процес за „Бачило“
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-2423.jpeg)
Судскиот процес за „случајот Бачило“ тргнува од почеток.
Судскиот процес за „случајот Бачило“ тргнува од почеток. Судијката од скопска „единица“ Снежана Попчевска, која го водеше случајот и во претходната постапка, првото судско рочиште на повторениот процес го закажа на 14 јуни. Во текот на вчерашниот ден Судот писмено ги извести Јавното правобранителство, кое го застапува Министерството за одбрана како тужена страна, како и тужителот Иснифарис Џемаили. До Јавното правобранителство е испратен и одговорот на одбраната на тужителот, во кој таа се произнесува дека не се согласува со повторување на судскиот процес. Аргументите на адвокатите се дека фалсификуваната потврда што ја издал ветеринарот од Камењане Мухамед Арифи, околу состојбата со бачилото по наводното гранатирање за време на конфликтот во 2001 година, не може да претставува нов доказ за повторување на процесот.
Иницијативата за повторување на судската постапка дојде од Јавното правобранителство откако Обвинителството и МВР по барање на Владата отворија истрага за сомнителните околности под кои на Џемаили му се исплатени 720.000 евра отштета како резултат на правосилна судска пресуда. Новото судско рочиште, наведуваат судски извори, не е исклучено да се одвива зад затворени врати и без присуство на јавноста. На првото рочиште пред странките во постапката ќе биде наново прочитан целиот предмет, а ќе бидат презентирани и новите докази кои се основа за поведување нов судски процес.
„Случајот Бачило“ прв пат се отвори во јавноста во декември минатата година, кога беа објавени наводите на државниот ревизор за работењето на Министерството за одбрана. (Г.Д.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Турист пронајден мртов во Грција
![](https://makfax.com.mk/wp-content/uploads/2023/08/grcija-plaza.jpg)
Американски турист (55) денес бил пронајден мртов на грчкиот остров Матраки.
Раниот топлотен бран се совпадна со бранот на исчезнувања и смртни случаи на туристи.
„Постои заедничко нешто. Туристите кои починаа планинареа на високи температури“, изјави за Ројтерс, Петрос Василакис, портпарол на полицијата во Јужното Егејско Море.
Телото на британскиот ТВ водител Мајкл Мозли беше пронајдено на 9 јуни на островот Сими по четиридневна операција за пребарување со помош на авиони и дронови. Мозли наводно одел сам на високите температури пред да исчезне.
Полицијата не го откри идентитетот на Американецот чие тело во неделата беше пронајдено во близина на плажата во Матраки.
– Телото е префрлено на Крф каде ќе биде извршена обдукција – изјави полициски претставник за Ројтерс.
Друг турист, Холанѓанец, кој имаше 74 години, беше пронајден мртов на островот Самос во саботата, додека двајца планинари беа пронајдени безживотни на Крит на 5 јуни.
Спасувачките екипи трагаат по две постари Французинки на Сикинос и по американски полицаец (59) на Аморгос.
– Во тек се две операции за пребарување на други острови. Распоредени се спасувачки екипи и доброволци кои со помош на дрон и куче спасувач трагаат по исчезнати лица – изјави Василакис.
Свет
Хаос на летот од Мароко до Лондон: Авионот принудно слета поради масовна тепачка меѓу патниците
![](https://makfax.com.mk/wp-content/uploads/2023/05/avion.jpg)
На летот на ирската нискобуџетна авиокомпанија „Рајанер“ од Агадир, Мароко до Лондон, избила масовна тепачка меѓу патниците, поради што пилотот принудно слетал, објави „Њујорк пост“.
Весникот наведува дека инцидентот кој се случил на 3 јули почнал уште пред полетувањето кога еден од патниците побарал да го смени седиштето.
Тепачката избила на летот за лондонскиот аеродром Станстед, а патниците врескале еден кон друг додека персоналот на авиокомпанијата давал се од себе за да ги смири.
„Беше толку стресно. Тоа беше како пекол. И се ескалира кога еден човек сакаше да го смени седиштето“, раскажа патник на летот.
Свет
Во Киев е прогласен ден на жалост
![](https://makfax.com.mk/wp-content/uploads/2024/07/Screenshot-2024-07-08-160716.jpg)
Градоначалникот на Киев, Виталиј Кличко, го прогласи 9 јули за ден на жалост по смртоносните напади на главниот град.
Сите знамиња ќе бидат спуштени на половина копје на институционалните згради низ градот, објави тој на Телеграм, а сите забавни настани се откажани.
Најмалку 20 луѓе загинаа во главниот град, вели Кличко, а речиси 100 се ранети.