Свет
Напад на Пeнтагон, тројца ранети
Вооружен напаѓач рани двајца полицајци на влез од Пентагон при што и самиот бил тешко ранет е идентификуван како 36-годишниот Џон Таприк Бедел од Калифорнија
Локалните медиуми пренесоа дека напаѓачот во 18.40 часот по локално време (пред 3 часот по полноќ по средноевропско) на влезот од Пентагон кај станица на подземната железница им пришол на полицајците на безбедносната контрола извадил пиштол и почнал да пука во нив.Полицајците не се здобиле со потешки рани. Ручард Кивил, началник на полициската служба задолжена за безбедноста на Пентагон, ги опшила повредите како површински.Напаѓачот чии мотиви засега не се познати, исто така бил ранет и тој според болнички извори бил во критична состојба и е хоспитализиран во болницата Џорџ Вашингтон.„Осомничениот дошол на влезот во Пентагон кај станицата на подземната железница во 18.40 часот. Бил моран и без емоции, посегнал со раката во џебот од капутот, извадил пиштол и почнал да пука“, изјавил Кивил на прес-коференција.Локалната телевизија NBC4 пренесува дека кај напаѓачот биле најдени 25 магацини со муниција со кои имал намера да влезе во зградата на Пентагон, во американското министерство за одбрана во која работат околу 23 илјади лица. Полициски извори рекол дека напаѓачот Бедел е виден на надзорната камера како разговара со друг маж. Полицијата е во потрага по второто лице, засега незнаејќи дали и тој е вмешан во нападот. Портпаролот на Советот за национална безбедност изјавил дека е прерано да се утврди дали се работи за напад од поединец или, пак, инцидентот е поврзан со тероризам.Претседателот Барак Обама го следел преку извештаи на FBI, изјавил помошникот портпарол на Белата куќа, Николас Шапиро.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израелските медиуми ги објавија трите барања на шефот на Хамас за ослободување на заложниците
Лидерот на палестинската исламистичка организација Хамас во Појасот Газа, Јехја ал Синвар, и понатаму има три барања во преговарачката понуда за договорот за заложниците, објавија медиумите.
Синвар сè уште бара загарантиран крај на војната, изјави синоќа за израелската телевизија Канал 12 извор близок до лидерот на Хамас. Израел тоа барање досега го отфрлуваше.
Синвар, наводно, сака писмена обврска за „безусловно прекинување на непријателствата“.
Според израелската телевизија, ал-Синвар побарал и Израел да не го спречува враќањето на Западниот Брег на палестинските затвореници кои треба да бидат ослободени во замена за заложниците земени од Израел.
Според последниот нацрт на договорот, Израел сака да ги испрати оние кои отслужуваат доживотна казна затвор во Појасот Газа или во странство.
Понатаму, лидерот на Хамас сака детали за материјалите што Израел нема да дозволи да бидат испорачани во Газа за реконструкција.
Според извештајот, во Израел се претпоставува дека Хамас нема да даде јасен негативен одговор на предлогот поради меѓународниот притисок. Египетските посредници, со поддршка на САД, во моментов се обидуваат да постигнат договор.
Милитантната исламистичка организација Хамас претходно објави дека повторно ќе испрати делегација во Египет за да ги заврши индиректните преговори со Израел за ослободување на заложниците и договор за прекин на огнот.
Египетската државна телевизија Ал-Кахира њуз објави дека делегација на Хамас треба да пристигне во Каиро во следните два дена за продолжување на преговорите.
Израелската влада најави дека во брзо време ќе започне офанзива во Рафах на југот на Појасот Газа, на границата со Египет, доколку не се постигне договор.
Европа
(Видео) Украинците објавија снимка: Го уништивме рускиот систем Бук, не можеа да го изгаснат пожарот
Украинските сили за специјални операции тврдат дека го уништиле лансерот на рускиот противвоздушен ракетен систем Бук на линијата на фронтот во регионот Суми.
Според извештаите, операторите во украинската единица забележале руски противвоздушен ракетен систем Бук-М1 додека изведувале борбени операции на фронтот.
Операторите потоа користеле нападни беспилотни летала за да ја нападнат целта. Русите неуспешно се обиделе да го изгаснат пожарот и да ја спасат својата опрема, тврдат Украинците. Тие споделија и видео на кое се гледа експлозијата и последователниот пожар.
Украинците наведуваат дека лансерот со шест проектили бил уништен со прецизен удар. Инаку, Украинците во вторникот пријавија и уништување на два Бука на истиот дел од бојното поле.
Свет
Турција ја прекина целата трговија со Израел
Турција од вчера го прекинува целиот извоз и увоз со Израел, соопшти турското Министерство за трговија, наведувајќи ја како причина „влошената хуманитарна трагедија“ на палестинските територии.
„Суспендирани се извозни и увозни трансакции поврзани со Израел и тоа се однесува на сите видови производи“, соопшти турското Министерство за трговија.
„Турција строго и решително ќе ги спроведе овие нови мерки додека израелската влада не дозволи непречен и доволен проток на хуманитарна помош во Газа“, се додава во соопштението.
Израелскиот министер за надворешни работи Израел Кац изјави претходно вчера дека турскиот претседател Реџеп Таип Ердоган „ги прекршил договорите (меѓу Израел и Турција) блокирајќи го израелскиот увоз и извоз на пристаништата.