Македонија
Иванов: Потребна е визија и лидерство во ЕУ
Отворањето на пристапните преговори на Македонија со Европската Унија ќе има позитивно влијание за целиот регион, рече претседателот Ѓорге Иванов пред денешната средба со претседателот на унгарскиот парламент, Ласло Ковер во Будимпешта.
Отворањето на пристапните преговори на Македонија со Европската Унија ќе има позитивно влијание за целиот регион, рече претседателот Ѓорге Иванов пред денешната средба со претседателот на унгарскиот парламент, Ласло Ковер во Будимпешта.Според него, за таквата одлука е потребно визија и лидерство во самата Унија. Смета дека разговорите со претседателот на Европската Комисија, Жозе Мануел Баросо во Охрид, како и средбите со државниот врв на Унгарија, земјата која во моментов претседава со Унијата, влеваат надеж за поместување на позицијата на Македонија во однос на евроинтеграциите. “На сите средби со унгарските власти беше потенцирано дека Унгарија како актуелен претседавач со Унијата ќе успее да го постави добивањето датум за преговори на сите состаноци кога ќе стане збор за проширувањето. Добивме и ветување дека на претстојната седница на Европскиот совет ќе биде поставено прашањето за добивање датум за почеток на преговорите“, рече претседателот Иванов.Претходно, Иванов оствари неформална средба со шефот на турската дипломатија, Ахмет Давутолгу, на која било разговарано за севкупната соработка меѓу двете земји. Со денешните средби со Ковер и претставници на македонската заедница, Иванов ја заокружува дводневната официјална посета на Унгарија. /крај/со/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Со УВ ламба и спреј ќе продолжи гласањето на избирачки места во Кочани, Охрид и Куманово
На едно избирачко место во Кочани, едно во Охрид и едно во Куманово, каде што утрово беа пријавени технички проблеми со биометриските уреди, гласањето ќе продолжи со УВ ламба и спреј. Претседателот на Државната изборна комисија Александар Даштевски рече дека на сите останати места гласањето се тече без проблеми.
„Што се однесува до избирачките места кои ова утро имаа проблеми со користење на техничките апарати, во три избирачки места се отстранети, а во три ќе се продолжи со гласање со УВ ламба и спреј. Тоа се 0838/1 во Кочани, 1252 во Охрид и 1100 во Куманово. Само на тие места ќе се гласа на стариот начин бидејќи на сите други места гласањето е во ред“, рече претседателот Даштевски.
Технички проблеми со биометриските уреди утрово беа пријавени и на гласачки места во Тетово и во Гази Баба.
До 11 часот во ДИК стигнале 164 приговори за лично избирачко право. Од нив 50 се усвоени и на гласачите им е овозможено да го остварат правото на глас, седум приговори се отфрлени како неуредни, а девет приговори се одбиени. Останатите се уште се во обработка.
Македонија
Одѕивот на претседателските избори до 11 часот е 12,87 отсто, а на парламентарните 13,69 отсто
Според податоците од 2080 избирачки места за претседател на државата до 11 часот гласале 12,87 отсто од гласачите. Државната изборна комисија (ДИК) соопшти дека од вкупно запишани 1.096. 219 гласачи на овие избирачки места гласале 141.087 гласачи односно 12,87 отсто.
Најголем одѕив за претседателските избори има во Пробиштип 27,85 отсто, а најмал е одѕивот во Липково 1,76 отсто.
„Може да се забележи дека во Источна и Централна Македонија многу повеќе гласачи гласале на претседателските избори отколку во Западна Македонија каде што процентот е многу низок“, рече претседателот на ДИК Александар Даштевски.
До 11 часот пристигнати се податоци за одѕив на гласачите за парламентарните избори од 1.976 избирачки места. Од вкупно запишани 1. 030.092 гласачи на овие избирачки места гласале 140.990 граѓани. Одѕивот е 13,69 отсто. Најголем одѕив на парламентарните избори има во Кривогаштани 28.38 отсто, а најмал е одѕивот во Врапчиште 5,2 отсто.
Претседателот Даштевски речe дека споредено со парламентарните избори во 2020 година на денешните избори има зголемување на одѕивот од 2,69 отсто.
Македонија
Над 300 набљудувачи го следат изборниот процес
Со повеќе од 300 набљудувачи од 25 држави ОБСЕ го следи изборниот процес на избор на парламентарен состав и за претседател на државата.
За утре во 15:00 часот е закажана прес-конференција на која ќе бидат објавени прелиминарните податоци за текот на изборниот процес.
Специјалниот координатор на ОБСЕ, Николоз Самхарадзе им посака успех на гласачите и рече дека ќе ги следат изборите низ државата, во сите големи градови, но и во руралните средини.