Спорт
Батон и Шумахер најбрзи на првите тренинзи
Пилотите на Мекларен и Мерцедес, Џенсон Батон и Михаел Шумахер, забележаа најдобри времиња на првите два слободни тренинга, пред утрешните квалификации, во пресрет на трката за ГН на Австралија.
Пилотите на Мекларен и Мерцедес, Џенсон Батон и Михаел Шумахер, забележаа најдобри времиња на првите два слободни тренинга, пред утрешните квалификации, во пресрет на трката за ГН на Австралија. Пилотите на Мекларен, Џенсон Батон и Луис Хамилтон доминираа на првиот тренинг на патеката „Алберт Парк“. Батон имаше време од 1:27.560 минути, што за две и пол десетинки беше побрзо од времето на Хамилтон. Шумахер кој на првиот тренинг се пласира зад двоецот на Мекларен, на вториот тренинг го имаше најбрзото време, во финишот на тренингот неговиот најбрз круг изнесуваше 1:29. 183 минути. Зад него се пласираа Нико Хулкенберг и Серхио Перез. Тренинзите во Мелбурн ги пратеа лоши временски услови, што најверојатно е причината актуелниот шампион Себастијан Фетел, првиот тренинг да го заврши на 11-то, а вториот на 10-то место. Добри перформанси покажа Фернандо Алонсо кој на двете тренинг сесии го освои четвртото место. Влажната патека донесе неколку излетувања, а најатрактивно беше она на Камуи Кобајаши. Последниот тренинг на „Алберт Парк“ ќе се вози во сабота од 4 часот по средноевропско време, додека квалификациите на програмата се три часа подоцна. Трката за ГН на Австралија, со која ќе стартува 63-то Светско првенство во Ф1, ќе се вози во недела со почеток во 7 часот по средноевропско време. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.