Спорт
Историски успех за македонското карате
Жарко Арсовски во најтешката категорија плус 84 килограми, во борба за бронзениот медал го совлада Русинот Камит Тебоев, со што на Македонија и го донесе првиот медал од светските рпвенства
Еден од најдобрите македонски каратисти, Жарко Арсовски, вдахновено влазе во дуелот со Камит Табоев, од првиот момент настојувајќи да го оствари најзначајниот успех во неговата досегашна кариеара и воопшто исклучителен миг за радост во македонскиот спорт. Арсовски едноставно го декласира својот ривал, доминирајќи во сете четири минути минати на татамите на „Белградска Арена“, освојувајќи поен по поен за на крајот на семафорот да стои убедливи и чисти 4:0. За својот доминантен настап Арсовски доби аплаузи од повеќе од шест илајди присутни гледачи, и на Македонија и го донесе првиот трофеј од Мундијалите. Со оваа победа Арсовски го заокружи навистина импресивниот настап на 20-то Светскоо првенство во карате, на кое не беше совладан од ниеден ривал. Поединечно оствари вкупно пет победи, на стартот со Кореанецот Ким, потоа против Канаѓанецот Соуза. Единствениот пораз го претрпе од Египќанецот Мохамед, дури по судиското изјаснување, по што во репасажните борби беше подобар од Аргентинецот Рекусо, а потоа и од Италијанецот Манискалко.Вклучувајќи ги и екипните борби, Арсовски во Белград имаше вкупно девет настапи, во кои оствари седум победи, и по еден нерешен резултат и пораз. Жарко Арсовски годинава стана и медитерански шампион на натрпреварите во турското одморалиште Кушадаси, а минатата година стана светски студентски првак на турнирот во шпанска Кордоба.Досегашен најдоабр резултат на светските првенства на македонските каратисти беше петтото место освоено во Мексико 2004 г., успех што го постогна постар брат на Жарко, Сашко Арсовски. Со бронзениот медал се одбележува уште една успешна сезона за македонското карате, во која на Европското првенство во Атина, Огнен Груевски освои бронзен медал, а на Светското првенство за јуниори, Берат Јакупи освои златен медал. На јубилејниот 20. светски шампионат настапија вкупно 1.260 каратисти од 88 земји, меѓу кои 22 од Македонија. Натпреварите завршуваат во недела со настапите во кати, поединечно и екипно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.