Свет
Прчевски и Џанго против „Бачило“
Јавниот обвинител Александар Прчевски и Љубомир Михајловски Џанго, министер за внатрешни работи, вчера почнаа заеднички да работат на расчистување на случајот „Бачило“ и да ја утврдуваат одговорноста кај сите инволвирани страни.
Јавниот обвинител Александар Прчевски и Љубомир Михајловски Џанго, министер за внатрешни работи, вчера почнаа заеднички да работат на расчистување на случајот „Бачило“ и да ја утврдуваат одговорноста кај сите инволвирани страни. Прчевски вчера итно ги свикал претставниците од одделението за организиран криминал во јавното обвинителство, веднаш откако Владата ги задолжи МВР и ЈО да ги преземат сите мерки за да го расчистат случајот „Бачило“.
Двете одделенија за организиран криминал, од МВР и од обвинителството, заедно ќе работат на спорниот случај, каде што државата плати отштета од околу 730.000 евра за наводно гранатирано бачило од 2001 година.
– Ќе биде направено сето тоа што не задолжи Владата. Обвинителството ќе го води случајот, а ние ќе ги обезбедуваме доказите. Двете одделенија за организиран криминал ќе работат заеднички и синхронизирано – вели Горан Павловски, шеф на кабинет на министерот за внатрешни работи Љубомир Михајловски.
Владата на завчерашната седница ги задолжи двете институции да ги преземат сите мерки за да го расчистат случајот и да поведат постапка за одговорност. Од кабинетот на премиерот информираа дека ќе почнат постапка за утврдување одговорност кај јавната правобранителка Зоја Лега-Станоевска и изразија сомневање дека во случајот „Бачило“ станува збор за организиран криминал и корупција.
Од извори во РСС дознаваме дека в среда до Собранието ќе биде поднесен предлог за разрешување на судијката Снежана Попчевска, која го водела случајот „Бачило“. Според изворите, судијката не ја запазила процедурата и нестручно и несовесно постапувала во решавањето на случајот „Бачило“.
РСС вчера го добил судскиот предмет и закажал седница за идната среда. Со оглед на тоа што советот веќе го гледаше предметот, велат дека нема да имаат проблем да утврдат одговорност кај судијката.
Правните експерти потврдуваат дека има големи шанси во случајот „Бачило“ судската постапка да почне отпочеток и да се најде трагата на парите. Доколку Министерството за одбрана во следниве четири години достави до Јавното правобранителство нови докази за случајот, судот може да ја почне постапката отпочеток. Постои само еден проблем, велат правниците.
– Во законот пишува дека ако се извлече нов доказ, кој не бил познат и не можел да биде познат, постапката може да се повтори. Во случајов, не станува збор за докази што не можеле да бидат познати, така што само тоа може да ја заглави процедурата – тврдат експертите.
Ако се утврди дека постапката за случајот „Бачило“ била исконструирана и ако постојат сомневања за криминал, експертите велат дека треба да се испитува каде завршиле парите што ги добил тетовецот Џемаили. Владо Наумовски, директор на Дирекцијата за спречување перење пари, вели дека има лесен начин да се провери каде завршиле парите.
– Дирекцијата тоа не може да провери затоа што не станува збор за перење пари. Човекот по легален пат си ги добил парите и тука нема криминал. Но, ако во процесот е направена измама, тоа е кривично дело. Потоа МВР и ЈО можат многу едноставно да проверат каде завршиле парите. Од сметката, лесно се гледа каде се потоа префрлени – вели Наумовски.
Бучковски: Не се вмешани политички структури
Не знаев дека парите за отштетата на бачилото се симнати од сметката на Министерството за одбрана се додека не беше извршена присилната наплата, изјави вчера премиерот Владо Бучковски, кој беше министер за одбрана кога на тетовецот Иснифарис Џемаили му биле исплатени 727.000 евра.
Тој смета дека нема високи политички структури што стојат зад случајот и дека спрегата е направена меѓу луѓе од правобранителството, судството и посредникот на Џемаили.
– Според нашите информации, зад отштетата стојат структури од понизок ранг. Опозицијата смета дека јас сум зел и сум платил 720.000 евра, што не е точно. За случајот се сомневавме од првиот момент, но немавме целосни информации. Сега веќе станува јасно дека имаме случај што мириса на организиран криминал и корупција – рече Бучковски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Мекгрегор: Трамп одби да ја финансира Украина за да го принуди Зеленски да преговара
Претседателот на Соединетите Американски Држави, Доналд Трамп, одби да ја финансира Украина за да го принуди украинскиот лидер Володимир Зеленски брзо да постигне мировен договор со Русија, изјави пензионираниот полковник на американската армија, Даглас Мекгрегор.
Во интервју за YouTube каналот Deep Dive, тој истакна дека американскиот претседател јасно ставил до знаење дека Киев е во позиција каде што ќе мора да преговара со Москва, во спротивно ќе се соочи со последиците.
„Трамп сака мир и просперитет за двете страни во конфликтот“, рече Мекгрегор, додавајќи дека новиот курс на Белата куќа е сигнал до Киев да престане да се потпира на поддршка од европските сојузници.
Според него, Трамп добро ја разбира потребата од подобрување на односите со Русија, што, како што изјави, не им се допаѓа на европските политичари. „Тој нема да го следи примерот на Европа и да ги слуша советите на британскиот премиер Кир Стармер или францускиот претседател Емануел Макрон“, истакна Мекгрегор.
Пензионираниот полковник заклучи дека „крајно време е Киев да престане да ги слуша европските политичари и да започне мировен процес за решавање на конфликтот со Руската Федерација“.
На 25 август, претседателот Трамп изјави дека САД повеќе не издвојуваат пари за помош на Украина, туку продаваат оружје исклучиво на сојузниците од НАТО, додека трошоците за конфликтот, како што нагласи, ги сносат европските партнери на Киев.
Фото: принтскрин
Свет
Кина: Неразумно е да се бара наше вклучување во разговорите за нуклеарно разоружување со САД и Русија
Кина денес изјави дека е „неразумно и нереално“ да се бара од земјата да се приклучи на разговорите за нуклеарно разоружување со САД и Русија.
Гуо Џиакун, портпарол на кинеското Министерство за надворешни работи, ги даде овие забелешки откако американскиот претседател Доналд Трамп изјави дека разговарал за контрола на нуклеарното оружје со рускиот претседател Владимир Путин и дека сака Кина да се приклучи.
„Нуклеарните сили на Кина и САД воопшто не се на исто ниво, а стратешката безбедносна средина и нуклеарните политики на двете земји се сосема различни“, рече Гуо.
Кина се придржува до принципот дека нема прва да употреби на нуклеарно оружје и стратегијата за нуклеарна самоодбрана, рече тој, додавајќи дека Пекинг нема да учествува во трка во вооружување со која било земја.
„Земјите со најголеми нуклеарни арсенали треба сериозно да ги исполнат своите посебни приоритетни одговорности за нуклеарно разоружување“, рече Гуо.
Трамп им рече на новинарите во понеделникот, пред состанокот со јужнокорејскиот претседател Ли Џе-мјунг, дека „едно од нештата што се обидуваме да ги направиме со Русија и Кина е денуклеаризацијата и тоа е многу важно“.
„Мислам дека денуклеаризацијата е многу… тоа е голема цел, но Русија е подготвена да го стори тоа и мислам дека Кина ќе биде подготвена да го стори тоа. Не можеме да дозволиме нуклеарното оружје да се шири. Мораме да го запреме нуклеарното оружје. Моќта е преголема“, рече Трамп.
Министерот за надворешни работи на Малезија минатиот месец изјави дека Кина ќе потпише договор за забрана на нуклеарно оружје во Југоисточна Азија штом целата документација биде готова.
Фото: принтскрин
Европа
(Видео) Министерот за транспорт на Турција се сними себеси како вози со 225 км/ч додека слуша музика: набргу беше казнет
Турскиот министер за транспорт е казнет за пребрзо возење кога објави видео од себе како вози на автопат со народни песни што ечат од неговиот автомобил под хаштагот #TurkeyAccelerates.
Во неделата вечерта министерот Абдулкадир Уралоглу сподели видео на интернет на кое се гледа како вози на автопат во близина на главниот град Анкара слушајќи народни песни и извадоци од говорите на претседателот Реџеп Таип Ердоган.
Во неколку одделни видеа, на кои ненамерно се прикажува брзинометарот, може да се види како тој достигнува брзина помеѓу 190 и 225 км/ч. Ограничувањето на брзината на овој автопат во Турција е 135 км/ч.
Неколку часа подоцна Уралоглу го објави повторно видеото признавајќи дека бил казнет за пречекорување на дозволената брзина пишувајќи дека со споделувањето на видеото, тој го предизвикал тоа.
Türkülerle Ankara-Niğde Otoyolu hatırası… 📹🎶
Yorulduğumuzda Sn. Cumhurbaşkanımızdan ilham alıyor, “Yeterince çalışmadık” diyerek yolumuza devam ediyoruz…#TürkiyeHızlanıyor 🇹🇷 pic.twitter.com/iGToOlTpfD
— Abdulkadir URALOĞLU (@a_uraloglu) August 24, 2025
„Седнав зад воланот за да го проверам автопатот Анкара – Нигде и ненамерно го пречекорив ограничувањето на брзината за кратко време. Всушност, се осудив себеси со видеото“, напиша тој.
Казната, чија копија ја објави, покажуваше дека Уралоглу возел со 225 км/ч и бил казнет со 9.267 турски лири (190 евра).
„Отсега па натаму ќе бидам многу повнимателен. Почитувањето на ограничувањето на брзината е задолжително за сите“, изјави министерот.
(Видео) Филипче: Со ВМРО-ДПМНЕ на власт основните трошоци се зголемени за 4.300 денари, а минималната платата за 1.800 денари
ВМРО-ДПМНЕ за една година ја доведе државата во најголема економска несигурност што сме ја виделе досега, а граѓаните живеат сé...
„Кандидатурата на Мециновиќ за Скопје е договор на Левица да им помогне на СДС и ДУИ“, велат од ВМРО-ДПМНЕ
„Јасно е дека кандидатурата на Амар Мециновиќ е дил на Левица за помош на ДУИ и СДС, со математика Орце...
Убиство во Кавадарци, тројца уапсени
Денеска во 04:56 часот во ОВР Кавадарци било пријавено дека на заден влез од казино на улицата „Никола Минчев“ во...
Муцунски за „Политико“: Државата не е подготвена за уставните измени што ги бара Бугарија без цврсти гаранции од ЕУ дека тоа ќе биде последното такво барање
Во рамки на работната посета на Брисел, министерот за надворешни работи и надворешна трговија, Тимчо Муцунски, даде интервју за политичкиот...
Макрон до Нетанјаху: Обвинувањата за антисемитизам се навреда за Франција
Францускиот претседател Емануел Макрон испрати писмо до израелскиот премиер Бенјамин Нетанјаху во кое остро реагираше на неговите обвинувања дека Париз...
Пожар кај „Зебра“, огнот зафатил возило
Пожар избувнал ноќеска во главниот град во близина на трговскиот центар Зебра. Според последните информации огнот се проширил и зафатил...
Премиерот на Канада: Путин се плаши да се сретне со Зеленски
Рускиот претседател Владимир Путин се плаши да се сретне со украинскиот претседател Володимир Зеленски за да разговара за условите за...
Зеленски: Од украинска страна сè ќе биде што е можно поподготвено за да се стави крај на војната
Украинскиот претседател Володимир Зеленски објави дека во текот на оваа недела претставниците на таа земја ќе имаат повеќе меѓународни контакти,...
Трамп: Нема да има светска војна, но ќе има економска
Претседателот на САД, Доналд Трамп, изјави дека е подготвен да воведе економски санкции врз Русија доколку рускиот претседател Владимир Путин...
Министерството за одбрана реагира на соопштението на СДСМ: Лицемерно, со манипулација на факти и со целосно извртување на вистината
„Лицемерно, со манипулација на факти и со целосно извртување на вистината – така се карактеризира соопштението од политичката партија СДСМ...
Откриено е што САД ѝ нудат на Русија: „Сакаа да објават ударна вест веднаш по Алјаска“
Американски и руски владини претставници разговараа за неколку енергетски договори на маргините на мировните преговори за Украина што се одржаа...
(Видео) Боинг со 250 патници принудно слета во Русија, имаше дефект на моторот
Авион на „Ер Чајна“ што леташе од лондонски Хитроу до Пекинг утрово изврши непланирано слетување во Русија по дефект на...
Влада: Се конкретизираат работите за изградба на третата фаза од пругата од Крива Паланка до границата со Бугарија како и изградба на тунелот како гранична точка
„По средбата на високо ниво меѓу вицепремиерот и министер за транспорт Александар Николоски и вицепремиерот и министер за транспорт на...
„Не било доволно папаја, манго, аспарагус и други егзотични овошја, Министерството за одбрана набавува кафе и алкохол за 31.000 евра“, велат од СДСМ
„Додека стандардот на граѓаните постојано опаѓа и семејствата едвај врзуваат крај со крај, владата на Христијан Мицкоски и ВМРО-ДПМНЕ продолжува...
„Народот денес е побогат од времето на СДС, единствена разлика е што нема милиони за Филипче и Заев од државниот буџет“, реагира ВМРО-ДПМНЕ
„Венко Филипче одамна изгубил чувство за реалноста, очигледно некаде по првиот тендер како министер за здравство, но сега откако беше...
Кривична пријава за градоначалникот на Делчево: вработил лице што исполнувало услови за пензија
Надворешната канцеларија за криминалистички работи Делчево на 25.08.2025 до ОЈО Делчево поднесе кривична пријава против Г.Т. (54) од Делчево поради...
Алиу: Очекувам објективни резултати од анализата на кардиолошките и на кардиоваскуларните интервенции
Министерот за здравство Азир Алиу утрово одржа состанок со интерната комисија задолжена за изготвување прелиминарна анализа на кардиолошките и на...
Славевски најави мерки за поттикнување поповолно кредитирање за купување станови
Директорот на Агенцијата за катастар на недвижностите, Иван Живковски, денеска оствари работна средба со гувернерот на Народната банка, Трајко Славевски....
Во текот на изминатото деноноќие изгаснати 20 пожари во Македонија
Во текот на изминатото деноноќие, на ден 25/26.08.2025 година, на територијата на Македонија имаше вкупно 23 пожари на отворен простор,...
Уапсен возач во Кичево – усмртил пешак на пешачки премин и избегал од местото на несреќата
Полицијата уапси возач во Кичево кој со возило удрил во пешак и избегал, а пешакот подоцна починал во болница во...
