Свет
Обама ќе се сретне со Далај Лама на 18 февруари
Американскиот претседател ќе го прими тибетскиот духовен водач во Белата куќа идниот четврток, потврдил претседателскиот портпарол
Портпаролот на Белата куќа, Роберт Гибс, изјавил дека претседателот на САД, Барак Обама го почитува Далај лама како глобална религиска фигура, и дека се радува на ангажираниот и конструктивен дијалог. Тој додал дека за место на состанокот е избрана Собата со мапите на Белата куќа, наместо Овалната соба, бидејќи во Овалниот кабинет досега со Далај лама не се сретнал ниеден американски претседател. Се очекува дека оваа одлука на Белата куќа дополнително ќе ги зголеми тензиите меѓу САД и Кина, зашто Кина во Далај лама гледа главен предводник на сепаратистичките тенденции на ТибетКина во среда повторно го предупреди американскиот претседател дека неговата евентуална средба со тибетскиот духовен водач дополнително ќе ги уназади влошените односи, по планот САД да му продадат оружје на Тајван.„Решително се противиме лидерот на Соединетите држави да има каков и да е контакт со Далај лама, без оглед на причината или формата. Ги повикуваме САД да ја сфатат високата чувствителност на тибетското прашање и мудро и адекватно да се однесуваат кон него, за да се избегне натамошното влошување на односите“, изјави во средата портпаролот на кинеското министерство за надворешни работи, Ма Жаоку.Претседателот Обама лани ја избегна средбата со Далај лама. Во октомври мината година Далај лама престојуваше во Вашинготн од почетокот на седмицата и за тоа време се сретна со повеќе политички личности. Сепак, тибетскиот лидер не се сретна американскиот претседател Барак Обама, а како замена го прими претседателката на Сенатот, Ненси Пелоси. Организациите за човекови права веднаш ја осудија постапката и го нападнаа Обама и државната секретарка Хилари Клинтон заради неспротивставувањето на кинеското кршење на човековите права, особено во однос на Тибет.Инаку, ова тоа беше првпат во последните 18 години еден американски претседател да не прифати средба со Далај Лама кој беше примен и од Џорџ Буш (Помладиот). Далај лама тогаш го прифати образложението за состанок со Обама по неговата средба со кинескиот претедател Ху Џинтао.Односите меѓу Кина и САД се оптоварени со, како што тврдат, вештачката моќ на кинеската валута, државниот протекционизам за кинеските компании и непочитувањето на интернетските слободи околу Гугл, дополнително беа вжештени со објавувањето на Пентагон од крајот на минатата седмица дека планира на Тајван да му продаде оружје во вредност од 6,4 милијарди долари. САД го вооружуваат Тајван под клаузула „за самоодбрана“, билатерален договор од 1979 г. Според, што ја иритира Кина која при иста ваква продажба на американско оружје во октомври 2008 г. Ги прекина воените разговори со САД.Објавувањето на продажбата на оружје за Тајван доаѓа во момент кога претседателот Барак Обама се обидува да ги подобри односите со Кина со која очекува соработка во поглед на прашањата околу Иран, Северна Кореја и климатските промени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Иран воведе санкции кон САД и Велика Британија поради поддршката кон Израел
Иранските власти денеска објавија дека воведуваат санкции против неколку американски и британски поединци и субјекти поради нивната поддршка на Израел во војната против палестинското движење Хамас во Појасот Газа.
Иранската дипломатија соопшти дека санкциите се однесуваат на седум Американци, меѓу кои и генералот Брајан Фентон, шеф на командата за специјални операции и вицеадмиралот Бред Купер, поранешен шеф на американските поморски сили на Блискиот Исток.
Од британските функционери и субјекти цел на санкциите се министерот за одбрана Грант Шапс и британската кралска морнарица во Црвеното Море.
Санкции беа најавени и против американските компании „Локид Мартин“ и „Шеврон“ и британските компании „Елбит системс“, „Паркер Мегит“ и „Рафаел УК“.
Иранското Министерство за надворешни работи додаде дека санкциите вклучуваат „блокирање на сметки и трансакции во иранскиот финансиски и банкарски систем, блокирање на средства под јурисдикција на Иран, како и забрана за издавање визи и влез на иранска територија“.
Влијанието на овие мерки врз поединци или субјекти, како и врз можните средства или трансакции со Иран, сепак, останува неизвесно.
Од почетокот на војната во Појасот Газа, предизвикана на 7 октомври со нападот на палестинското исламистичко движење Хамас на израелска територија, нагло се зголемија тензиите меѓу Израел од една страна и Иран и неговите сојузници, особено либанскиот Хезболах, од друга.
Ситуацијата се вжешти на 13 април, кога Иран изврши напад врз Израел, со 350 беспилотни летала и проектили, од кои повеќето беа пресретнати со помош на САД и други земји.
Иранските власти тогаш објавија дека дејствувале во „самоодбрана“ по смртоносниот напад што му се припишува на Израел врз иранскиот конзулат во Дамаск на 1 април.
Свет
Нетанјаху: Ако Евреите не се заштитат самите, никој нема да ги заштити
Евреите мора да бидат способни да се „одбранат“ бидејќи никој нема да ги заштити, изјави денеска израелскиот премиер Бенјамин Нетанјаху, додека се повеќе се креваат гласови против војната што Израел ја води во Појасот Газа.
„Ако треба да се браниме, ќе се браниме. Ако е можно да се мобилизираат „оние што не се Евреи“, тоа е добро. Но, ако не се заштитиме, никој нема да го направи тоа“, рече Нетанјаху.
Премиерот ова го изјави на приемот на преживеаните од нацистичкиот геноцид кои во недела ќе учествуваат на церемонијата на Денот на сеќавањето на Холокаустот во меморијалниот центар Јад Вашем.
Разорната војна што Израел ја започна во Појасот Газа како одмазда за нападот на палестинското движење Хамас на 7 октомври во Израел предизвикува зголемени критики ширум светот.
Осврнувајќи се на студентското движење во знак на солидарност со Палестинците во градовите на американските колеџи, Нетанјаху рече дека ги осудува „страшните демонстрации на антисемитските орди кои повикуваат на уништување на Израел и ги напаѓаат еврејските студенти и професори“.
Нетанјаху, исто така, се соочува со отворено меѓународно противење на неговата намера да започне голема офанзива врз градот Рафах, во јужниот дел на Појасот Газа.
Тоа е засолниште за еден и пол милион Палестинци, од кои огромното мнозинство се раселени поради војната, додека израелските власти сметаат дека градот е последното упориште на борците на Хамас.
Свет
Трамп: Погледнете ги Лондон и Париз, тие се непрепознатливи
Поранешниот американски претседател Доналд Трамп изјави за време на предизборниот митинг во Висконсин дека Лондон и Париз се „непрепознатливи“, пренесува „Politico“.
„Видовме што се случи кога Европа ги отвори вратите за џихад. Погледнете го Париз, погледнете го Лондон. Тие се непрепознатливи“, рече Трамп, кој ќе се кандидира за нов мандат во Белата куќа на претседателските избори во ноември годинава.
„Ќе влезам во многу проблеми со луѓето во Париз и луѓето во Лондон, но знаете што, тоа е факт. Тие се непрепознатливи и не можеме да дозволиме тоа да и се случи на нашата земја. Имаме неверојатна култура, традиција. Не можеме да дозволиме тоа да се случи овде и никогаш нема да дозволам да им се случи на Соединетите Американски Држави“, рече тој.
Трамп често ги критикуваше европските земји. Во декември 2015 година, набргу откако Париз беше погоден од смртоносен исламистички терористички напад, тој рече дека населбите во Париз и Лондон се толку опасни што полицијата одбила да оди таму. Во тоа време, Трамп го бранеше својот план „целосно да им забрани на муслиманите да влезат во САД“.
И покрај тоа што беше критикуван за тие забелешки, Трамп продолжи да ја брани својата позиција. „Вистинскиот Париз е различен од Градот на светлината за кој читате. Има области во Париз каде луѓето се толку радикализирани и толку злобни, што полицијата одбива да оди таму. Тие нема да одат таму. Тоа ќе се случи на нашата земја“, предупреди тој.
Во јануари 2016 година тој изјави дека животот во Брисел е како да живееш во „пекол“ поради недостаток на „асимилација“ на муслиманското население.