Свет
Владата ем продава ем купува во Телеком
Со продажбата на државниот пакет од 9,9 отсто, Владата отуѓи само 5,82 отсто од своите акции во Телеком, затоа што и државата е еден од сопствениците на капиталот на Македонски телекомуникации, кој се јави како купувач на акциите
Со продажбата на државниот пакет од 9,9 отсто, Владата отуѓи само 5,82 отсто од своите акции во Телеком, затоа што и државата е еден од сопствениците на капиталот на Македонски телекомуникации, кој се јави како купувач на акциите
Нема интерес за државниот капитал во "Македонски телекомуникации" што Владата неделава, расцепкан во три пакети по 9,9 отсто акции, го нуди на продажба преку неофицијалниот пазар на Македонската берза. Вториот од четирите пакети акции денеска, заедно со третиот пакет и 5,2 отсто од акциите што ќе се продаваат по парче, повторно ќе се понуди на продажба. Вчера за овој пакет никој не ги понуди минималните 60 милиони евра. Од најмалку 275 милиони евра што Владата очекуваше да ги добие од продажбата на 45 отсто од капиталот во Телеком, во првите два дена од тргувањето инкасираше само 60,3 милиони евра. Продажбата продолжува до петок.
Добрите познавачи на телекомуникациите коментираат дека немањето интерес за државните пакети се должи на високата цена на целиот пакет, кои не случајно биле така скроени.
"Македонски телекомуникации" вчера и официјално соопшти дека на првиот ден од тргувањето со државните акции, 9,9 отсто од државните акции во Телеком ги купил Телеком. А во Телеком, акционери, покрај Унгарците и Меѓународната финансиска корпорација(ИФЦ) е и државата. По трансакцијата, учеството на Маѓар Телеком (односно АД "Каменимост" кое е во тек на ликвидација) се зголеми од 51 отсто на 56,6 отсто, односно, за само 5,6 отсто. Останатите речиси 4,3 отсто се враќаат во сопственост на државата, која пред берзанската трансакција поседуваше вкупно 47,12 отсто, а по трансакцијата нејзиното учество се намали на само 41,3 отсто.
Промените во сопственоста на Меѓународната финансиска корпорација, која пред продажбата имаше 1,88 отсто, по трансакцијата се минимални.
Тоа значи дека по изминатите два дена од продажбата на 45 отсто државни акции во Телеком, Владата отуѓи само 5,82 отсто од својот капитал, иако пред ММФ се обврза до средината на 2006 година да из
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Турист пронајден мртов во Грција
Американски турист (55) денес бил пронајден мртов на грчкиот остров Матраки.
Раниот топлотен бран се совпадна со бранот на исчезнувања и смртни случаи на туристи.
„Постои заедничко нешто. Туристите кои починаа планинареа на високи температури“, изјави за Ројтерс, Петрос Василакис, портпарол на полицијата во Јужното Егејско Море.
Телото на британскиот ТВ водител Мајкл Мозли беше пронајдено на 9 јуни на островот Сими по четиридневна операција за пребарување со помош на авиони и дронови. Мозли наводно одел сам на високите температури пред да исчезне.
Полицијата не го откри идентитетот на Американецот чие тело во неделата беше пронајдено во близина на плажата во Матраки.
– Телото е префрлено на Крф каде ќе биде извршена обдукција – изјави полициски претставник за Ројтерс.
Друг турист, Холанѓанец, кој имаше 74 години, беше пронајден мртов на островот Самос во саботата, додека двајца планинари беа пронајдени безживотни на Крит на 5 јуни.
Спасувачките екипи трагаат по две постари Французинки на Сикинос и по американски полицаец (59) на Аморгос.
– Во тек се две операции за пребарување на други острови. Распоредени се спасувачки екипи и доброволци кои со помош на дрон и куче спасувач трагаат по исчезнати лица – изјави Василакис.
Свет
Хаос на летот од Мароко до Лондон: Авионот принудно слета поради масовна тепачка меѓу патниците
На летот на ирската нискобуџетна авиокомпанија „Рајанер“ од Агадир, Мароко до Лондон, избила масовна тепачка меѓу патниците, поради што пилотот принудно слетал, објави „Њујорк пост“.
Весникот наведува дека инцидентот кој се случил на 3 јули почнал уште пред полетувањето кога еден од патниците побарал да го смени седиштето.
Тепачката избила на летот за лондонскиот аеродром Станстед, а патниците врескале еден кон друг додека персоналот на авиокомпанијата давал се од себе за да ги смири.
„Беше толку стресно. Тоа беше како пекол. И се ескалира кога еден човек сакаше да го смени седиштето“, раскажа патник на летот.
Свет
Во Киев е прогласен ден на жалост
Градоначалникот на Киев, Виталиј Кличко, го прогласи 9 јули за ден на жалост по смртоносните напади на главниот град.
Сите знамиња ќе бидат спуштени на половина копје на институционалните згради низ градот, објави тој на Телеграм, а сите забавни настани се откажани.
Најмалку 20 луѓе загинаа во главниот град, вели Кличко, а речиси 100 се ранети.