Свет
Последна фаза од гласањето во Египет
Египќаните во средата наутро продолжуваат да гласаат во третата и последна фаза од парламентарните избори во преостаната третина од земјата, за Народното собрание (долниот дом на парламентот).
Египќаните во средата наутро продолжуваат да гласаат во третата и последна фаза од парламентарните избори во преостаната третина од земјата, за Народното собрание (долниот дом на парламентот). Гласањето од оваа фаза се одвива во последните девет египетски провинции: Калјуби, , Ел-Минија, Ал-Гарби, Дакахли, Северен и Јужен Синај, Кене, Матрух и Ел-Вади Ел-Гедид. Во овие провинции се отворени вкупно 15.175 избирачки места, а правото на глас може да го остварат повеќе од 14 милиони египетски граѓани. Во третата фаза на изборите се гласа во црвеноморските најпознати летувалишта на Јужен Синај, како што е прочуеното летувалиште Шарм ел-Шеик, како и проблематичниот во последниве месеци регион на Северен Синај, во непосредна близина до границата на Израел и појасот Газа. Покрај тоа, во оваа фаза ќе гласаат и најголемите заедници на христијанските Копти кои ги населуваат областите во Горен и Среден Египет.Вториот круг од оваа фаза во истите изборни единици ќе се одржи на 10-ти и 11-ти јануари. Официјалните конечни резултати од парламентарните избори ќе бидат објавени на 13-ти јануари, а на 29-ти јануари треба да започнат изборите за горниот дом на египетскиот парламент.Во пресрет на првиот ден од гласањето во третата фаза, египетската Централна изборна комисија доби жалби за различни повреди на процесот на гласањето коишто биле евидентирани од набљудувачи. Особено, тие се однесуваат на тоа што набљудувачите на многу избирачки места нашле незапечатени изборни кутии или агитатори за различни партии и за независни кандидати. Покрај тоа, судиите коишто требаа ја обезбедат контролата врз процесот на гласањето доцнеле по неколку часа на своите работни места.Парламентарните избори во три фази, кои започнаа во Египет на 28-ми ноември 2011 година, се одржуваат во 27 египетски провинции. Првата седница на Народното собрание на Египет треба да се одржи на 23-ти јануари.Според резултатите од првите две фази на гласањето, со голема предност во водство се исламистичките партии. Партијата на движењето Муслиманско братство, Партијата за слобода и правда и партијата Ан-Нур (на салфитите), заедно освоија 65 отсто од гласовите на избирачите. Блокот од секуларни партии Ал-Кутлу е трет, а најстарата партија во Египет – Вафд, е на четвртото место според освоените гласови.Одѕивот на гласачите во првата и втората етапа од парламентарните избори во Египет, 28-ми и 29-ти ноември, како и на 14-ти и 15-ти декември, изнесуваше, 52 односно 67 отсто.Во претходните фази исламските и секуларните партии постојано разменуваа меѓусебни обвинувања за нерегуларности на избирачките места. Приговорите главно се однесуваат за агитирање за кандидатите на денот на изборите, заплашување на гласачите и доведување на гласачите во заблуда, како и пополнување на гласачките ливчиња за стари лица или неписмени гласачи.Секуларни партии стравуваат дека доколку на изборите победат исламистите, оти ќе се формира парламентарна уставна комисија за да го подготви новиот устав на Египет. Исламски устав може да го стави Египет на патот на религиозниот фундаментализам, убедени се ривалите на исламските партии.Исламисти, исто така, ги обвинуваат организаторите на избори, тврдејќи дека дозволува жени и млади лица на самите избирачки места да зборуваат за намалување на правата и малтретирање, коишто наводно се очекуваат во случај на победа на исламистичките партии.Египќаните првпат по падот на режимот на Хосни Мубарак избираат членови на парламентот. Според избирачкиот список, во Египет прав на глас имаат околу 49,.2 милиони лица на возраст над 18 години.Парламентот на Египет ќе треба да формира уставна комисија составена од 100 лица коишто ќе работата на развивање на новиот устав на земјата. Проектот за новиот устав потоа ќе биде предложен за одобрување на референдум. По усвојувањето на новиот устав, во Египет треба да се одржат претседателските избори. Конечниот трансфер на власта во земјата којашто во моментов е концентрирана во Врховниот совет на вооружените сили врз избраното цивилно раководство мора да биде заокружен не подоцна од 30 јуни годинава/крај/рн/мф/сн.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Александар Вулин: Пријателството меѓу Србија и Кина е челик затоа што го ковавме во оган
Вицепремиерот на Србија, Александар Вулин, на промоцијата на културната размена меѓу Кина и Србија на тема „Што ги делат планините и реките, пријателството обединува“, изјави дека пријателството меѓу двете земји е челик бидејќи е ковано во оган и дека Србија и Кина се разделени за многу работи, но најважното ги обединува, а тоа е одлуката на две држави да бидат слободни.
„Пријателството на нашите лидери, претседателот Вучиќ и претседателот Си Џинпинг, не обврзува да сториме сè, исто како нив, за нашите народи да бидат поблиски отколку што нè прави блиски географијата или историјата. Србите и Кинезите ги дели сè, ние сме различни во сè, но нас нè обединува она најважното – нашата одлука да бидеме слободни, нашата посветеност на најважната карактеристика на народите и луѓето – слободата“, рече Вулин на настан организиран од China Media Group.
Свет
Професорите на Универзитетот во Амстердам протестираа во знак на солидарност со студентите
Наставниот кадар на Универзитетот во Амстердам одржа протест во знак на солидарност со студентите, чии демонстрации против војната во Газа претходно беа насилно расчистени од полициските сили.
Полицијата со булдожер ги урна барикадите и уапси околу 140 демонстранти, а постојано има судири меѓу безбедносните сили и студенти, пренесува Ројтерс.
„Учениците и вработените пријавиле употреба на полициски палки и кучиња, како и булдожери во обид на полицијата насилно да ги отстрани. Поради прекумерната употреба на насилство, луѓето се повредени“, велат од групата Холандски научници за Палестина.
Европа
Венеција заработи огромна сума на пари со наплата на влезници во градот за само 11 дена
Новововедениот билет за туристите на еднодневно патување во Венеција на градот му донесе приход од 975 илјади евра во првите 11 дена од пробниот период.
Билетот, кој првпат беше воведен на 25 април, се наплаќа по стандардна цена од пет евра.
Градот објави дека продал вкупно повеќе од 195.000 билети, што е малку над очекувањата, пренесува Независне новине.
Влезот ќе се наплаќа во повеќето саботи и недели до средината на јули, кога градот ќе ја разгледа цената.
Како општо правило, целодневните посетители помеѓу 8:30 и 16:00 часот се обврзани да платат влезница и да добијат QR код, кој служи како доказ за плаќање. Ако не го сторат, може да платат казна од 300 евра.
Домашните жители, гостите кои преноќуваат, студентите и децата под 14 години се ослободени од плаќање.
Со околу 15 милиони посетители годишно, Венеција е една од најпосетуваните туристички дестинации во светот.
Масовниот туризам му носи многу приходи на градот, но и гужвите создаваат големи проблеми. Не е познато дали Венеција ќе ја задржи таксата по пробниот период.