Свет
Кина против наметнување еднострани санкции за Иран
Кина во средата повторно го искажа своето спротиставување на наметнувањето еднострани санкции за Иран поради неговата нуклеарна програма, нагласувајќи дека оваа криза треба да се реши по дипломатски пат.
Кина во средата повторно го искажа своето спротиставување на наметнувањето еднострани санкции за Иран поради неговата нуклеарна програма, нагласувајќи дека оваа криза треба да се реши по дипломатски пат. „Кина и натаму верува дека санкциите не се вистинскиот начин за ублажување на тензиите и решавање на прашањето за иранската нуклеарна програма“, изјави на брифинг за новинарите во Пекинг, портпаролот на кинеското министерство за надворешни работи Хонг Леи. „Исправниот пат се дијалогот и преговорите. Кина се спротиставува на ставањето на домашниот закон над меѓународните закони за да се наметнат еднострани санкции на друга земја“, го цитира Reuters кинескиот портпарол. Американскиот претседател Барак Обама кон крајот на 2011 година ги потпиша санкциите за секоја финансиска институција во САД која соработува со иранската централна банка, со што се блокира главниот начин за плаќање на иранската нафта. ЕУ, исто така, би требала да воведе нови санкции до крајот на јануари, а коишто би можеле да вклучуваат и забрана за увоз на ирански нафтени производи. Техерен во вторникот објави дека е подготвен на нова рунда преговори и ја повика високата претставничка на Европската унија за надворешна политика и безбедност, Кетрин Ештон, да го предложи датумот и местото за продолжувањето на преговорите за неговата контроверзна нуклеарна програма меѓу Техеран и големите сили групата 5 плус 1 (САД, Русија, Кина, Германија, Велика Британија и Франција) кои беа прекинати пред една годинаМеѓутоа во вторникот официјален Техеран, исто така, преку својот воен врв се закани со преземање „соодветни чекори“ доколку американската морнарица го врати нејзиниот носач на авиони во Персискиот залив, што се толкува како нова ескалација на иранските реакции на новите американски санкции и најавата на санкциите од ЕУ, коишто наштетуваат на неговата економија но истовремено ја зголемуваат цената на нафтата на светските пазари. Кон крајот на декември неколку ирански функционери, меѓу кои водачот на преговарачката група за нуклеарни прашања, Саид Џалили и министерот за надворешни работи Али Акбар Салехи потврдија дека Иран е подготвен да преговара откако претходно на 18-ти ноември Ештон ги повика на продолжување на преговорите. По осум години истрага на иранската нуклеарна програма, Меѓународната агенција за атомска енергија (IAEA) го објави извештајот според кој уверливо се докажува дека Иран настојува да развие нуклеарно оружје. Техеран го отфрла тоа, тврдејќи дека неговата програма за збогатување ураниум е за мирновременски цели, за добивање електрична енергија и за употреба во медицината,/крај/ро/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.