Спорт
Данска и Камерун го одиграа најдобриот меч на СП
Данска го совлада Камерун со 2:1 и ги задржа своите шанси да се пласираат во продолжението на мундијалот, додека нивниот вечерашен противник кој играчки не се посрамоти веќе резервираше повратна карта
Камерун и Данска го одиграа фудбалски најсодржајниот натпревар во досегашниот тек од Светското првенство во Јужна Африка. Ситуацијата во групата наложи и двете репрезентации да тргнат на победа, откако беа поразени во претходното коло против Холандија и Јапонија. Трите бода за двете екипи беа многу важни пред последните мечеви во кои Данска сепак во Јапонија има поповолен противник.Камерун играчки не разочара, имајќи предвид дека првиот меч вообичаено сите репрезентациите го играат променливо. Но факт е дека „африканските нескротени лавови“ немаа среќа особено во завршницата на акциите. Можеби нетрпеливоста меѓу постарите генерации од камерунската репрезентаија кои постојано го критикуваа Самуел Ето пред почетокот на Светското пренство предизвика нервоза во редовите на екипата во Јужна Африка, што се одрази во премиерниот меч против Јапонија што се покажа како решавачки за елиминација на досега најуспешната африканска репрезентација на светските фудбалски првенства. Знаејќи го тоа Камерунците уште во првата минута по проигрувањето на Ето и Екото се обидоа да го загризат голот на Данска, а Ето неколку минути подоцна бие од 22 метри во долниот десен агол, но данскиот голман Соренсен не киксира на млакиот шут. Само по две минути Полсен го вработува Ромедал кој беше еден од централните играчи вечерва на својот тим, кој сепак откако изби само пред камерунскиот гол не успеа да го надмудри противничкиот голман. А набрзо во 10. минута греши и данската одбрана откако Соренсен во грб му ја додаде топката на Полсен кому Вебу му ја украде на 20 метри од голот по што непречено го проигра Ето кој лесно го доведува Камерун во водство. По три минути Камерун преку Екото се обидува да го зголеми водството, но за малку е непрецизен. Следи напад на Данска по кој е изнуден само корнер, но веќе нејзината одбрана заигрува поцврсто и помирно што му овозможува на нападот се’ почесто да го загрозува противничкиот гол. Во овој период се играше со многу шутеви на двете страни. А во 33, минута повторно Ромедал е во центарот на вниманието откако влезе од десно во камерунскиот петерец и ја сврти кон Бендтнер кој со лизгачки старт ја втурна топката во небранетата мрежа. До крајот на полувремето Ромедал повторно му подготви одлична можност на Томасон, чиј шут беше во последен момент блокиран од Сонг, а веќе во следната минута во еден напад Камерун пропушта стоотстотна шанса, кога Ето ја погоди стативата а потоа Емана иако беше сосема сам биеше многу блиску крај голот на Соренсен. Вториот дел продолжи со исто темпо и се оправдува констатацијата дека го следевме најдобриот натпревар во досегашниот тек на Светското првенство. Камерун повторно од почетокот ја презема иницијативата и се редат изгледни прилики на Ето, Емана и Екото.Уште во 46 минута Ето избори корнер по десната страна а по корнерот со глава шутираше Мбиа но Соренсен беше на место, а три минути подоцна опасниот шут на Екото со лизигачки старт го спречува во последен момент Јенсен. Следните десет минути минуваат во наизменични опасни напади од двете страни на кои им недостига само прецизна завршница/ Клучен се покажа моментот во 61. минута кога камерунскиот напаѓач Вебо од десетина метри стрелаше право во Соренсен, а од брз против напад Бендтнер одлично го проигрува Ромедал по десната страна, а овој го измами Макоун и шутираше прецизно во спротивниот долен агол од голот на Сулејмани. Камерунците кои губење на мечот значеше и дефинитивно заминување од мундијалот, преземаа силен пресинг кон шеснаесетникот на Данска, која свесно се повлекува обидувајќи се со брзи контри да го реши мечот. Така, Јон Дал Томасон во 71. минута можеше да биде трагичар на мечот кога одличната топка од Ромендал само ја додаде до Сулејмани. До крајот на мечот, Камерунците тргнаа целосно во напад барајќи брзо израмнување но Ето, помогнат од Емана, Екото, Идризу, Макуон и Абубкар немаа среќа и присебност во завршницата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Победата на Реал во сенка на повредата на Карвахал
Реал Мадрид го победи Виљареал со 2:0 во деветотот коло, во Примера. Со овој триумф Реал се изедначи на првото место со Барселона, која утре му гостува на Алавес.
Реал ја потона „жолтата подморноца“ со две торпеда, на Валверде во 14. и Винисиус Жуниор во 73.минута. Виљареал имаше свои шанси кои не ги искористи. Пеп во првото полувреме веднаш по голот на Валверде ја погоди гредата. Во финишот добија пенал, но судијата го поништи откако ВАР покажа дека на пеналот му претходел офсајд.
Интересно Реал на овој натпревар упати само три удари во рамките на голот, два од нив завршија зад грбот на Кунде.
Реал победи, но прашање е колку скапо ја плати победата. Винисиус Жуниор во 78.минута поради повреда на рамото го напушти теренот, а во самиот финиш на натпреварот се повреди и Карвахал, кој мораше да биде изнесен од теренот.
Спорт
(Видео) Три гола на Турам, Интер го победи Торино
Интер го победи Торино с 3:2 во последниот натпревар од саботната програма во Серија А. Интер ја забележа четвртата победа сезонава, а Торно вториот пораз.
Победата на Интер му ја донесе Маркус Турам кој го постигна првиот хет-трик во Серија А. Работата на актуелниот пампион му ја олесни Марипан кој во 20.минута доби црвен картон.
Пет минути подоцна предноста од играч повеќе Интер ја искористи кога Турам го постигна првиот гол. 11.минути подоцна францускиот репрезентативец го постигна вториот гол. Асистент за двата гола беше Бастони.
Само што тргнаа од центарот гостите успеаја да намалат на 2:1 преку Колумбиецот Дуван Запата. По еден час игра Тирам го комплетираше хет-трикот. До крајот на натпреварот, Торино преку Влашиќ од пенал го намали резултатот.
Спорт
(Видео) Јокиќ им одржа говор на играчите на Мега по победата над Дубаи
Дубаи во саботата беше местото за повторното обединување на Никола Јокиќ и клубот во кој за него започна се во неговата кариера.
Кошаркарите на Мега направија мало изненадување, во драматичен натпревар го победија Дубаи со 83:80, а сведок на овој натпревар беше центарот на Денвер, Никола Јокиќ.
Српскиот репрезентативец во Емирсти е со Денвер на мини-турнеја во претсезоната, а во „Кока-кола“ арената му се придружија и неговите соиграчи Дарио Шариќ и Влатко Чанчар До Јокиќ седеше првиот човек на Мега, еден од најмоќните менаџери во кошарката, Ражнатовиќ.
По натпреварот Јокиќ во соблекувалната им одржа краток говор на младите играчи на Мега, кои беа воодушевени од присуството на официјално најдобриот играч во НБА лигата.
„Задоволство ми беше да ве гледам, посакувам уште да ја имам таа желба и таа радост што вие ја имавте денес“.
Овој момент КК Мега го сподели на своите социјални мрежи.
“I wish I still had that joy and enthusiasm that you showed today” 😂🩷 pic.twitter.com/aIgM2R6D8I
— KK Mega (@KKMegaBasket) October 5, 2024