Свет
Од палатата на Гадафи украдени златни пиштоли
Локалното население ја ограбило резиденцијата на либискиот водач полковникот Моамер ел-Гадафи, пред во неа да навлезат припадниците на силите на бунтовниците
Локалното население ја ограбило резиденцијата на либискиот водач полковникот Моамер ел-Гадафи, пред во неа да навлезат припадниците на силите на бунтовниците. Од палатата биле однесени позлатени пиштоли, остен за добиток, па дури и медицинската евиденција за членовите на семејството на Гадафи, пишува денеска New York Times. Паравоените единици им се приклучија на бунтовниците во Триполи во ноќта на 21 август. Денеска западните медиуми јавија дека единиците на бунтовниците успеале да продрат во утврдената резиденција на полковникот Моамер ел-Гадафи во населбата Баб ал-Азизја, при што бил скршен отпорот од страна на единиците лојални на либискиот лидер.Според New York Times, групи ограбувачи навлегле во резиденцијата, кога сé уште не биле завршени борбите меѓу бунтовниците и владините трупи. По пребарувањето на резиденцијата, „среќниците“ гордо на новинарите им ги покажале позлатените пиштоли и кутии од марката „Берета“, омиленото оружје на Џејмс Бонд. Многумина од резиденцијата на Гадафи, исто така, изнесувале остени за добиток. Во Либија, како и во многу други земји во арапскиот свет, огромна популарност имаат трките со камили, и дел од приборот за овој вид спорт често претставуваат вистински скапоцени уметнички дела. Покрај тоа, остенот често е земен како форма при камуфлирањето на електро-шок палките, што, според западните медиуми, либиската полиција ги употребувала за растерување на мирните демонстранти. Еден од ограбувачите, Хишам ал-Винди, земал трофејна воена шапка, за која вели дека лично му припаѓала на Гадафи. „Ова капа ја знае целиот свет“, гордо изјавил ал-Винди. Разграбувањето на палатата на Гадафи почна да личи на личи на шоу, кога ограбувачи почнаа да се тетерават под еден предмет кој ја отсликуваше ексцентричноста на полковникот Гадафи – електромобил за голф, со кој според некои информации, тој го обиколувал својот имот со површина од неколку хектари. Можеби еден од најневообичаените „сувенир“ кои се однесени од резиденцијата е оној до кој се дошол локалниот жител Сидик Руџбани, картотека, којашто како што тој ги убедувал новинарите, ја претставува медицинската евиденција за членовите на семејството Гадафи. Инаку, повеќето „гости“ во резиденцијата во Баб аз-Азизија, преферирале да земат од палатата на Гадафи телевизори со рамен екран и други современи домашни апарати кои се вистинска реткост во Либија. Експертите истакнуваат дека предметите украдени од палатата на Гадафи може да достигнат голема вредност на црните пазари. Според репортажите на странските телевизиски станици и информациите на новинарите, се добива впечатокот оти либиската престолнина којашто е речиси 90 проценти освоена од бунтовниците, е зафатена од хаос и безредие, а има многу сведоштва за грабежи. Според јужнокорејската новинска агенција Yonhap, група ограбувачи синоќа од амбасадата на Јужна Кореја во Триполи, одземале телевизори и друга техника. Претходно денеска беше објавено дека Моамер ел-Гадафи наводно тајно престојувал во Триполи, и заклучил дека ситуацијата во Триполи не е опасна. „Јас не почувствував дека Триполи е во опасност“, ги цитира Reuters зборовите од аудио пораката на Гадафи/крај/нт/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Објавени имињата на сопружниците кои загинаа враќајќи се од Германија, братот на починатиот е во кома
Во тешка сообраќајна несреќа што се случи рано утрово на автопатот Белград- Ниш, во близина на клучката Умчари, две лица го загубија животот, додека друг патник е итно однесен во болница со тешки повреди.
Познато е дека во возилото на несреќата биле двајцата браќа Назим и Шкелзен Авдиу, како и сопругата на Шкелзен.
Свет
Орбан: Распадот на Украина би бил катастрофа за Украина
Премиерот на Унгарија, Виктор Орбан денеска изјави дека распадот на Украина би имал сериозни последици по неговата земја.
– Немојте да се залажувате: распадот на Украина би бил катастрофа за Унгарија, напиша Орбан на платформата Икс.
Тој додаде дека стабилноста на соседните држави е важна.
– Унгарија ја снабдува Украина со 44 отсто електрична енергија и 58 проценти гас. Во меѓувреме, војната ја слабее Украина секој ден. Само мирот може да ја зајакне. Секој кој навистина ја поддржува Украина мора да сака мир, и сега, посочи Орбан.
Свет
Нема да има блокада на граничните премини со Грција за време на празниците
Грчките земјоделци најавија прекин на блокадите на граничните премини со Македонија за време на божиќните и новогодишните празници, овозможувајќи им непречено патување за граѓаните.
Блокадата на земјоделците е проблем за многу македонски државјани кои изминативе недели им беше отежнато патувањето кон или од Грција.
Грчките медиуми известуваат дека за време на празничната сезона нема да има блокади, со цел граѓаните да можат непречено да патуваат.
Земјоделците одлучија да ги прекинат блокадите и да ги отворат граничните премини и патиштата во два периода: од вторник, 23 декември, до недела, 28 декември 2025 година и од вторник, 30 декември, до недела, 4 јануари 2026 година.
Во меѓувреме, премиерот на Грција посочи дека многу од барањата на земјоделците од неговата држава се исполнети.„Од листата со 27 побарувања на земјоделците, 16 се веќе задоволени или се третираат позитивно. Четири се во процес на разгледување или дискусија со цел да се пронајде решение, додека само седум не можат да бидат решени. Причините за тоа се или спротивност со основните европски правила и функционирањето на заедничката земјоделска политика, или финансиска неизводливост“, објави на Фејсбук премиерот Кирјакос Мицотакис.
Земјоделците, кои ги започнаа своите протести на 30 ноември со околу 60 блокади низ цела Грција, не се откажуваат од своите барања.

