Свет
Гадафи бара 777 билиони долари отштета за Африка
Либискиот претседател Моамер Гадафи планира да побара постојано место за африканскиот континент во Советот за безбедност
Либискиот претседател Моамер Гадафи планира да побара постојано место за африканскиот континент во Советот за безбедност на Обединетите нации (ОН) и 777 билиони долари отштета за колонијалното искористување.„Ќе му кажам на светот дека Африка заслужува 777 билиони долари компензација за годините на колонијализмот, ропството и убивањата“, им соопшти Гадафи на африканските лидери во Триполи, две недели пред неговото заминување на седницата на Советот за безбедност на (ОН) во Њујорк.Либискиот лидер истакна дека Африка заслужува постојано место во таа организација, без оглед дали истата ќе се реформира или не.„Странските сили намерно создадоа внатрешноафрикански проблеми, со цел африканските народи да не изградат континентално единство и да станат силни како Европа и Соединетите Американски Држави“, рече либискиот претседател.Гадафи, чија што земја е непостојана членка на Советот за безбедност до крајот на оваа година, најверојатно ќе учествува на седница на Советот на 24. септември, која што ќе биде посветена на нуклеарното разоружување. Со седницата ќе претседава американскиот претседател, Барак Обама./крај/хи/амп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.