Свет
Хејг: Гадафи смее да остане во Либија

Велика Британија е подготвена да се согласи на политички договор во Либија со кој Моамер ел-Гадафи смее да остане во земјата кога ќе се откаже од власта, изјави британскиот министер за надворешни работи Вилијам Хејг
Велика Британија е подготвена да се согласи на политички договор во Либија со кој Моамер ел-Гадафи смее да остане во земјата кога ќе се откаже од власта, изјави британскиот министер за надворешни работи Вилијам Хејг.Според Хејг, најважно е да се истрае во заложбите Гадафи да замине од власт. Инаку, на прес-конференцијата во понеделникот во Лондон, заедно со францускиот министер за надворешни работи Ален Жипе кој беше многу послободен за персоналната иднина на Гадафи, Хејг рече дека за неговата иднина мора да одлучи либискиот народ, пишува Guardian.„Што ќе се случи со Гадафи во крајна линија е прашање за Либијците. Либискиот народ мора да одлучи за својата иднина. Што и да се случи, Гадафи мроа да си замине од власта“, рече Хејг.Шефот на британската дипломатија смета дека Гадафи по заминувањето од власта не смее да претставува закана за Либијците. „,никогаш повеќе не смееме да идеме во ситуација да биде закана за животите на цивилите ниту за дестабилизација на Либија“, го цитира Guardian министерот Хејг. „Секако дека неговото заминување од Либија би бил најдобриот начин да им покажеме на Либијците дека веќе не мора да живеат во страв од Гадафи. Но, како што и постојано велам, за тоа конечно мора да решат Либијците“, вели Хејг. Британски извори тврдат дека овие зборови на Хејг не упатуваат на тоа дека има напредок во британското размислување, бидејќи од почетокот на воената операција во Либија во март, тие упорно тврдат дека за иднината на Либија ќе решаваат Либијците. Или, како забележува весникот, додека Хејг ги дава овие изјави, бомбардерите на британското кралско воено воздухопловство ги бомбардираат позициите на армијата лојална на Гадафи пред почетокот на рамазан на 1-ви август. Хејг и Жипе не се согласија околу тоа дали Гадафи треба да се изведе на суд за воени злосторства. Жипе смета дека е важно да се задржи принципот дека никој не смее биде поштеден од кривичен прогон за вакви работи. Но Хејг дава да сенасети дека Британија можеби е подготвена да му дозволи на Гадафи да го избегне одговарањето пред лицето на правдата.„Британската влада ги почитува овластувањата на Хашкиот трубунал и смета дека треба да се почитуваат неговите барања. Затоа сметам дека инсистирате на хипотетичко прашање“, вели Хејг.Преодниот национален совет на Либија, пак, одамна соопшти дека Гадафи ќе биде испратен пред Хашкиот трибунал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Прашањето за цивилите, возењето во лимузината и ракоплескањето во фокус во јавноста по стартот на средбата меѓу Трамп и Путин

За време на средбата во Алјаска, американскиот и рускиот претседател, Доналд Трамп и Владимир Путин, позираа пред собраните фоторепортери. Во толпата што се појави, новинарите се обидоа да добијат изјави, извикувајќи прашања до двајцата светски лидери.
Во еден момент, еден од присутните новинари гласно го праша рускиот претседател: „Дали ќе престанете да убивате цивили?“. „Дали ќе се согласите на прекин на огнот?“ беше исто така едно од прашањата.
⚡️ Reporters asked Putin when he will stop killing civilians, but he pretended not to hear and gave no answer. pic.twitter.com/16bYXtpkJ0
— UNITED24 Media (@United24media) August 15, 2025
Владимир Путин не одговори со зборови. Наместо тоа, само покажа со прст на увото, јасно ставајќи до знаење дека не слуша, потоа ги крена рамената, пренесуваат западните медиуми.
Потоа Путин му се придружи на Трамп во претседателската лимузина што е ретка привилегија за странските државници бидејќи тие обично се возат во свои автомобили. Но, Трамп очигледно го поканил Путин да седне со него во автомобилот. Дел од руските медиуми го протолкуваа овој чин како знак на пријателство и ран почеток на разговорите.
Внимание привлече и сцената со ракоплескањето. Откако авионот со затворени врати стоеше некое време на пистата, Трамп беше првиот што излезе од „Ер Форс Уан“, а многу брзо потоа следеше Путин од рускиот владин авион. Кога Путин излезе од авионот и му се приближи на Трамп, Трамп беше забележан како ракоплеска.
Свет
(Видео) Трамп и Путин на историска средба во Алјаска, состанокот би можел да трае со часови

Претседателите на САД и Русија, Доналд Трамп и Владимир Путин се сретнаа во Алјаска. Откако се поздравија, се ракуваа и се фотографираа, тие се упатија кон своите автомобили.
Средбата меѓу Трамп и Путин ќе се одржи во воздухопловна база од времето на Студената војна во Алјаска и ќе биде нивниот прв разговор во живо откако Трамп се врати во Белата куќа.
Тоа ќе биде и првата средба меѓу американски и руски лидер од 2021 година, кога Џо Бајден се сретна со рускиот претседател во Женева.
По разговорите, се очекува на Трамп да му се придружи Путин на ретка заедничка прес-конференција.
Украинскиот претседател Володимир Зеленски не беше поканет на самитот во Алјаска, но Трамп рече дека следната рунда разговори со Русија и Украина би можела да се одржи многу наскоро ако средбата со Путин помине добро.
Средбата ќе трае со часови?
Песков претходно објави дека самитот во Алјаска би можел да трае шест до седум часа.
Трамп, кој за време на изборната кампања повтори дека ќе ја заврши војната на Русија во Украина во рок од 24 часа, за време на летот на „Ер Форс Уан“ до Алјаска рече дека не може да каже што би го направило неговиот состанок со Путин успешен, но нагласи дека сака прекин на огнот.
На прашањето што би го направило самитот успешен, тој им рече на новинарите во „Ер Форс Уан“: „Не можам да ви кажам тоа. Не знам. Ништо не е зацврстено. Сакам одредени работи. Сакам прекин на огнот.“
„Сакам да видам брзо прекин на огнот… Нема да бидам среќен ако тоа не се случи денес. Сакам убивањето да престане“, рече тој.
Свет
Трамп и Путин нема да разговараат еден на еден

Денешната билатерална средба меѓу американскиот и рускиот претседател ќе се одржи во променет формат, што претставува значително отстапување од претходната практика.
Наместо состаноци „еден на еден“, на разговорите ќе присуствуваат клучни соработници, што има за цел да обезбеди поголема транспарентност.
Средбите на Доналд Трамп со Владимир Путин за време на неговиот прв претседателски мандат честопати беа обвиткани во тајност. Бидејќи во просторијата беше присутен само преведувач, јавноста во голема мера не беше свесна за што точно разговарале двајцата лидери.
Вклучувањето на двајца високи функционери на денешната средба – државниот секретар Марко Рубио и специјалниот претставник на САД Стив Виткоф – треба да обезбеди многу поголемо ниво на јасност. Ова ќе биде особено важно ако, по средбата, руската страна понуди поглед на настаните што се разликува од американската перспектива.
Покрај тоа, еден од соработниците ќе може да води официјални белешки, што е клучен елемент за создавање веродостоен запис од разговорот на толку високо ниво.