Свет
Северна Кореја се заканува, тензијата расте
Пјонгјанг се закани дека и натаму ќе потопува јужнокорејски бродови, а Сеул засега не објавува што е причината за потопувањето на нејзиниот воен брод и дали е точна информацијата дека уште еден нејзин брод бил цел на севернокорејската морнарица
Неофицијални извори од Сеул велат дека експлозијата која настанала од торпедо го пробиал трупот на бродот на крмата во пределот на пропелерот. Јужна Кореја потврди дека станува збор за експлозија но се’ уште води истрага за нејзината причина. Светските агенции пренесуваат дека врз јужнокорејскиот брод било стрелано но не е идентификуван од чиј брод и дека од бродот кој потона било возвратено на огнот. Потврдено е и дека пред да се случи инцидентот, јужнокорејскиот брод стрелал кон неидентификуван објект во правец на севернокорејскиот брег, нос е вели дека тоа било јато птици. Во меѓувреме, агенцијата Yonhap пренесе дека Сеул решил по зазорувањето ќе ја почне истрагата под морската површина и ќе продолжи испитувањето на причината за несреќата.ОД вкупно 104 членови на екипажот, 58 се извлечени од морето, а по 40 се трага. Иако засега нема потврда за бројка на загинати, Reuters доцна попладнево јави дека има загинати на јужнокорејскиот брод, најверојатно уште од експлозијата. Утрово Пјонгјанг објави дека осуетила план на Вашингтон и Сеул да се обидат однатре да го урнат комунистичкиот режим и дека е подготвен на секоја провокација да одговори со употреба на нуклеарно оружје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ученик донел бомба во училиште во БиХ
Полициските службеници од Полициската администрација Приедор дејствувале по пријава на директорот на основното училиште „Петар Петровиќ Нјегош“ во близина на Приедор, дека од страна на просветен работник на тоа училиште била одземена рачна бомба од еден ученик.
Постапувајќи по пријавата, полицајците утврдиле дека се работи за бомбата „М75“ (т.н. црна бомба) без почетен дел за детонација, и како таква се смета за неупотреблива и не може да биде опасност.
За настанот бил информиран и Окружниот јавен обвинител на Приедор под чиј надзор ќе се преземаат понатамошни мерки и активности.
Информациите за споменатиот настан ќе бидат доставени до Центарот за социјална работа Приедор, пренесуваат медиумите во регионот.
Свет
ОН ги повикуваат сите земји да ја признаат Палестина
Група експерти на Обединетите нации денеска ги повикаа сите земји да ја признаат палестинската држава за да се постигне мир на Блискиот Исток.
Повикот доаѓа по една недела во која Шпанија, Ирска и Норвешка официјално ја признаа палестинската држава, што го налути Израел, кој стана се повеќе изолиран на меѓународно ниво поради војната во Газа.
Експертите, вклучително и специјалниот известувач на ОН за човекови права на палестинските територии, рекоа дека признавањето на палестинската државност е важно за правата на палестинскиот народ и неговите напори за слобода и независност.
„Тоа е предуслов за траен мир во Палестина и на целиот Блиски Исток и започнува со итно објавување на прекин на огнот во Газа и запирање на натамошните воени упади во Рафа“, нагласија тие.
„Решението за две држави останува единствениот меѓународно договорен пат кон мир и безбедност и за Палестина и за Израел и е излез од генерациските циклуси на насилство и гнев“.
Со нивното признавање, Шпанија, Ирска и Норвешка сакаат да го забрзаат постигнувањето мир во Газа. Трите земји изразија надеж дека тоа ќе го забрза признавањето на другите западни земји. Данскиот парламент подоцна одби да го стори тоа, а Словенија ќе го разгледа во вторник. Израел се противи на признавањето на Палестина, тврдејќи дека тоа го зајакнува Хамас.
Свет
Шефот на Ербас: Проблемите на Боинг се товар за целиот сектор
Проблемите со безбедноста и квалитетот на американскиот производител на авиони Боинг би можеле да ја разнишаат довербата на патниците во воздушниот транспорт, предупреди извршниот директор на европскиот конкурент Ербас.
„Проблемите во Боинг се товар за целиот сектор“, изјави извршниот директор на бизнисот со комерцијални авиони на Ербас, Кристијан Шерер, за германскиот деловен неделник WirtschaftsWoche.
„Поради проблемите на Боинг, луѓето ќе почнат да ја доведуваат во прашање безбедноста на летањето“, објасни Шерер.
Боинг повторно е под лупа откако авионот од серијата 737 MAX остана без врата на летот на Алјаска ерлајнс на почетокот на годината. Пред пет години, регулаторите ширум светот го повлекоа Боинг 737 MAX поради две тешки несреќи во кои загинаа 346 луѓе.
Шефот на европскиот производител на авиони тврди дека не планираат да ја искористат можноста за поскапување на авионите.
„Ги зголемуваме цените само кога побарувачката ја надминува понудата“, рече Шерер, додавајќи дека е тешко да се предвиди како ќе се развиваат работите.
„Би рекол дека конкурентот во неволја може да се однесува релативно непредвидливо. Доколку, поради неповолни околности, авионите се натрупаат во неговите хангари, тој може да се одлучи на распродажба“, објасни шефот на Ербас.