Регион
Милановиќ: Не би променил ништо во изјавите за Србија, Србите и БиХ
Претседателот на хрватската Социјалдемократска партија (СДП), Зоран Милановиќ изјавил дека не би променил ништо во своите изјави за Србија, Србите и Босна и Херцеговина (БиХ) и дека како премиер би ги блокирал преговорите на Србија со ЕУ, доколку земјата не го повлече законот за универзална надлежност за воените злосторства на просторите на поранешна Југославија, пренесуваат српските медиуми.
Во текот на минатата недела во јавноста се појавија аудио снимки од состанокот на Милановиќ со хрватските бранители, на кои тој упатува повеќе навреди кон Србија, српскиот народ и Босна и Херцеговина, а според него се што рекол таму е точно и дека хрватските бранители сега сакаат да го раскараат со српскиот премиер Александар Вучиќ и со српскиот претседател Томислав Николиќ.
Милановиќ во снимките од разговорот со хрватските бранители, српскиот државен врв го опиша како „воен подбуцнувач и душман на српскиот и хрватскиот народ во деведесетите години“. Милановиќ додал дека тој постојано е напаѓан од хрватската десница, а сега од страна на српскиот претседател Николиќ бил споредуван и со Анте Павелиќ.
„Сега јас на тоа треба да одговорам и да го споредам со некого, но тоа нема да го направам и ќе го споредам само со Тома Николиќ“, рекол Милановиќ. Запрашан околу тоа дали би повлекол нешто од тоа што било кажано на состанокот со бранителите, Милановиќ прашал „што од тоа што го рекол на состанокот не е точно“.
„Луѓето кои тука сееја омраза и војна и за тоа никогаш не одговараа, со тие луѓе немам нити потреба за взаемно почитување, нити добри односи. Фасцинантно е како Хрватскиот демократски сојуз (ХДЗ) со нив се поздравува, а сега во сето тоа се најде и Андреј Пленковиќ (лидерот на ХДЗ), човек за кого говорев афирмативно и убаво, а во кој вчера ме нарече кафански дилетант“, додал Милановиќ.
Во однос на коментарите за Босна и Херцеговина, пак, Милановиќ повторил дека Република Српска „сака да ја растури БиХ“. „Господа политичари во БиХ, ве молам разбудете се и немојте да бидете мали и да наседнете на провокации. Тоа се истите луѓе кои секојдневно доаѓаат на нашата граница. Јас од една страна за Јасеновац, признам некои стравични работи кои се случија во поновата хрватска историја, но тие од друга страна, пак, Хрватите ги нарекуваат усташи. Тоа за мене нити се партнери, нити добри луѓе“, заклучил поранешниот хрватски премиер./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Aвтомобил влета во публиката на трка во Осиек, има повредени
Четири лица се повредени и префрлени во Клиничкиот болнички центар Осиек, Хрватска, откако денеска на улична трка на 31. улица Осиек Стрит Рајс во нив удри автомобил.
Според првичните информации автомобилот изгубил контрола, излетал од патеката и удрил во гледачите.
Несреќата се случила веднаш по почетокот на трката.
Двајца од четворицата повредени имаат отворени скршеници на ногата, објави Јутарњи лист.
Повредените седеле во првиот ред на трибината која била поставена веднаш до патеката.
„Еден од возачите изгубил контрола над возилото и удрил во трибината, при што повредил неколку гледачи. Со брзата реакција на лекарскиот тим на сите повредени им е укажана помош и никој не е во животна опасност “, соопшти организаторот.
Регион
Земјотрес ја погоди Грција
Земјотрес со јачина од 4,3 степени според Рихтеровата скала се случи денеска околу пладне во близина на грчкиот остров Китнос.
Оваа информација ја објави Геодинамичкиот институт на Националната опсерваторија во Атина, каде што е почувствуван земјотресот.
Епицентарот на земјотресот, кој се случи во 11:53 часот, се наоѓа на 17 километри северо-североисточно од островот и на околу 80 километри од Атина. Длабочината на потресот се проценува на 14,4 километри.
Грција се наоѓа во една од сеизмички најактивните области во светот, а земјотресите се чести.
Сепак, смртните случаи и големите штети се многу ретки.
Регион
Детали за несреќата што пред 5 години ја предизвикал Хрватот кој завчера загина со сопругата, се снимаше додека вози „бмв“ 200 километри на час, па удри во камион
Еди Здјелар (24) под Хрватска, кој во петокот загина со сопругата во сообраќајна несреќа, а пред тоа се снимаше во живо како вози 200 километри на час, во 2019 година предизвикал уште една тешка сообраќајка на Нова Градишка, по што починала и неговата тогашна бремена партнерка.
Порталот „Нова Градишка“ тогаш објавил дека несреќата се случила на 18 март во градот Ковачевац. Во тоа време 18-годишниот Здјелар управувал комбе, над кое изгубил контрола и неконтролирано отишол на другата страна на патот и удрил во бетонски мост. Од силината на ударот возилото се превртело.
Освен Здјелар, во комбето била и неговата 18-годишна девојка, која тогаш била бремена. Наспроти вчерашните информации што ги објавија хрватските медиуми дека таа загинала за време на несреќата пред пет години, таа сепак починала девет месеци подоцна, а нејзиното дете преживеало.
Бабата на бремената девојка тогаш починала од шок откако го видела неподвижното тело на својата внука на патот.
„Нејзината куќа се наоѓа во близина на местото на несреќата и, кога слушнала што се случило, излегла на патот. Наводно ставила перница под главата на нејзината внука. Сето тоа толку многу ја шокирало што починала“, изјавиле мештаните за Радио Нова Градишка во тоа време.
Подоцна полицијата потврди дека возачот и девојката не носеле појаси, а комбето се превртело поради пребрзо возење.
Еди кој пред два дена во смрт ја однесе и сопругата, а преживеа нивното двегодишно дете кое било во автомобилот, упрвувал „бмв“ со голема брзина.
Неколку часа пред несреќата тој на својот Фејсбук профил објави видео на кое се гледа како со „бмв“ се движи 200 километри на час. На видеото може да се слуша гласна музика.
Видеото е снимено во периодот од 14:30 до 14:45 часот, што одговара на времето на несреќата бидејќи несреќата била пријавена во 15:00 часот, кога Еди со својот автомобил удрил во камион на автопат.
Под видеото во кое го објави своето дивеење на автопат, сега познати и непознати луѓе оставаат пораки со сочувство или осуда.
– Еди, брате мој, што направи, мил Боже.
– Кутрото дете, остана сирак, коментираат луѓето под видеото, пренесува „Јутарњи“.