Свет
Борците на Гадафи киднапирале четворица италијански новинари
Министерството за надворешни работи на Италија соопшти дека во Либија биле киднапирани четворица италијански новинари, а дека нивниот возач денеска бил убиен на патот од Завија кон Триполи, пренесува агенцијата АП.
Министерството за надворешни работи на Италија соопшти дека во Либија биле киднапирани четворица италијански новинари, а дека нивниот возач денеска бил убиен на патот од Завија кон Триполи, пренесува агенцијата АП. Италијанската агенција АНСА, наведува дека борците на Моамер Гадафи киднапирале четворица новинари кои со автомобил патувале од Завија, која од Триполи е оддалечена 40 километри. Група на војници го запрела автомобилот, го убиле возачот а новинарите биле префрлени во една куќа, од каде на репортерот на католичкиот весник „Авенире“ му било овозможено да им се јави на своите уредници и да објасни што се случило. Двајца од новинарите работеле за миланскиот весник „Кориере дела Сера“, додека четвртиот киднапиран е репортер на торинскиот дневен весник „Ла Стампа“, соопшти италијанското министерство за надворешни работи. Меѓу новинарите се наоѓа и една жена, репортерката на „Кориере дела Сера“, Елизабета Росаспина. крај/бл/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.