Свет
Менаџерски договори за да се зачуваат државните фотелји
Со вакви договори може да се заштитат само директорите на државните акционерски друштва, а за другите што ќе бидат сменети следува едногодишна апанажа
Со вакви договори може да се заштитат само директорите на државните акционерски друштва, а за другите што ќе бидат сменети следува едногодишна апанажа
Директорите на јавните претпријатија се во паника поради можноста да бидат разрешени од новата влада. Дознаваме дека една од опциите што ја разгледувале за да ги зачуваат фотелјите од новата власт била склучување на неколкугодишни менаџерски договори. Но, таа можност ја имаат само првите луѓе на претпријатијата, кои според законот, се трансформираа во акционерски друштва. Овој процес досега го завршија Македонската информативна агенција (МИА), Градскиот трговски центар (ГТЦ), Електрани на Македонија (ЕЛЕМ) и Македонскиот електропреносен систем (МЕПСО). Механизам за заштита во ваквите договори може да бидат клаузулите за обесштетување во случај на предвремено раскинување на договорот.
Директорите на МЕПСО и на ЕЛЕМ имаат менаџерски договори, кои ги склучија во минатата година, кога се трансформира старото Електростопанство, односно пред продажбата на „Дистрибуција“. Портпаролот на ЕЛЕМ Бране Стефановски тврди дека во четиригодишниот менаџерски договор на првиот човек на ЕЛЕМ, Панде Лазаров, нема клаузула за обесштетување.
Директорот на МИА Зоран Иванов изјави дека се уште нема потпишано менаџерски договор, но дека нацрт верзијата била готова.
– Во неа е предвидена исплата на надомест во висина на платата и придонесите ако договорот биде раскинат предвреме. На мое инсистирање беше ставен тој износ, кој може да се исплати одеднаш или на 12 месечни рати. Тој износ е колку и апанажата што следува за именуваните државни функционери – вели Иванов.
Од ГТЦ вчера не добивме информација дали директорот Милан Милошевски има менаџерски договор со претпријатието.
Професорот на Правниот факултет Тито Беличанец вели дека менаџерските договори се во согласност со измените на Законот за јавни претпријатија, но дека се во функција на професионализација на вршењето на директорските функции во државните институции. Според него, тие не треба да се склучуваат само за да се остане на функција.
– Тоа не е решение. Впрочем органот на управување може идната година да не го прифати извештајот за работењето на директорот и да го разреши. Многу тенденциозно е ако во менаџерските договори има клаузули за обесштетување – смета Беличанец.
Законските измени налагаат избор на директорите на јавен конкурс, а не со владина или собраниска одлука, како што беше случај досега.
– На главните функции во државните претпријатија мора да се поставуваат компетентни, а не партиски луѓе. Што е оваа смеурија сега? Мора да се распишат конкурси и така да се избираат директорите – вели професорот Беличанец.
Апанажа за разрешените
Сите директори на јавни претпријатија и нивните заменици што ќе бидат разрешени од новата владата една година ќе добиваат апанажа од државата. Таа ќе биде во висина на платата што ја земаат сега плус придонесите за здравствено и пензиско осигурување.
Апанажа е предвидена за директорите бидејќи и тие се третираат како другите назначени државни функционери што се финансираат од буџетот.
Спасијка Јованова
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с
Свет
Се повеќе мали деца се дебели, предупредува ФАО
Организацијата за храна и земјоделство на Обединетите нации (ФАО) предупреди дека прекумерната тежина кај деца под пет години, анемијата кај жените на возраст од 15 до 49 години и дебелината кај возрасните се во пораст во голем број земји.
Западен Балкан со 10,3 отсто и Кавказскиот регион со 9,1 отсто имаат највисока стапка на прекумерна тежина кај децата до пет години, додека стапката на дебелина кај возрасните исто така се зголемува.
Вредностите на анемијата кај жените на возраст од 15 до 49 години ја надминуваат глобалната проценка од 29,9 отсто во Киргистан со 35,8 отсто, Таџикистан 35,2 отсто и Азербејџан 35,1 отсто.
За да се справат со овие предизвици, сите актери во Европа и Централна Азија треба да се фокусираат на квалитетот на исхраната, осигурувајќи дека сите граѓани имаат пристап до разновидна и урамнотежена исхрана.
Никој не треба да се остави зад себе. Ова мора да биде поддржано со едукативни и кампањи за подигање на јавната свест кои поттикнуваат поздрав и поодржлив избор на храна, се додава во соопштението.