Македонија
Започна меѓународната воена вежба ,,Светлина 10“
Во Центарот за обука „Пепелиште“ во организација на Министерството за одбрана вчера започна меѓународната вежба „Светлина 10“, која е планирано да се изведува и на армискиот полигон „Криволак“ до 29 мај
Главен координатор за реализација на вежбата е МО, а покрај припадници на ова министерство ќе учествуваат и припадници на АРМ, МВР, Дирекцијата за заштита и спасување, Црвениот крст на Република Македонија, професори и студенти од Институтот за одбранбени и мировни студии при Универзитетот ,,Кирил и Методиј“ од Скопје, како и професори и студенти од државните колеџи и универзитети од САД: Воениот колеџ на САД од Њујорк, Цитадела од Јужна Каролина, Државниот колеџ Индијан Ривер од Форт Пирс-Флорида и универзитетите од Оклахома, Мисури и Род Ајленд.Вежбата ,,Светлина 10“ покрај извежбувањето на персоналот од соодветните институции во справување и реакција во состојби предизвикани од природни катастрофи, во нејзината прва фаза има и едукативен карактер.
Како една од најважните цели на ,,Светлина 10“ е промоција на интероперабилноста и можностите за заедничко делување на меѓународните организации и институциите задолжени за соодветна реакција и помош во услови на постконфликтни состојби и состојби во услови на природни катастрофи и непогоди, низ практични вежби кои ќе се изведуваат по однапред креирано сценарио, со што ќе се создадат услови за изведување на посложени вежби од ваков вид во иднина.Во вториот дел од ,,Светлина 10“ на ,,Криволак“ ќе се изведе вежба на која според сценариото учесниците ќе учествуваат во отстранување на последиците предизвикани од силен земјотрес во услови на постконфликтна состојба.
Инаку, ова е четврта вежба од циклусот ,,Светлина“ која МО ја реализира во рамките на билатералната соработка со САД, но и со останатите министерства и институции во Република Македонија .
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одѕивот на претседателските избори до 11 часот е 12,87 отсто, а на парламентарните 13,69 отсто
Според податоците од 2080 избирачки места за претседател на државата до 11 часот гласале 12,87 отсто од гласачите. Државната изборна комисија (ДИК) соопшти дека од вкупно запишани 1.096. 219 гласачи на овие избирачки места гласале 141.087 гласачи односно 12,87 отсто.
Најголем одѕив за претседателските избори има во Пробиштип 27,85 отсто, а најмал е одѕивот во Липково 1,76 отсто.
„Може да се забележи дека во Источна и Централна Македонија многу повеќе гласачи гласале на претседателските избори отколку во Западна Македонија каде што процентот е многу низок“, рече претседателот на ДИК Александар Даштевски.
До 11 часот пристигнати се податоци за одѕив на гласачите за парламентарните избори од 1.976 избирачки места. Од вкупно запишани 1. 030.092 гласачи на овие избирачки места гласале 140.990 граѓани. Одѕивот е 13,69 отсто. Најголем одѕив на парламентарните избори има во Кривогаштани 28.38 отсто, а најмал е одѕивот во Врапчиште 5,2 отсто.
Претседателот Даштевски речe дека споредено со парламентарните избори во 2020 година на денешните избори има зголемување на одѕивот од 2,69 отсто.
Македонија
Над 300 набљудувачи го следат изборниот процес
Со повеќе од 300 набљудувачи од 25 држави ОБСЕ го следи изборниот процес на избор на парламентарен состав и за претседател на државата.
За утре во 15:00 часот е закажана прес-конференција на која ќе бидат објавени прелиминарните податоци за текот на изборниот процес.
Специјалниот координатор на ОБСЕ, Николоз Самхарадзе им посака успех на гласачите и рече дека ќе ги следат изборите низ државата, во сите големи градови, но и во руралните средини.
Македонија
Нема бојкот на претседателските избори, сите што излегле на парламентарните, гласале и за претседател, уверува Даштевски
Нема бојкот на претседателските избори, сите што излегле на парламентарните, гласале и за претседател, вели претседателот на ДИК, Александар Даштевски.
„На неколку места се појавија технички проблеми, кои во меѓувреме се решаваат, таму гласањето ќе продолжи на стариот начин со УВ-ламба и спреј, а доколку се исправат техничките недостатоци, ќе се продолжи со техничката опрема. Такви места има во Кочани, Охрид, Куманово, Тетово и во Гази Баба.
Како што дополнува, има доставено и 15 приговори за избирачко право и само три од нив се одбиени.
Во однос на одѕивот на парламентарните избори, до 9 часот, по обработените податоци од 1.033 избирачки места, гласале 4,45 %. Според податоците на ДИК, најголем одѕив има во Пробиштип, а најмал за парламентарните има во Боговиње (1,43 %).
Во Македонија утрово почнаа парламентарните избори и вториот круг од претседателските.
Избирачките места, од кои вкупно 3.480 беа отворени во 7 часот, а ќе бидат затворени во 19 часот.