Свет
Владата се повлекува од продажба на ХЕЦ
Под притисок на јавноста, на медиумите и по опомените и предупредувањата на Светска банка, македонската Влада се повлече од продажбата на големите хидроцентрали.
По големиот притисок на јавноста и критиките од Светска банка за моделот на продажба на ЕСМ
Под притисок на јавноста, на медиумите и по опомените и предупредувањата на Светска банка, македонската Влада се повлече од продажбата на големите хидроцентрали. Дали Владата навистина ја прими пораката на јавноста и го смени својот тврд став сў уште не може со сигурност да се тврди, но некои укажувања одат во прилог на тоа дека Владата се пишмани во еден дел од приватизацијата. Ова вчера за “Утрински” го потврди и Весна Борозан, член на владината Комисија за преобразба на ЕСМ
МАЈА ТОМИЌ
Под притисок на јавноста, на медиумите и по опомените и предупредувањата на Светска банка, македонската Влада се повлече од продажбата на големите хидроцентрали. Дали Владата навистина ја прими пораката на јавноста и го смени својот тврд став сў уште не може со сигурност да се тврди, но некои укажувања одат во прилог на тоа дека Владата се пишмани во еден дел од приватизацијата. Ова вчера за “Утринскиии го потврди и Весна Борозан, член на владината Комисија за преобразба на ЕСМ
“Ставот на Владата околу приватизацијата на ЕСМ е дека нема да се продаваат големите хидроцентралите, ниту нивната опрема ниту водниот потенцијал. Значи, според Законот за концесии, по примерот на малите хидроцентрали, ќе се даваат под концесија за одреден период. Во сите натамошни активности околу приватизацијата на ЕСМ, ќе бидат заштитени интересите на потрошувачите и ќе биде заштитено домашното производство на енергија, од сите извори, а со Светска банка ќе се постигне разбирање по ова прашање. Делот од писмото на Светска банка кое е објавено во печатот не претставува и конечен став на Банката, туку е извадено од контекст на дискусиите во врска со подготовките на владината стратегија за приватизцаија на ЕСМ, што Светската банка бара да ја погледа кога ќе биде завршена на крајот на мартти, изјави д-р Весна Борозан, член на владината Комисија за преобразба на ЕСМ. Ова е прв пат Владата да го каже својот став за продажбата на хироцентралите, во пакет со другите делови на ЕСМ, кој веројатно е изменет поради низата притисоци во јавноста од медиумите и од експертите околу претстојаната продажба на нашиот електроенергетски систем.
Светска банка уште пред еден месец им испрати на неколку владини министри и на членовите на Комисијата за приватизација на ЕСМ писмо во кое ги дава своите сугестии околу претстојната приватизација на нашето “Електростопанствоои. Тие досега го чуваа во тајност предупредувањето и не се огласија во јавноста околу својот став во врска со писмото, за кое јавноста дозна преку медиумите. Напротив, спротивно на транспарентноста која Владата ја пропагира во последниве денови, во што спаѓаше и средбата со сите главни и одговорни уредници на печатените и на електронските медиуми, целосно се затворија владините извори за какви било информации околу препораките на Светска банка. Без коментар за содржината на писмото вчера беа одговорните во Министерството за финансии, за економија, како и првиот човек на владината Комисија за приватизација на ЕСМ, кои ја префрлуваа топката едни на други околу тоа во чија надлежност е давањето информација за препораките на Светска банка.
Инаку, банката сугерира дека Македонија не треба да ги продава хидроцентралите, а термоцентралите и дистрибутивната мрежа треба да се продадат, не на еден, туку на неколку странски компании. Но, пред сў, за да се оствари тоа, потребно е да се изврши реструктурирање на компанијата и обезбедување услови за либерализација на пазарот на електрична енергија. Од оваа финансиска институција го критикуваат избраниот модел за приватизацијата на ЕСМ, компанијата да се продава во еден пакет, и сугерираат дека е потребно идната сопственичка структура на “Електростопанствоои да се формира зависно од сигналите на пазарот. Од банката бараат во сите натамошни активности да бидат вклучени како консултанти.
Во писмото, потпишано од Сандра Блуменкамп, претставничка на Светска банка во Македонија, стои дека хидроецентралите треба да останат во рацете на државата, за да може потрошувачите да имаат сигурност и поволности од користењето на евтина електрична енергија. Исто така, задржувањето на државната сопственост врз хидроцентралите ќе значи дека ќе може да се балансира цената на струјата и ќе се избегне опасноста од нејзино постојано зголемување.
Светска банка, всушност, ги поткрепува стравувањата кои ги искажаа многу домашни експерти дека продажбата на хидроцентралите ќе биде голема грешка за државата. Бидејќи, во недостиг од прецизна законска регулатива, странец ќе раководи со водите на сите наши вештачки и природни езера, кои се сега под режим на користење и во надлежност на ЕСМ. Според енергетските експерти, хидроцентралите се објекти кои временски и технолошки не застаруваат и за нив е евтино редовното одржување. Нивната ревитализација е неопходна на секои 30-ина години, а долгиот век го овозможува токму водата, како природен, обновлив ресурс. Производствената цена на еден киловат-час електрична енергија од една хидроцентрала е најниска, додека продажната цена на таа енергија е највисока, што значи дека не се прават загуби во производството, односно дека хидроцентралите се најпрофитабилни енергетски капацитети, сметаат стручњаците.
Писмото на Светска банка е адресирано до министерот за економија, Фатмир Бесими, до министерот за финансии, Никола Поповски, до Никола Черепналковски, претседателот на Комисијата за приватизација на ЕСМ и до нејзините членови, како и до неколку други членови вклучени во проектот за приватизација на ЕСМ, кои досега не ја известија јавноста за препораките на Светска банка. Повеќето од нив вчера не сакаа да дадат каков било коментар околу содржините на писмото.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
„Никогаш нема да ја заборавам бабата која стои, чека и го повторува името на внуката“: Мајорката која меѓу првите влезе во „Рибникар“
„Траума што се уште ја минувам и денес“, „Сигурна сум дека добро ќе се сеќаваме на тој кобен 3-ти мај, бидејќи тоа е колективна траума и моја лична траума што ја доживеав и ја преживувам до ден-денес. Сакам да живеам во убедување дека такво нешто никогаш повеќе нема да се повтори“, вели полициската мајорка Бојана Отовиќ Пјановиќ во пресрет на годишнината од масакрот во основното училиште „Владислав Рибникар“.
Таа беше меѓу првите кои стапнаа на местото на трагедијата на 3 мај минатата година – во зградата на основното училиште „Владислав Рибникар“, каде неколку минути претходно беа убиени девет ученици и еден чувар.
Како што раскажа, тој кобен 3 мај започнал со секојдневни работни активности. Таа била на работното место кога добиле информација дека во училиштето „Владислав Рибникар“ се пука.
„Веднаш излеговме на местото на настанот“, изјави полициската мајорка.
Била убедена дека се работи за лажна пријава, не сакала да прифати дека такво нешто се случило на училиште.
– На пат кон училиштето веќе добивме официјална информација дека се случил масакр како што се случил и дека неколку ученици се повредени и ги загубиле животите, бидејќи и момчето масовен убиец сам се пријавило во полиција, велејќи дека го направил она што го направил – додава таа и истакнува дека се обидува да ги заборави сликите и сцената што ја затекнала при влегувањето во училиштето.
„Бабата стои, чека и го повторува името на нејзината внука, многу и е тешко да зборува за сето ова“, раскажува таа.
– Најзапаметена слика за мене беше, претпоставувам дека тоа беше токму моментот кога дојдов на местото на настанот со моите колеги, баба која стои, чека и го повторува името на нејзината внука – се присетува мајорката.
Како што раскажува сите се надевале и мислеле дека е невозможно 13-годишно дете да направи нешто толку страшно во основно училиште.
„Сите очекувавме дека тоа ќе биде некаква дезинформација. Како и да е, влегувајќи во училиштето, наидувам на сцена која се обидувам да ја заборавам, но никогаш нема. Понатаму, да не зборувам, во училницата каде што беше одделението седмо два, страшна сцена“, вели Отовиќ Пјановиќ.
Како што наведува, сигурна е дека „многумина се уште бараат одговор на прашањето – „Зошто?“.
„Сигурна сум дека многумина од нас сè уште бараат одговор на прашањето зошто и што е тоа што требаше некаде да ни биде евидентно, за ние како училишни работници и како родители да забележиме дека нешто треба да се направи со цел ова да се спречи“, заклучува таа.
Денеска се одбележува првата годишнина од масакрот во основното училиште „Владислав Рибникар“ во Белград.
Цвеќиња и запалени свеќи се оставени на посебно плато пред училиштето каде се поставени фотографии и имиња на убиените деца и чувари на основното училиште „Владислав Рибникар“.
Според тамошните медиуми родителите по пристигнувањето на местото на настанот се прегрнале.
Во 08:41 часот пред училиштето една минута се слушаа сирени.
Сите програми во Србија беа прекинати една минута во 08:41 часот. Црн екран и порака: „3 и 4 мај. Се сеќаваме“.
Во паркот Ташмајдан, местото каде што пораснаа убиените деца и кое беше нивното омилено место за играње, беше поставен видео бим на кој се прикажуваат фотографии од жртвите.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.
Свет
Кејт Мидлтон миленичка на британската јавност: по популарноста го надмина и принцот Вилијам
Последната анкета на јавното мислење во Велика Британија, објавена денеска, покажа дека принцезата од Велс, Кејт Мидлтон го надмина принцот Вилијам по популарност.
Во истражувањето спроведено од агенцијата за истражување на јавното мислење „Savante for the Independent“, Кејт (42), која моментално се лекува од неодреден облик на рак, ја поддржуваат 62 отсто од испитаниците, додека принцот од Велс (41) е фаворизиран од 61 отсто од британските испитаници.
Принцот Ендру (64), по дружењето со осудениот педофил Џефри Епштајн, е избран за најмалку омилен член на кралското семејство – го поддржуваат само 14 отсто од испитаниците.
Принцот Хари и Меган Маркл, исто така се соочуваат со недостаток на популарност. Хари (39) го поддржуваат само 29 отсто од испитаниците, додека неговата сопруга Меган (42) е уште помалку популарна со само 25 отсто поддршка од испитаниците, пренесува Танјуг.