Свет
Хаос во Иран
Иранските безбедносни служби ги апсат лидерите на опозицијата по неделните насилни протести во повеќето ирански градови каде десетици илјади граѓани протестирале против режимот на претседателот Ахмадинеџад, пренесува BBC
Протестите на иранската опозиција ја доживеаја кулминацијата во ендела на седмиот ден од жалост апо починатиот најголем дисидент ајатолахот Хосни Али Монтазери. Прво минатиот понеделник при погребот во светиот град Ком дојде до судири меѓу присутните почитувачи на Монтазери и полицијата што го обезбедуваше овој настан, а потоа незадоволството и протестите добиваа на интензитет и се претворија во масовни протести против актуелниот претседател Махмуд Ахмадинеџад. Опозицијата предводена од нејзиниот лидер Мирхосеин Мусави и во јуни масовно протестираше тврдејќи дека тогаш Ахмадинеџад ги фалсификувал изборните резултат во полза на сопствениот реизбор на претседателската функција. големи протест. И во јуни судирите меѓу демонстрантите и партиските милиции, полицијата и елитната гарда Чувари на исламската револуција беа жестоките и со жртви, но се стивнаа откако најголемите верски авторитети во Иран, му ја дадоа поддршката на Ахмадинеџад. Тогаш во неразјаснети околности беше убиена од огнено оружје, студентката по музика Неда Ага Солтан, која стана симбол на опозицискиот отпор во Иран.Забрането информирањеВо неделата според различни извори, убиени се меѓу осум и 15 демонстранти. Меѓу убиените е и внукот на Мусави, Сејед Али Мусави, чиј брат Сејед Реза Мусави ги обвини иранските служби дека го украле телото на брат му за спречат да се органзизра негов закоп кој може да биде иницијална каписла за нови жестоки демонстрации. Интернетските страници на опозицијата, Rahasabz, Narooz и Jaras пренесуваат дека во ноќта кон понеделник, иранската полиција го уапсила поранешниот ирански министер за надворешни работи, Ибрахим Јазди, лидер на Движењето за ослободување на Иран. „Иранските сили за безбедност го уапсиле Јазди во 3 часот наутро во неговиот дом и го одвеле во непознат правец“, пишувало на страницата Rahasabz, пренесуваат западните агенции.Associated Press се повикува на друг опозициски извори и пренесува дека бил уапсен и еден од најавторитетните ирански поборници за човекови права, Емад Баги. Порталите пренесуваат дека на улиците од повеќето ирански градови полицијата се обидува со солзавец да ги растера насобраните толпи народ. Но ваквите информации не можат да бидат потврдени од независни извори, бидејќи иранските власти ја ограничија работата на странските дописништва и не дозволуваат известување на странските новинари. Единствени контакти со свето за Иранците се опозициските интернет страници кои исто така може да бидат наскоро блокирани, пишуваат западните медиуми. Опозицијата обвинува за монтирани судски процесиВо септември беа организирани судења на неколку групи од околу стотина демонстранти, и тоа беа досега најголемите процеси кои се воделе во Исламската република Иран. Меѓу обвинетите за подривање на уставниот поредок и соработка со непријателска пропагнада, се наоѓаа и поранешни високи фунцкионери, како на пример поранешниот потрпетседател на државата Мохамад Али Абтахи. Лицата беа обвинети за незаконско демонстрирање, напади на воени и владини згради, поврзаност со вооружени опозициски групи и заговор против режимот. За овој процес можеа да информираат само државните медиуми кои се под силна контрола на власта. А како што известија тие, повеќето обвиенти ги признале делата. Абтахи наводно изјавил дека и’ наштетил на државата со оспорувањето на изборните резултати според кои Ахмадинеџад уверливо победил и дека опозицискиот противкандидат Мирхосеин Мусави и поранешните претседатели Мохамад Катами и Али Акбар Рафсанџани ги организирале протестите.Тројцата опозициски лидери и набљудувачите го отфрлија ваквото признание на Абтахи и сметаа дека тоа е лажирано или изнудено со присила. Според нов, овие монтирани процеси се само доказ дека режимот се соочува со незадоволство на граѓаните. Обвинетите инаку минаа неколку седмици во притвор без можност да се сретнат со нивните адвокати. Опозицијата тврди дека тие изгледале многу лошо и смета дека врз нив е вршена психичка и физичка тортура.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Вучиќ хит во Кина: 300 милиони луѓе го гледале интервјуто на претседателот на Србија за кинеската телевизија
300 милиони луѓе го гледале интервјуто на српскиот претседател Александар Вучиќ за кинески CCTV.
Вучиќ во интервјуто посочи дека Србија може и треба да научи, како што наведе, „илјада работи од своите кинески пријатели“.
– Правиме големи подготовки за ЕКСПО. Кога управувате со земја имате високи цели. Секогаш мора да ги ставате новите цели на прво место. Ако сакаме да го постигнеме тоа, најдобар можен партнер за тоа отсекогаш била, и секогаш ќе биде, Народна Република Кина. Тука е и претседателот Кси, бидејќи тој секогаш го држи зборот. Го гледам како обичен, скромен човек, кога ќе вети нешто, го исполнува. Не можам да ви кажам дали имаме големи работи во железничкиот сектор, целокупната инфраструктура или индустрискиот сектор, економијата, туризмот, културата, но секако има илјадници работи што можеме и мораме да ги научиме од нашите кинески пријатели – рече Вучиќ во интервјуто за кинеската телевизија.
Свет
Едно лице е тешко повредено во експлозија во зграда во Турција
Едно лице е тешко повредено во експлозија во станбена зграда во турскиот град Текирдаг, во северозападна Турција.
Засега не е познато што ја предизвикало експлозијата во станот на последниот кат од петкатницата, а како што неофицијално дознава телевизијата ТРТ, најверојатно е дека експлодирала плинска боца.
Од силината на експлозијата оштетени се ѕидовите во станот, а искршени се прозорците.
Регион
Данка денес ќе правеше две години: тажната судбина на девојчето за кое плачеше цел регион
Малата Данка Илиќ, денеска, 6 мај, ќе наполнеше две години.
Пред точно 40 дена исчезна Данка.
Тогаш за прв пат се активираше системот „Најди ме“ и започна потрагата. Покрај полицијата се вклучија и луѓе, па веќе првата вечер по девојчето трагаа повеќе од 100 луѓе. По неа трагаа жителите на Бањско поле, соседи, пријатели, противпожарна единица, како и припадници на Планинарската спасувачка служба и полицијата. Кучиња трагачи беа на пат, беспилотни летала летаа над теренот, вклучени беа хеликоптери, а теренот беше дури и прегледан со термални камери.
Мештаните тој ден рекоа дека околу куќата на Илиќ имало неколку дупки длабоки меѓу еден и два метри и дека се наполниле со подземна вода. Сите беа загрижени дека девојчето залутало и паднало со едно од нив.
Единиците на полицијата во раните утрински часови го пребараа теренот, а потрагата се уште беше отежната поради силниот дожд.
Неколку дена подоцна беше откриено дека Данка Илиќ е убиена. Осомничени за делото се Срѓан Јанковиќ (50) од село Лука и Дејан Драгијевиќ (50) од Злот, работници на Бор „Водовод“ кои се уште не ја откриваат локацијата на која го пренеле телото на девојчето од дивината. Во притвор е и таткото на Драгијевиќ, Радослав (73), осомничен дека му помагал на синот да го премести телото на девојчето. Под истрага бил и најмладиот Драгијевиќ – Далибор (40). Но, тој почина на 7 април во притвор на полицијата на Бор.