Свет
„Стопанска банка“ лани заработила колку една пекарница
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-3064.jpeg)
„Стопанска банка Скопје“, најголемата банка во земјава, лани остварила само 5 милиони денари (80.650 евра) добивка од своето работење.
„Стопанска банка Скопје“, најголемата банка во земјава, лани остварила само 5 милиони денари (80.650 евра) добивка од своето работење. Толкава добивка во едногодишно работење остварува една пекарница, покажуваат официјалните податоци од билансот на успехот на банката, која е членка на банкарската групација на „Националната банка на Грција“ (НБГ).
За споредба, „Комерцијална банка Скопје“ прикажа добивка од 11,8 милиони евра, „Стопанска банка Битола“ 3,3 милиони евра и „Охридска банка Охрид“ – 1,64 милиони евра.
Според официјалните податоци, банката лани загубила 14,25 милиони евра од кредитите што ги пласирала, а не можела да ги наплати. Дури 10 милиони евра, или две третини, од ненаплатливите побарувања на банката се од втората половина на годината, а 4,3 милиони евра се прикажани како ненаплатливи во првата половина на годината.
Банката лани во кредити пласирала 15,7 милијарди денари, или 4 милијарди повеќе од 2003 година. Во билансот пишува дека банката ја зголемила и својата актива за 2,1 милијарди денари во однос на 2003 година и дека од продажба на сопствен имот лани заработила околу 100 милиони денари повеќе од 2003 година. На страната на обврските нема забележителни задолжувања во однос на 2003 година, а кај обврските по кредити банката успеала да ги намали своите обврски за 350 милиони денари.
Оваа банка и лани прикажала добивка од 4,5 милиони денари (околу 80.000 евра).
За аналитичарите е чудно зошто банката, и покрај тоа што бележи позитивни резултати, не успеала да оствари поголема добивка во минатата година.
„Време“ безуспешно се обиде да стапи во контакт и да побара објаснување од раководните лица на банката и од надлежните од Народната банка на Македонија, која законски е надлежна да ја контролира работата на деловните банки во земјава.
Н.С.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Вучиќ: Курти не сака дијалог, сака де јуре признавање
![](https://makfax.com.mk/wp-content/uploads/2020/03/vucik.png)
Претседателот на Србија, Александар Вучиќ денеска изјави дека продолжувањето на дијалогот со Приштина во Брисел не се случило бидејќи косовскиот премиер Албин Курти „не сака дијалог“.
Вучиќ оцени дека вчерашното непродолжување на дијалогот во Брисел е последица на желбата на Приштина за „де јуре признавање“.
„Дијалог не се одржа бидејќи тие не сакаат дијалог. Сакаа де јуре, не де факто туку де јуре признавање. Ова е она што тие го бараа. Сакавме да разговараме за компромиси за решавање на проблемите, но знаев и претходно дека не се подготвени за тоа“, изјави Вучиќ.
Тој додаде дека не верува оти „сериозен дијалог“ може да продолжи „во блиска иднина“.
„Секогаш ќе треба да најдете начин да разговарате со некого. Подготвени сме да разговараме, но не гледам можност за сериозно продолжување на дијалогот во блиска иднина“, рече Вучиќ.
Свет
Медведев: Конфискацијата на рускиот имот е причина за објавување војна
![](https://makfax.com.mk/wp-content/uploads/2024/06/677z381_677z381_14-665b2c2cd87c9.jpg)
Заменик-претседателот на Советот за безбедност на Русија, Дмитриј Медведев, денеска ја повика меѓународната заедница да не поддржува конфискација на руски имот во корист на Украина, за да се избегнат обвинувањата за соучесништво.
Според него, кога се запленува имот, Русија има право на „колективна самоодбрана“.
„Кражбата на државен имот, под одредени услови, генерално може да се оквалификува како агресија, па дури и да стане причина за објавување војна“, рече Медведев на пленарната седница на Меѓународниот правен форум во Санкт Петербург (СПБИЛФ).
Тој ги повика сите одговорни членови на меѓународната заедница да се изјаснат против „флагрантното кршење на меѓународното право“ и да се воздржат од „поддршка и признавање на таквите злосторства“, пренесува „Комерсант“.
Медведев истакна дека Русија „во секој случај ќе биде принудена да преземе одмазднички мерки во согласност со принципот на реципроцитет“.
Тој, исто така, истакна дека е неопходно да се пресмета вистинската штета што западните санкции и ја нанесоа на руската економија, нејзините граѓани и бизниси, како и изгубениот профит од ограничувањата на економската активност.
„Законот мора да биде непомирлив во такви случаи и да бара недвосмислено отфрлање на политиката на мешање во внатрешните работи на другите земји преку санкции. Во спротивно, ниту една личност, ниту една компанија, ниту една земја нема да може да се чувствува вистински заштитена“, рече Медведев.
Тој оцени дека современиот свет и правниот систем воспоставен во него радикално се разликуваат од претходните и дека „дошле до точка од која нема враќање“.
„Нашата заедничка цел е да направиме се за да најдеме основа за решавање на противречностите што ескалираа до крај“, додаде тој.
Медведев објасни дека понекогаш намерно дава „песимистички или апокалиптични“ изјави, бидејќи, како што наведе, се обидува да привлече внимание на тешката ситуација во светот.
„Често зборувам за разни проблеми и понекогаш слушам поплаки дека изгледа песимистички или дури апокалиптично, само сакам сите да размислуваат за тоа што се случува во светот. Се случуваат сосема невидени работи. Да не зборуваме за тоа, како што знаете, песимист е добро информиран оптимист“, рече Медведев.
Регион
Невреме и обилни врнежи во Србија: пет воспитувачки евакуирани од градинка, во Суботица избувнал пожар по удар на гром
![](https://makfax.com.mk/wp-content/uploads/2024/06/Screenshot-2024-06-27-202530.jpg)
Припадници на Секторот за вонредни состојби при две интервенции евакуирале 10 лица поради невреме и обилни врнежи во Србија.
Како што е наведено во соопштението на српската полиција, пет воспитувачки биле евакуирани од градинка.
Во соопштението се наведува дека 57 пожарникари-спасувачи со 26 возила и 12 пумпи биле ангажирани во 11 операции за испумпување на вода во Врање, Лесковац и Мионица и во гаснење пожари по удар на гром во Суботица и Врање.
Пожарникарите-спасувачи им помагаат на граѓаните и во отстранувањето на паднатите дрвја во Заечар, Књажевац, Ужице, Чачак и Лесковац, како и отстранување на делови од лимени покривни конструкции пишуваат српските медиуми.
„Во моментов службените лица се ангажирани во Лесковац за отстранување на паднато дрво зад Центарот за култура, како и во Лазаревац за отстранување на паднатите дрвја и за испумпување на вода од домаќинствата во Лазаревац и Крушевац“, се наведува во соопштението.