Спорт
Македонија против Англија на стартот на ЕП до 16 години
Денеска во просториите на Општина Струмица, кошаркарската репрезентација на Македонија до 16 години одржа прес-конференција по повод стартот на ЕП за кадети.
Денеска во просториите на Општина Струмица, кошаркарската репрезентација на Македонија до 16 години одржа прес-конференција по повод стартот на ЕП за кадети.На собирот за медиумите присуствуваа селекторот Игор Михајловски, капитенот Мартин Крстевски и неговиот соиграч Гери Шивачев, шефот на делегацијата Драго Јанков, генералниот секретар на МКФ Дејан Лекиќ, градоначалникот на Општина Струмица Зоран Заев и други претставници од локалната управа.Сите заедно јавно го искажаа задоволството што Струмица доби можност да биде домаќин на вакво големо кошаркарско натпреварување и додека организаторите потенцираа на техничките подготовки, репрезентативците ветија максимална пожртвуваност и надеж дека ќе можат да ја израдуваат домашната публика.„Пред сé би сакал да се заблагодарам на сите луѓе од Струмица кои ни дадоа максимална поддршка во реализацијата на овој голем проект“, изјави Дејан Лекиќ. „Една голема група квалитетни луѓе работеше подолго време за Македонија и Струмица да се претстават како што доликува, како одличен домаќин на ова мега-првенство со 22 екипи“, појасни генералниот секретар на МКФ.Селекторот Михајловски заедно со двајцата играчи потенцираше на квалитетот на шампионатот и важноста да се влезе максимално во секој дуел.„Имавме навистина силни подготовки кои ги почнавме со базични тренинзи и во кои одигравме 10 пријателски натпревари. Овој шампионат е многу важен за нашите момци, важен е и резултатот, но уште поважно е искуството кое ќе го стекнат, а немале шанса да го направат тоа досега. Поради неискуството на нашиот тим можам ќе кажам дека во сите средби мораме да влеземе максимално и не смееме да потцениме никого. А резултати можат да дојдат затоа што знам дека имаме квалитетни и многу потенцијални играчи“, меѓу другото кажа селекторот.Европското првенство во Струмица почнува во четврток, а за среда закажано е свечено отворање на шампионатот на плоштадот во градот. На церемонијата ќе присуствуваат сите преку 500 учесници на најголемото првенство во младинските категории во историјата на ФИБА Европа. Првата средба, која ќе биде многу важна за Македонија и за самодовербата на играчите, закажана е за 28 јули во 19 часот. Македонија ќе игра на отворањето против селекцијата на Англија./крај/МКФ/м.н.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Финалето во ЛЕ во 2028 во Белград – Србија со Албанија сака да биде домаќин на ЕП за играчи до 21 година
Во Белград, денска звечено беше означен почетокот на изградбата на Националниот стадион. Претседателот на Србија, Александар Вучиќ, објави дека овој стадион, за четири годони ќе биде домаќин на финалниот натпревар во Лигата Европа.
„Финалето на Лига Европа ќе се игра во 2028 година на Националниот стадион, еве ви информација“, изјави Вучиќ.
Тој најави дека стадионот ќе биде готов за две години.
Националниот фудбалски стадион ќе има околу 52.000 седишта и ќе биде изграден според сите стандарди на УЕФА. Стадионот ќе биде изграден според архитектонскиот проект на Марк Фенвик.
Вучиќ истакна дека Србија со изградбата на Националниот стадион би можела да аплицира со Унгарија за организација на Олимписките игри.
„Ќе продолжиме да ја развиваме инфраструктурата, а планираме во иднина ние и Унгарија да аплицираме за Олимписките игри. Исто така со Албанија можеме да се кандидираме за организација на Европското првенство за фудбалери до 21 година, отворањето кај нив, затворањето кај нас“, рече Вучиќ.
Спорт
ПСЖ гостува на „Вестфален“
Фудбалерите на Борусија Дортмунд и ПСЖ, вечерва на „Вестфален“, ќе го одиграат првиот полуфинален натпревар во Лигата на шампионите.
Борусија ги елиминираше ПСВ Ајндховен и Атлетико Мадрид до полуфиналето во нокаут фазата, од друга страна, ПСЖ прво го елиминираше Реал Сосиедад во осминафиналето, а потоа и во четвртфиналето и Барселона, откако загуби со 3:2 во Париз, „светците“ славеа со 4:1 во реваншот.
Интересно е што оваа сезона Борусија и ПСЖ играа и во групната фаза од Лигата на шампионите. Во Дортмунд беше 1:1, а во Париз победи ПСЖ со 2:0.
ПСЖ, по четири години повторно е во полуфиналето. Во 2020 година (корона сезоната), стигна до финалето на турнирот кој се одигра во Лисабон. Во финалето загубија од Баерн со голот на Кингси Коман.
Бурусија, пласман меѓу најдобрите четири чекаше уште од времето на Јирген Клоп. Во 2013 година „милионерите“ дојдоа до финалето, но и тие како и ПСЖ седум години подцна беа поразени од Баерн.
Натпреварот започнува во 21 часот, а првиот дуел помеѓу Борусија и ПСЖ вечерва ќе го суди англискиот судија Ентони Тејлор.
Спорт
Модриќ урна рекорд стар 60 години
Со синоќешниот настап во полуфиналето против Баерн во Минхен, Лука Модриќ влезе во историјата на Реал.
Модриќ против Баерн урна рекорд стар 60 години. Со 38 години и 234 дена, тој стана најстариот играч што одиграл натпревар во дресот на Реал, во Лигата на шампионите или Купот на шампионите.
Досега рекордот го држеше легендарниот Ференц Пушкаш, кој настапи за „Кралскиот клуб“ во ноември 1965 година, исто така во ремито 2:2 на гостувањето кај Килмарнок, со 38 години и 229 дена.
Хрватскиот играч за врска против Баерн го забележа својот 126. настап во Лигата на шампионите и се наоѓа на 16. место на вечната листа. Во историјата на Реал повеќе натпревари од него во Лигата на шампионите одиграле Серхио Рамос (129), Раул (130), Карим Бензема (133) и Икер Касиљас (150).
Модриќ, синоќа го забележа 17. настап во полуфиналето на Лигата на шампионите. Во историјата на Лигата на шампионите повеќе настапи од него во оваа фаза од натпреварувањето имаат само Бензема (18), Тони Крос (19) и Кристијано Роналдо (21).