Домашен
СЕХА: Вардар ќе се бори за третата титула
– фото seha-liga.com
Вардар ќе му се спротивстави на Веспрем во СЕХА финалето, откако во второто полуфинале на завршниот турнир во Вараждин, славеше над ППД Загреб 26:24 (12:10). Полуфиналето кои донесе голема борба на двата тима, го обележа катастрфалното арбитража на словачките судии.
Вардар ќе му се спротивстави на Веспрем во СЕХА финалето, откако во второто полуфинале на завршниот турнир во Вараждин, славеше над ППД Загреб 26:24 (12:10). Полуфиналето кои донесе голема борба на двата тима, го обележа катастрфалното арбитража на словачките судии.
Вардар, во Вараждин покажа карактер, па ниту катастрофалната арбитража на словачката двојка и притисокот од клупата на Загреб во последната минута и заслужено го совлада хрватскиот шампион.
Тимот на Раул Гонзалес, в недела, против Веспрем ќе се бори за својата трета титула во СЕХА конкуренцијата, откако претходно беше најдобар во 2012 и 2014 година.
Вардаровата одбрана на почетокот ги примора ракометарите на Загреб индивидуално да ги завршуваат нападите и таквата игра го остави Загреб без гол цели 12 минути, а Вардар стигна до предност 4:1 во 15-та минута.
Загреб успеа да воспостави контрола, во наредниите четири минути стигна до гол негатива (5:6), но до крајот на првиот дел „црвено црните“ беа тие кои ја одржуваа преднотста од два гола.
Почетните седум минути од второто полувреме беа единствениот лош период во играта на Вардар. Загреб со серија 2:6, стигна до највисоката предност на мечот (14:16). Гонзалес потоа ја смни одбраната на 5-1 со Дибиров како „индијанец“, Вардар ја стабилизира играта ја врати предноста на своја страна, а со голот на Шишкарев во 52-та минута поведе 23:20 и го трасираше патот кон финалето.
Потоа, ниту комедијата која во последната минута ја предизвикаа словачките судии не ги спречи играчите на Вардар да се пласираат во финалето.
Манасков постигна шест голови (5/5 од седум метри), а идентичен учинок на спротивната страна имаше Хорват. Шутерски кај Вардар уште се искакнаа Душебаев со пет, Циндриќ со четири, односно Горбок и Карачиќ кои постигнаа по три гола.
Финалниот меч (недела, 19 часот) Вардар-Веспрем ќе биде своевидна увертира пред четврфиналниот двомеч на двата тима во игата на шампионите. крај/мф/нц
Извор: макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.