Свет
Турција најави иницијатива за решение на кризата во Сирија
Турскиот премиер Реџеп Таип Ердоган во вторникот изјави дека неговата земја подготвува иницијатива за решавање на кризата во Сирија, по пропаѓањето на резолуцијата којашто пред Советот за безбедност на Обединетите нации ја блокираа Русија и Кина.
Турскиот премиер Реџеп Таип Ердоган во вторникот изјави дека неговата земја подготвува иницијатива за решавање на кризата во Сирија, по пропаѓањето на резолуцијата којашто пред Советот за безбедност на Обединетите нации ја блокираа Русија и Кина. „Ќе покренеме нова инцијатива со оние земји кои стојат зад сирискиот народ, а против режимот. Не смееме да молчиме за случувањата со Сирија и не смееме да му го вртиме грбот на сирискиот народ“, изјавил во турската престолнина Анкара, премиерот Реџеп Таип Ердоган. пренесува Today’s Zaman.Ердоган притоа додал дека Турција ќе ги употреби дипломатските канали за да го сврти вниманието на случувањата во Сирија, но не изнел детали за новата иницијатива на неговата земја во врска со 11-месечните судири во соседната држава. Ердоган без директно да ги споменува Русија и Кина изјавил дека земјите кои со Сирија „си играат како со пион во игрите на големите сили и самите ќе бидат испрскани со крв“„Ветото на резолуцијата му даде на претседателот Ал-Асад дозвола да убива“, истакнал Ердоган.Турскиот премиер изјавил дека сирискиот претседател Башар ал-Асад „ги следи стапките на неговиот татко, Хафез ал-Асад, со користење на насилство против својот народ“, нагласувајќи дека сирискиот претседател „сигурно ќе плати за последните масакри во Хомс“, каде што викендов загинаа речиси 300 луѓе, говорејќи во вторникот на состанокот на парламентарна група на неговата Партија на правдата и развојот (АКП), пишува електронското издание на Today’s Zaman.Анкара отворено изрази загриженост во неделата поради блокирањето на резолуцијата со којашто се бараше отстапување од власта на претседателот Башар ал-Асад за да се спречи крвопролевањето во Сирија и да се извршат политички реформи. За Русија и Кина предлог текстот на резолуцијата претставуваше еднострана осуда само на властите во Дамаск без да се споменат нападите од страна на противниците на актуелната сириска власт, како и поттикнување на граѓанска војна. За состојбата во Сирија, во среда во Вашингтон ќе разговараат турскиот министер за надворешни работи Ахмед Давутоглу и американската државна секретарка Хилари Клинтон. На почетокот од безредијата во Сирија, Турција се трудеше да се претстави како воздржана и од ал-Асад бараше да го прекине прогонот на опозицијата и да спроведе демократски реформи. Подоцна Анкара го заостри тонот и воведе санкции кон Сирија./крај/тз/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Мачна сторија: 98-годишна Украинка пеш, во влечки побегнала од фронтот во Доњецк за да се најде со семејството
Лидија Ломиковска (98) се споила со семејството неколку дена откако избегала од украинскиот фронт, поради што пешачела 10 километри во влечки.
98-годишната жена која побегнала од територијата во Украина окупирана од Русија користејќи стап, само во влечки, и повторно се споила со своето семејство неколку дена откако биле разделени додека бегале на безбедно.
Лидија и нејзиното семејство одлучиле да го напуштат градот Очеретине, во источниот регион на Доњецк, откако руските војници влегле во него минатата недела и борбите се интензивирале.
– Се разбудив опкружен со пукотници, беше толку страшно – изјави Ломиковска во видео интервјуто што го објави полицијата во Доњецк.
Таа беше разделена од синот и снаите, од кои и едната беше повредена од шрапнел неколку дена претходно. Помладите членови на семејството тргнале по споредни патишта, но Лидија сакала да остане на главниот пат.
Со бастун во едната рака и парче дрво во другата, Ломиковска цел ден пешачела без храна и вода за да стигне до украинските линии.
Ломиковска рече дека два пати паднала и дека понекогаш морала да застане за да се одмори, а во еден момент дури и задремала пред да го продолжи патувањето.
– Еднаш изгубив рамнотежа и паднав во тревата. Заспав малку и продолжив да одам. И тогаш, по втор пат, пак паднав, но потоа станав и помислив, морам да одам, малку по малку – рече Ломиковска.
Павло Дјаченко, портпарол на полицијата, изјави дека украинските војници ја забележале Ломиковска како оди по патот во вечерните часови. Тие ја предале на „Белите ангели“, полициска група која ги евакуира граѓаните кои живеат на линијата на фронтот, кои ја однеле во прифатилиште за евакуирани и контактирале со нејзините роднини.
Ломиковска вели дека ја преживеала Втората светска војна.
– И јас морав да ја поминам оваа војна и на крајот останав без ништо – рече таа и додаде: – Таа војна не беше како оваа. Ниту една куќа не изгоре. Но, сега се гори – му рекла таа на својот спасител.
Извршниот директор на една од најголемите украински банки во вторникот на својот канал Телеграм објави дека банката ќе ѝ купи куќа за Ломиковска.
– Монобанк на Лидија Степанивна ќе и купи куќа и таа безбедно ќе живее во неа додека не заврши војната – изјави Олех Хороховски.
A story of a 98-year old Lydia Stepanivna from #Ocheretyne in Donbas who walked 10 km to escape the hell of occupation.
– I survived WWII, but this war is worse. In WWII not a single house in our village burnt – and now there’s nothing left.#StandWithUkraine pic.twitter.com/20lMAXGWYI
— olexander scherba🇺🇦 (@olex_scherba) April 29, 2024
Свет
Полјачка на миса за Меди МекКан: „Јас сум Меди. Не сум лажга. Направете ДНК тест“
Родителите на Медлин МекКен вчера вечерта не беа на бдеењето одржано по повод 17-годишнината од исчезнувањето на девојчето. Меѓутоа, на богослужбата се појавила една млада Полјачка која тврди дека таа е киднапираната Меди.
Кејт и Гери МекКен испратија порака до присутните, која ја прочита пречесниот Роберт Гладстон: „Жал ни е што не можеме да бидеме со вас вечерва. Ви благодариме што се здруживте. Поминаа 17 години откако беше киднапирана. тешко е да се поверува дека помина толку долго време“.
На бдеењето присуствувала Џулија Вендел (22), која тврди дека таа е ккиднапираната Медлин. Во рацете држела писмо кое имала намера да им го предаде на родителите на киднапираното девојче. „Јас сум Медлин МекКен. Никогаш не престанав да верувам во тоа. Дојдов овде да ги замолам Кејт и Гери да направат ДНК тест”, рекла таа по мисата, а пренесува Дејли Мејл.
„Тие не направија ништо за да докажат дека не сум нивна ќерка. Не, не сум луда. Не сум лажгоа“, додала таа. Во селото Ротли се одржа бдение. Семејството МекКен и понатаму се надева дека нивната ќерка, која сега би имала 20 години, е сè уште жива.
Германската полиција, од друга страна, смета дека Меди е убиена и има намера да го обвини Кристијан Брукнер за злосторството. На осудениот педофил моментално му се суди за пет неповрзани силувања и сексуални престапи.
Во февруари минатата година, Џулија на социјалните мрежи објави под нејзиното корисничко име „@IamMadeleineMcCann“ дека таа е исчезнатото девојче. По ДНК анализата било утврдено дека таа на никаков начин не е поврзана со Медлин. Но, Џулија вчера инсистираше дека таа е Медлин МекКен и дека тоа ќе го докаже.
Свет
Русија распиша потерница по Зеленски, се огласи Украина
Украинското Министерство за надворешни работи соопшти дека издавањето налог за апсење од страна на Русија за претседателот Володимир Зеленски е „доказ за очајот на руската државна машина и пропаганда“, пишува „Украинска правда“.
„Руските извештаи за наводното додавање на украинскиот претседател Володимир Зеленски на потерницата на руското Министерство за внатрешни работи го покажуваат очајот на руската државна машина и пропаганда. Русите не знаат што друго да измислат за да привлечат внимание“, посочија Украинците. надвор.
„Ги потсетуваме сите дека, спротивно на безвредните руски најави, налогот на Меѓународниот кривичен суд за апсење на рускиот диктатор Владимир Путин под обвинение за воени злосторства е реален и спроведлив во 123 земји“, додаваат тие.
Русите не го прецизираа написот врз основа на кој е издаден налогот за апсење на украинскиот лидер. „Володимир Александрович Зеленски, 25 јануари 1978 година. Се бара според членот од Кривичниот законик“, стои во базата на податоци на веб-страницата на руското Министерство за внатрешни работи.
Базата на податоци го наведува и местото на раѓање на бараното лице, градот Кривиј Рих во регионот Дњепропетровск. Објавена е и фотографија од Зеленски, направена пред војната.