Спорт
Нани ќе го замени Роналдо
Манчестер Јунајтед загуби од Челзи во Комјунити шилдот на Англија на пенали, но во меѓувреме најави добра сезона без Роналдо
Иако Манчестер беше поразен од „Сините“ од Лондон на Вембли на пенали по одигрувањето во регуларниот дел кој заврши 2-2, позитивно за „Црвените ѓаволи“ е тоа што на истата средба Нани блескаше и докажа дека во оваа година неговата игра ќе биде далеку подобра за разлика од таа од лани.Неколку часа пред натпреварот Нани проговори за она што тој го очекува во пресрет на новата сезона.„Мислам само на оваа сезона. Минатото го заборавив. Сакам да бидам ’човекот’. Мислам дека треба уште многу да направам за да го покажам најдоброто од мене, бидејќи тоа се уште го немам сторено. Одиграв многу натпревари и направив некои добри работи, но потребно е да се подобрам. Сакам да стигнам до точката каде што ќе имам доверба од менаџерот, играчите и фанвоите. Знам дека многу луѓе ме споредуваат со Кристијано, но не го сакам тоа бидејќи сме различни фудбалери. Сакам луѓето да зборуваат за Нани наместо да кажуваат, ’погледнете го, направи го тоа како Роналдо’. Станав подобар фудбалер играјќи покрај него, но исто така учев од другите, од Сколс, додавањата од Гигс, интелегентни движења, и од Руни како да бидам подобар реализатор“, изјави Нани за Сандеј телеграф.Единствената темна точка за Нани е тоа што се повреди на средбата со Челзи и можеби нема да може да игра се до средината на септември.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јасикевичиус го сака Димитријевиќ во Фенербахче
Актуелниот МВП во ВТБ лигата, македонскиот репрезентативец, Ненад Димитријевиќ, од наредната сезона веројатно ќе игра во Евролигата.
Кошаркарот на Уникс, со просек од 19 поени по меч, 6,6 асистенции, 3,3 скока и 1,3 украдени топки го обележа регуларниот дел од сезоната во ВТБ лигата.
Според информациите на турските медиуми, Димитријевиќ е на мета Фенербахче. Тренерот Шарунас Јасикевичиус изразил желба да го види Димитријевиќ во својот тим. .
Фенербахче ќе направи реконструкција на плејмејкерската позиција, извесно е дека тимот ќе го напуштат Гркот Ник Калатес и Израелецот Јам Мадар.
Спорт
МЗТ загуби од Спартак Суботица
Фото/ Петр Стојановски/ АБА2
Кошаркарите на МЗТ го загубија првиот полуфинален натпревар во АБА 2 лигата. Вечерва во Скопје, МЗТ доживеа пораз од Спартак 73:78 (15:23, 16:12, 24:17, 18:26).
Лошата игра во првиот дел во кој му дозволија на гостинот апсолутна доминација во скокот го однесе МЗТ во пораз. Спартак, најдобриот тим во регуларниот дел од сезоната, преку скокот ја контролираше играта. Одличната секвенца на Војдан Стојановски во финишот на полувремето го доближи МЗТ на само четири поени негатива.
Американецот Гилион одлично го започна вториот дел, со седум поени во низа го врати МЗТ во водство. Се одлепи МЗТ на пет поени (55:50) во финишот на третиот период и тука застана.
Спартак предводен од Гордиќ стекна предност од 10 поени, предност која МЗТ успеа да ја преполови.
Војдан Стојановски со 20 поени, по три скока и асистенции и шест украдени топки го предводеше МЗТ. Двоцифрени беа и Делалиќ со 13, Танасковиќ со 12 и Гилион со 11 поени. Кај Спартак се истакна Гордиќ со 16 поени и шест асистенции.
Реваншот се игра за една недела во Суботица.
Спорт
Катастрофа за Милвоки се повреди и Лилард
Кошаркарот на Милвоки, Демијан Лилард заработил повреда на Ахиловата тетива, објавија сите НБА инсајдери.
Лилард играл последните недели и покрај проблемите со Ахиловата тетива, и ја влоши состојбата во последниот дел од третиот натпревар од првото коло од плеј-офот против Индијана.
Плејмејкерот на Милвоки мора да носи ортопедска чизма и под знак прашалник е за четвртиот меч (понеделник, 01.00 часот) во серијата во која Пејсерси водат со 2:1.
Бакс веќе играат без Јанис Адетокумбо, кој ќе ја пропушти првата рунда, а неговата сезона многу лесно може да заврши доколку Милвоки биде елиминиран.
Во првите три натпревари во плејофот, Лилард имаше просек од 32,3 поени и 5,7 асистенции по натпревар.