Свет
Војската на Гадафи се обиде да падне италијанска фрегата

Либиските власти потврдија дека се обиделе да ја нападнат италијанската фрегата „Берсалере“ која е вклучена во операцијата на НАТО и плови близу либискиот брег, јавуваат италијанските медиуми во четвртокот цитирајќи го портпаролот на владата во Триполи, Муса Ибрахим.
Либиските власти потврдија дека се обиделе да ја нападнат италијанската фрегата „Берсалере“ која е вклучена во операцијата на НАТО и плови близу либискиот брег, јавуваат италијанските медиуми во четвртокот цитирајќи го портпаролот на владата во Триполи, Муса Ибрахим.Претходно локалните медиуми објавија дека два километра од италијанскиот воен брод паднала ракета истрелана од либиската страна. Првично, министерот за одбрана на Италија, Игнацио Ла Руса, не ја исклучи можноста дека проектилот бил истрелан кон фрегатата,. Меѓутоа, малку подоцна денеска, тој целосно ја отфрли ваквата можност.„Апсолутно е погрешно да се смета дека Италија е цел на нападот, бидејќи дури и дете со кој и да е вид оружје не може да направи промашување од два километра“, изјави министерот Ла Руса.Сепак, малку подоцна во италијанските медиуми се појави потврда од либиските власти дека цел на нападот „Берсалере“.Според електронското издание на La Republicaa, портпаролот на режимот на либискиот лидер полковникот Моамер ал-Гадафи., Муса Ибрахим на новинарите во Триполи им изјавил дека ракетниот напад врз италијанскиот брод го извршиле либиските владини сили.„Нашата армија сé уште e многу силна. Ние сé уште не сме го употребиле сиот наш вистински воен потенцијал“, изјавил портпаролот Ибрахим.Конфликтот во Либија започна со масовни протести против режимот на Моамер ел-Гадафи во средината на февруари и ескалираше со вооружени судири на крајот на месецот. Советот за безбедност на Обединетите нации на 17-ти март донесе резолуција 1973 за затворање на воздушниот простор над од Либија за да се спречат воздушните удари врз бунтовничките позиции и цивилните жртви. Воената операција на коалиционите сили на западните земји против Либија почна 19-ти март.Раководењето на кампањата во Либија на 31-ти март целосно беше префрлена на командата на НАТО. Операцијата на Северноатлантската алијанса, која го доби кодното име „Обединет бранител“, е преземена за да се обезбеди ембаргото за оружје за Либија, зоната за забранети летови и да се осигурат мерките за заштита на цивилното население./крај/анса/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Дали знаете зошто папите не ги користат своите вистински имиња за време на службите

Американскиот кардинал Роберт Франсис Превост е избран за 69-ти поглавар на Католичката црква. Тој го избрал Лав XIV како свое папско име.
Но, дали всушност знаете зошто папите ги менуваат своите имиња кога се избрани? Станува збор за – традиција што трае веќе 470 години.
Иако не е задолжително да ги менуваат своите имиња, новоизбраните папи во повеќето случаи го земаат името на својот предок, изразувајќи ја со тоа својата желба да го следат нивниот пример. Овој преседан го постави првиот папа. Свети Петар чие родено име беше Симон. Новото име може да означува и „ново раѓање“ на почетокот на папството.
Со изборот на името Лав, новиот папа им се придружи на 13-те претходници кои го носеа истото име. Меѓу нив е и Лав XIII, познат по својот реформистички дух и неговата енциклика Rerum novarum од 1891 година, во која се нагласуваше човечкото достоинство и достоинството на работата. Свештеникот Кристофер Робинсон од Универзитетот ДеПол истакна дека ова е основата на современото социјално учење на Црквата. „Со изборот на името Лав XIV, тој ја покажува својата посветеност на општественото учење на Црквата кое го зацврстил Лав XIII“, рече свештеникот и експерт за Ватикан Томас Рис.
Папската историја изобилува со примери за такви симболични избори. На пример, папата Франциско, роден како Хорхе Марио Берголјо, го избрал своето име по Свети Франциск Асишки, „човек на сиромаштија, мир и љубов кон творението“, велејќи дека сонува за Црква „која е сиромашна и за сиромашните“.
Последниот папа со името Лав бил Лав XIII, чие вистинско име било Џоакино Винченцо Рафаеле Луиџи Печи.
Свет
Мексико го тужи Гугл за промена на името на Заливот во Американски Залив

Мексико го тужи интернет гигантот Гугл поради промената од Мексиканскиот Залив во Американскиот Залив на неговата услуга „Мапи“, изјави вчера мексиканската претседателка Клаудија Шајнбаум.
Претседателката го објави ова за време на нејзината дневна прес-конференција, но не сподели многу детали за тужбата. Гугл сè уште не го коментираше случајот.
Во февруари, Гугл го промени името на Мексиканскиот Залив во Американски за американските корисници на својата услуга „Мапс“ откако американската влада еднострано го преименуваше водно тело. Корисниците надвор од САД ќе ги видат обете имиња.
Европа
Илјадници протестираа во Словачка. „Фицо го помина Денот на победата со воен злосторник“

Неколку илјади демонстранти вчера излегоа на улиците на словачкиот главен град Братислава и други градови за да протестираат против посетата на премиерот Роберт Фицо на Москва.
Фицо присуствуваше на годишната руска воена парада по повод победата на Советскиот Сојуз над нацистичка Германија. Додека поголемиот дел од Европа ја одбележа годишнината завчера, Русија секогаш ја одржува својата парада на победата на 9 мај. Фицо беше единствениот лидер на земја-членка на Европската Унија што присуствуваше на настанот и беше критикуван за неговиот проруски став.
Најголемиот протест се одржа во Братислава. „9 мај е Ден на Европа, но не за секого. Роберт Фицо ќе го помине со воен злосторник“, објави организаторот на протестот на Фејсбук, алудирајќи на рускиот претседател Владимир Путин.
Шефицата на ЕУ, Каја Калас, исто така, остро го критикуваше патувањето на Фицо во Москва. „Секој што ја поддржува слободата, независноста и европските вредности треба да биде денес во Украина, а не во Москва. Фицо е на погрешната страна“, рече таа.
Словачкиот премиер го бранеше своето патување во пораки на Фејсбук до своите поддржувачи. Тој рече дека неговото патување е за да им оддаде почит на оние што загинаа за ослободувањето на Словачка од нацистичката власт.