Европа
Штајнмаер ја критикува непријателската политика на НАТО кон Русија
Германскиот министер за надворешни работи Франк-Валтер Штајнамер ја критикува непријателската политика на НАТО кон Русија, која ја оценува како политика која поттикнува на војна, во разговорот за неделниот издание на германскиот дневен весник Bild, додека Русија порачува дека ќе одговори симетрично на секое зголемување на Алијансата на Истокот.
„Денес не смееме да ја влошуваме ситуацијата со воени повици и ѕвечење со оружјето“, вели Франк-Валтер Штајнмаер, министер за надворешни работи од помалиот коалиционен партнер во германската влада – Социјалдемократската партија (SDP).
Во агенцискиот извештај на AFP се истакнува дека Штајнмаер е познат по умерените коментари во однос на Русија, и особено по тоа што го критикува распоредувањето на зајакнати единици на НАТО во близина на границите на Русија, што според него овој дел од европскиот континент го прави потенцијална цел на руските стратешки ракетни комплекси.
„Оној кој мисли дека безбедноста во Алијансата јакне благодарејќи на симболичните тенковски паради близу неговата источна граница, се залажува“, предупредува Штајнамаер откако НАТО во понеделникот најави дека во балтичките земји и во Полска ќе размести четири баталјони поради „агресивното однесување на Русија“, пишува Bild цитирајќи ја фразата што ја употреби генералниот секретар на НАТО, Јенс Столтенберг.
Подолг период, особено воени американски челници на НАТО тврдат дека Русија по воен пат сака да си осигури сфера на влијание.
„Москва кршејќи го меѓународното право, го анектираше Крим и ги поддржува сепаратистите во Украина. Покрај тоа, забележуваме сеопфатно милитаризирање на границите на НАТО на Арктик, Балтик, во Црното Море па сé до Медитеранот“, истакна во четвртокот Столтенберг во разговорот исто така за Bild.
„Имаме информации за големи агресивни и ненајавени руски воени вежби и на тоа мораме да реагираме“, додаде челникот на НАТО.
Од Москва, пак, одговорија дека ненајавените воени вежби се дел од вообичаената практика на проверка на борбената готовност на руските вооружени сили, особено откако НАТО по почнувањето на украинската криза во 2014 година одржува константни воени вежби на руските граници, како што се и двете последни започнати оваа седмица.
Поранешните земји членки на Советскиот комунистички блок кои по распадот на СССР станаа членки на НАТО а во кои има големо руско малцинство кое нема граѓански права, на што се често предупредувани од ЕУ и од ОН, стравуваат од зголемениот руски воен потенцијал на своите граници, и бараат од Алијансата да ја зголеми својата присутност на нивните територии за да ја одвратат Москва од наводна желба да ги нападне.
Во таа смисла НАТО ги искористи овие повици и неговите министри за одбрана кои во вторникот и средата се сретнаа во Брисел, дадоа одобрување за испраќање на четири баталјони од по 800 до 1.000 војници во Естонија, Литванија, Латвија и Полска, на база на ротација и тоа три седмици пред самитот на НАТО во Варшава на 8-ми и 9-ти јули на кој се очекува да биде заострен ставот на Алијансата против Русија.
Москва, преку заменикот на рускиот национален Совет за безбедност, пак, порача дека симетрично ќе одговори на сите акции на НАТО за зголемување на своето воено присуство на Истокот, пренесе агенцијата РИА.
„Нема причини да бидеме особено загрижени. Одговорите ќе бидат соодветни, ефикасни и евтини“, изјавил во саботата Евгениј Лукјанов на маргините на Меѓународниот економски форум во Санкт Петербург, каде што ден претходно рускиот претседател Владимир Путин изјави дека „Русија ќе биде принудена да одговори на чекорите на Западот, без разлика на тоа што ќе ја обвинуваат за агресивно однесување, затоа што е неопходно да се обезбеди стратегиска рамнотежа.
Портпаролот на Кремљ, Дмитриј Песков, претходно порача дека Русија „не претставува закана за никого, но нема да остане без реакција на активностите кои се потенцијално опасни по нејзините интереси“./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.