Арсенал се’ уште е зад петиците на Манчестер јунајтед одржувајќи го чекорот со лидерот по победата над Вулверхемптон

На „Емиратите“, во саботата попладне „топчиите“ одиграа колку што е доволно да се совлада последниот Вулврехемптон, со 2:0. со головите на Робин ван Перси во 16. и 56. минути. Првиот погодок Холанѓанецот го постигна со полуволеј во пад, а вториот беше постигнат од контранапад со удар од 16 метри. Ова се негов девети и десетти првенствен гол сезонава, а интересно е тоа што ван Перси до 21-то коло немаше постигнато погодок Арсенал останува на втората позиција со четири бодови помалку од Манчестер јунајтед, но по поразот во градското дерби на третиот Манчестер сити, ја зголеми разликата на осум бодови од него. Вулверхемптон останува закован за дното на табелата од Премиер лигата со 24 бодови.По серијата четири победи во низа без примен погодок, Ливерпул разочарувачки одигра само 1:1 против Виган пред своите гледачи. Иако домашните поведоа во 24. минута со голот на португалскиот фудбалер Раул Меирелес што е негов петти гол во последните пет кола откако настапува за „редсите“, гостите изедначија преку Гоури во 65. минута.Ливерпул остана на 6-та позиција со 37. бодови, додека Виган има 27 и се’ уште е на 18-то место кое води во понизок ранг на натпреварување.  Во саботата во Англија најинтересен беше мечот меѓу Вест бромвич албион и Вест хем кој заврши со поделба на бодовите со резутат 3:3. ВБА на полувремето имаше предност од 3:0, што во второто беше анулирано од гостите. Грахам Доранс во 3. и Џером Томас во 8. минута го постигнаа раното водство од 2:0 за домашните, а Винстон Реид во 32. со автогол го зголеми водството на ВБА. Но Вест хем преку Демба Ба во 50. и 83, минута и Карлтон Кол во 58. минута успеа да изедначи и да спаси бод. ВБА изгуби драгоцени бодови во трката за опстанок и остана со 27 бодови на 17-то место, исто како и Вест хем кој има 25 бодови и е на претпоследното 19-то место на табелата. Бирмингем со голот на Никола Жигиќ во третата минута од судиското дополнување успеа да ги освои сите три бода против Сток сити. Бирмингем моментално ја поправи положбата на табелата и сега е 14-ти со 30 бодови, а Сток е 9-ти со 33 бодови. Блекбурн роверс одигра дома без голови со Њукасл, така што и двете екипи имаа 32 бодови се на 11. односно 10-то место.Блекпул со голот на Елиот Грандин во 14. минута го изедначи резултатот на 1:1 против Астон вила за која во 10. минута гол постигна Габрел Агбонлахор. Тоа беше и конечниот резултата со кој Блекпул со 29 бодови останува на 16-то место, со еден бод помалку и едно место подоле од Астон вила.Тотенхем на гости го совлада Сандерленд со 2:1. Домашните поведоа во 11. минута преку Гиан, а гостите прво изедначија во 44. минута преку Даусон, а победата им ја донесе хрватскиот репрезентативец Нико Крањчар со силен удар од 18 метри во 57. минута. Тотенхем е на 4-то место со 47 бодови, два помалку од третиот Манчестер сити кој има и меч повеќе. Сандерленд, пак, остана со 37 бодови на седмото место.