Свет
Македонската полиција ја исече главата на "Камелеонот"
Над 600 килограми хероин и 11 познати шверцери на дрога биле уапсени во меѓународната операција “Камелеон” за спречување шверцерски канал за транспорт на дрога од Турција во западноевропските земји во која учествувале полициски и царински екипи од Македонија, Бугарија, Турција, Холандија и од Германија.
Меѓународна акција за спречување на шверц на хероин во Европа
Над 600 килограми хероин и 11 познати шверцери на дрога биле уапсени во меѓународната операција “Камелеон” за спречување шверцерски канал за транспорт на дрога од Турција во западноевропските земји во која учествувале полициски и царински екипи од Македонија, Бугарија, Турција, Холандија и од Германија.
Резултатите од успешната акција биле презентирани вчера на заедничката прес-конференција во Софија од главниот секретар на бугарското МВР, генералот Бојко Борисов.
Истрагата покажала дека логистичар на целата операција бил 52-годишниот бугарски државјанин Александар А., кој живеел во Софија.
Александар бил уапсен во Македонија на 17 декември минатата година, при обид да ја напушти државата, откако во меѓународната истрага се вклучила и македонската полиција.
“Со задржувањето и предавањето на главниот организатор, Александар А. и разбивањето на организацијата, успешно заврши заедничката операција што траеше повеќе од една година”, се вели во заедничкото соопштение на полициите на Македонија, Бугарија, Турција, Германија и на Холандија.
Акцијата наречена “Камелеон” траела скоро цела година, а резултирала со апсењето на двајцата главни организатори на милионскиот шверц на хероин. Преку добро разработениот канал биле шверцувани преку два тони хероин.
Акцијата почнала во Минхен од каде што биле испратени информации до 12 држави во Европа за меѓународен шверц на дрога од Турција во Западна Европа. Организатор на шверцерската група бил турчинот Нуретин Е. кој живеел со семејството во Минхен.
За време на истрагата органите на прогонот во 12 држави во Европа интензивно разменувале информации за движењето на осомничениот.
Во јануари 2004 година кога во заедничка операција на турските, бугарските и германските царински и полициски служби, во Турција биле запленети 52 килограми хероин. Дрогата била скриена во автомобил со двојно дно марка “крајслер војаџер”, а ги превезувал возач од Бугарија.
Според информациите на бугарското МВР, уапсен бил и Турчинот Нуретин Е., а наскоро се очекува и судска разврска за случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Кадиров објави снимка: „Испраќам два вооружени сајбер камиони во војна во Украина“
Чеченскиот лидер, Рамзан Кадиров, објави ново видео на социјалните мрежи за кое тврди дека прикажува два сајбер камиони „Тесла“ за кои вели дека ги испратил во „зоната на специјалната воена операција“. Официјален Кремљ така ја нарекува војната во Украина што ја започна рускиот претседател Владимир Путин пред две и пол години.
Претходно на социјалните мрежи се пожали дека „Илон Маск од далечина оневозможил едно од неговите возила“. Кадиров рече дека „далечинското исклучување не влијаело“ на другите два камиони и дека тие „работат нормално“.
Kadyrov said he had sent "two more" Cybertruck "to the special military operation zone." Earlier, he complained that Elon Musk had "remotely disabled one vehicle."
Kadyrov said that the "remote shutdown did not affect" the other two pickup trucks and that they were "operating… https://t.co/g1eUciaEqA pic.twitter.com/85SizuUxwH
— Anton Gerashchenko (@Gerashchenko_en) September 20, 2024
Двата сајбер камиони прикажани на видеото се опремени со митралези, како и возилото што Кадиров го покажа во август.
Свет
Телата на сопственикот на суперјахтата и ќерката, со авион се вратени во нивната татковина
Телата на жртвите од трагедијата на суперјахтата, меѓу кои беа и сопственикот и милијардер Мајк Линч и неговата ќерка Хана, се вратени од Сицилија со приватен авион на нивните семејства.
Седум лица загинаа кога суперјахтата вредна 30 милиони евра, потона во август за само 16 минути откако беше погодена од невреме.
Меѓу загинатите се Џонатан Блумер и неговата сопруга Џудит, адвокатот од Њујорк, Крис Морвило и неговата сопруга Неда, како и готвачот Рекалдо Томас.
Тие сега се вратени во татковината со приватни авиони, а се очекува нивните погреби да се одржат во секоја од нивните матични земји во наредните денови, јавуваат италијанските медиуми.
Во последните денови на Сицилија беа извршени обдукции на жртвите, а прелиминарните резултати сугерираат дека сите освен една биле заробени под палубите кога починале.
Аутопсиите извршени на жртвите во болницата во Палермо на почетокот на овој месец открија дека жртвите немале вода во белите дробови, објавија италијанските медиуми, сугерирајќи дека можеби биле свесни додека јахтата тонела.
Додека нивните тела сега се вратени дома, лекарите во Палермо продолжуваат да истражуваат дали нивната смрт била предизвикана од давење или недостаток на кислород во кабината.
На јахтата имало вкупно 22 лица, а меѓу преживеаните е и Анџела Бакареш, сопругата на Мајк Линч и мајката на Хана.
Стивен Едвардс, кој беше капетан на суперјахтата пет години до 2020 година, посочи дека можеби преживеала бидејќи нејзината тенденција да се грижи за безбедноста на бродот ја навела да ја напушти својата кабина пред бродот да почне да тоне.
Едвардс изјави за дека Бакареш „секогаш сакала да знае што се случува и што прави екипажот“.
„Таа е секогаш првата личност што се качува на мостот ако нè слушне како се прикрадуваме таму. Тоа може да објасни зошто таа се спаси, а Мајк не“, рече тој.
Анџела по трагедијата наводно им кажала на лекарите дека бродот се навалил, разбудувајќи ја неа и нејзиниот сопруг.
Според „La Repubblica“, таа рече дека се качила за да види што се случува пред да настане хаос и скршено стакло низ целата јахта.
Едвардс, кој разговараше со поранешните колеги на јахтата таа вечер, рече дека потонувањето се случило само неколку минути откако јахтата почнала да се полни со вода, при што скршениот мебел на бродот им отежнувал на патниците да се искачат на безбедно.
„Оние кои останаа свиткани во кревет беа во најлоша ситуација“, рече тој и додаде дека некои од гостите станале да видат што се случува.
„Потоа невремето силно удри. Некои стигнаа до салонот и тие беа оние кои преживеаја, бидејќи нивниот пат надвор беше малку почист.
„Внатре во кабините, луѓето лежеа во своите кревети една минута, а следната веќе се беше поинаку“, рече Едвардс.
Свет
Противпожарно возило излета од патот поради скали, повредени осум пожарникари во Калифорнија
Осум пожарникари се повредени во тешка сообраќајна несреќа на автопат во Јужна Калифорнија во која учествувало противпожарно возило, соопштија денеска властите.
Шефот на противпожарната служба на округот Оринџ, Брајан Фенеси, изјави дека противпожарното возило се превртело на државната рута 241 во Калифорнија, северно од Портола Хилс, пренесува АП.
Возилото превезувало тим кој се враќал во станицата по 12-часовниот пожар во округот Оринџ.
Фенеси соопшти дека несреќата ја предизвикала скала која била на патот и возилото извртело за да ја избегне скалата, а потоа удрило во заштитната ограда и се превртело.
Најмалку еден пожарникар е пренесен со хеликоптер во болница, додека останатите се пренесени со брза помош.