Македонија
Собранието го одби Законот за декриминалзиација на клевета и навреда
Пратениците во Собранието на Република Македонија со 59 гласа „за“ и 32 „против“ гласаше по предлогот за декриминализација на клевета и навреда.
Пратениците во Собранието на Република Македонија со 59 гласа „за“ и 32 „против“ гласаше по предлогот за декриминализација на клевета и навреда. Се гласаше за предлог од пратеникот Ивон Величковски, кој предложи со Закон да се декриминализира клеветата и навредата. Законодавно правната комисија и комисиите дадоа негативно мислење за ваквото законско решение кое најмногу ги засегаше новинарите. Пред да биде изгласано одбивањето на законот, два дена пратениците дискутираа и се расправаа за медиумите. Од власта тврдеа дека медиумскиот простор во Македонија е слободен, а од опозицијата дека медиумите се послушници на власта. Од опозицијата обвинија дека и судството како независна власт е под влијание на извршната па се користи и за предмети против новинарите. “Партизираното судство да го стави во функција да го искористи во своја корист за да ги контролира новинарите”, рече Весна Бендевска од СДСМ. Од ВМРО–ДПМНЕ реагираа дека ова законско решение е против законско и против уставно бидејќи не може да бидат само новинарите ослободени. “Ова е лицемерие од СДСМ бидејки и тие тужеа и во нивни време беа изречени драконски казни против новинари на пример кога тужеше претседателот Црвенковски”, потенцираа од ВМРО-ДПМНЕ. Не можете да се надминете. “Оставете ја слободата на новинарите и гласајте за ова решение”, кажа на крајот предлагачот Ивон Величковски, на што Владимир Горчев од ВМРО=ДПМНЕ одговори дека со овој закон опозицијата прави обид за додворување на новинарската фела. крај.км
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.