Македонија
ФФРМ: ЕУ стратегијата 2020 не го вклучува земјоделско-прехранбениот сектор
Земјоделството не е дел од ЕУ Стратегијата 2020, која се однесува на зајакнување на економијата на Европската Унија.
Земјоделството не е дел од ЕУ Стратегијата 2020, која се однесува на зајакнување на економијата на Европската Унија. Ова е информацијата која ФФРМ ја доби од својата канцеларија во Брисел.
“Земјоделските организации по разгледување на стратегијата се непријатно изненадени. Менаџмент комитетот за земјоделство при Директоратот за земјоделство и рурален развој во ЕК веќе го изрази своето незадоволство.
Народните претставници во Европскиот парламент најавија жестока опозиција на било какви планови за економска обнова и развој кои нема да го вклучат земјоделско-прехранбениот сектор“, ова се информациите и реакциите од страна на инволвираните субјекти во европското земјоделство, кои исто така во вид на соопштенија се доставени и во канцеларијата на ФФРМ во Брисел.
Претседавачот на комитетот за земјоделство и рурален развој, Паоло де Кастро испрати протест до Баросо во кој се вели “апсурдно е стратегијата за наредните 10 години да не го вклучува и земјоделството и да не вклучува решенија за предизвиците за сигурен пристап до храна, развој и вработувања во руралните делови земајќи предвид дека земјоделците обработуваат 45% од вкупната површина на ЕУ, а преку земјоделско-прехранбениот сектор се вработени преку 30 милиони луѓе”.
На Еврокомесарот, Чолош исто така му се препорачува да се концентрира повеќе на вториот столб, односно на руралниот развој отколку на пазарната поддршка, со цел да се успее земјоделството да стане дел од десет годишната стратегија, која повеќе од веројатно ќе се однесуваат и на Република Македонија.
ФФРМ преку својот претставник во Брисел, Мартин Трајчев и понатаму ги следи дискусиите и настаните поврзани со ЕУ Стратегијата 2020, како и другите настани поврзани со реформата на зедничката земјоделска политика на ЕУ, буџетот после 2013 и други настани поврзани со европското земјоделство, а значајни за македонските земјоделци , така што ќе ја информира македонската јавност за сите случувања./крај/со
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Православните верници денеска слават втор ден Велигден и Ѓурѓовден
Денес, освен вториот ден од Велигден, се празнува и Ѓурѓовден, празник во чест на Свети великомаченик Георгиј Победоносец, празникот на обновувањето на природата и на животот воопшто.
Празникот на светиот великомаченик Георгиј познат како Ѓурѓовден се празнува на 6 мај според новиот или на 23 април според стариот календар.
Тој се смета за најголем пролетен празник што го празнува не само христијанското туку и целото население во Македонија што од друга страна значи дека во неговата основа е празнувањето на природата, на разбудувањето на вегетацијата и на животот воопшто.
Македонија
Времето денеска сончево, од среда пороен дожд и грмежи
Времето денеска ќе биде сончево со мала до умерена локална облачност и со слаб до умерен ветер од јужен правец. Попладне во планинските региони ќе има услови за изолирана појава на краткотраен пороен дожд. Минималните температури ќе бидат во интервал од 3 до 10, а максималните ќе достигнат од 20 до 26 степени.
Во Скопје ќе преовладува сончево време со мала облачност и со слаб ветер од јужен правец. Минималните температури ќе се спуштат до 8, а максималните ќе достигнат до 26 степени.
Во вторник попладне ќе има локална појава на нестабилност, а во среда и четврток под влијание на нов влажен бран во поголем дел од земјава ќе има пороен дожд и грмежи, а локално процесите ќе бидат поинтензивни и во форма на невреме со пообилни врнежи и засилен ветер. Потоа условите за нестабилно време ќе се намалуваат.
Македонија
Мециновиќ: На носителите на ЗНАМ, на личните профили им стојат слики со Заев и Пендаровски
– На носителите на ЗНАМ, уште на личните профили им стојат слики за поддршка на Заев и Пендаровски. Тоа се поддршки што јавно им ги дадоа, така што сегашното нивно делување е малку повеќе лицемерно од нивна страна – истакна Носителот на ИЕ2 и портпарол на Левица, Амар Мециновиќ, во дебатата на ,,24 Вести”.
Според Мециновиќ, СДСМ ако ја примеа пораката, немаше Оливер Спасовски да биде носител во ИЕ2, после скандалите со пасошите за белосветски криминалци, за голготата за македонските граѓани со пасошите и за бегството на Груевски:
– Од друга страна, за СДС имам конкретна порака, но СДС не ја прима пораката! Пораката не е примена, затоа што нивниот носител во Двојка имаше страшни резултати. Имаше: од бегството на Груевски до оваа голгота што им се случи со пасошите на граѓаните и во меѓувреме – издавањето на пасоши за белосветски криминалци.
Говорејќи за Францускиот предлог и за ненаситноста кон бизнис – интересите од страна на СДСМ, Мециновиќ рече:
– Исто така, не ја примија ни пораката кога народот го отфрли Францускиот предлог. Не ја примија ни пораката кога Заев го изгуби легитимитетот, така што на сила се одржаа на власт до 2024 год. Практично, за да ги задржат нивните бизнис – интереси.
Мециновиќ постојано става акцент и на неоспорниот факт дека челниците од ЗНАМ го избришаа АСНОМ од Уставот:
,,ЗНАМ го избришаа АСНОМ од Уставот кога го носеа Преспанскиот, со оглед на фактот дека тогаш беа дел од раководството на тогашното СДС. Затоа, целата нивна сегашна реторика е лицемерна”.
Левица е единствена искрена, чесна, неподмитлива опција, која се бори за нулта – корупција, радикални промени во системот и нуди решенија за сите целни групи граѓани во Македонија:
,,На 8 мај, заокружете го број 5! Искористете го своето право на глас и гласајте за Левица! Со повеќе пратеници во Парламентот, борбата ќе биде посилна!”