Македонија
Бесими: Македонија силно посветена на регионалната соработка
Македонија е силно посветена кон унапредување на регионалната соработка, порача министерот за одбрана Фатмир Бесими на состанок на министрите за одбрана на земјите-членки на SEDM (South Eastern Defence Ministerial) иницијативата.
Детално ги образложи сите иницијативи (SEDM, US – Adriatic Charter, SEE Clearinghouse, RACVIAC) во кои Македонија дава свој придонес.
„Уште еднаш би сакал да потенцирам дека јас лично како министер и Министерството за одбрана силно сме посветени кон унапредување на регионалната соработка. Само со искрена соработка меѓу соседите, дијалог и меѓусебно разбирање можеме да градиме доверба и на тој начин да го демонстрираме нашиот демократски капацитет и чувство на одговорност кон регионот“, рече Бесими.
„Сличностите и заедничките национални оперативни потреби на земјите од Регионот, како оние за добро обучени и сертифицирани истурени набљудувачи на воздушниот простор и Регионалните медицински здружени сили, претставуваат значајна можност за заемно остварување на потребните способности и капацитети. Високо ценејќи ги компаративните предности на изградбата на заеднички регионални капацитети, Република Македонија смета дека првиот ваков проект – Иницијативата за балкански регионален пристап за воздушна одбрана (BRAAD) – може да се примени и во други проекти од областа на модернизацијата на националните вооружени сили“, рече Бесими.
„Во рамките на иницијативата „Клирингхаус на Југоисточна Европа“, Република Македонија ги промовира Регионалниот тренинг-центар за комуникации, Центарот за медицинска обука и армискиот полигон „Криволак“ како можни капацитети за користење од страна на армиите на НАТО земјите, армиите на земјите од Регионот, а тука посебно земјите членки на СЕДМ процесот, вклучително и Командата на СЕЕБРИГ. Во контекст на регионалниот пристап во образованието, би сакал да Ве информирам дека и оваа година уписот на питомци-студенти на прв циклус студии во Воената Академија “Генерал Михајло Апостолски“ има меѓународен карактер. Покрај студенти од Македонија имаме студенти и од Босна и Херцеговина, Црна Гора и Косово. Вратите на Воената академија се отворени за сите земји од регионот и пошироко“, порача министерот за одбрана Бесими. /крај/мф/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одѕивот на претседателските избори до 11 часот е 12,87 отсто, а на парламентарните 13,69 отсто
Според податоците од 2080 избирачки места за претседател на државата до 11 часот гласале 12,87 отсто од гласачите. Државната изборна комисија (ДИК) соопшти дека од вкупно запишани 1.096. 219 гласачи на овие избирачки места гласале 141.087 гласачи односно 12,87 отсто.
Најголем одѕив за претседателските избори има во Пробиштип 27,85 отсто, а најмал е одѕивот во Липково 1,76 отсто.
„Може да се забележи дека во Источна и Централна Македонија многу повеќе гласачи гласале на претседателските избори отколку во Западна Македонија каде што процентот е многу низок“, рече претседателот на ДИК Александар Даштевски.
До 11 часот пристигнати се податоци за одѕив на гласачите за парламентарните избори од 1.976 избирачки места. Од вкупно запишани 1. 030.092 гласачи на овие избирачки места гласале 140.990 граѓани. Одѕивот е 13,69 отсто. Најголем одѕив на парламентарните избори има во Кривогаштани 28.38 отсто, а најмал е одѕивот во Врапчиште 5,2 отсто.
Претседателот Даштевски речe дека споредено со парламентарните избори во 2020 година на денешните избори има зголемување на одѕивот од 2,69 отсто.
Македонија
Над 300 набљудувачи го следат изборниот процес
Со повеќе од 300 набљудувачи од 25 држави ОБСЕ го следи изборниот процес на избор на парламентарен состав и за претседател на државата.
За утре во 15:00 часот е закажана прес-конференција на која ќе бидат објавени прелиминарните податоци за текот на изборниот процес.
Специјалниот координатор на ОБСЕ, Николоз Самхарадзе им посака успех на гласачите и рече дека ќе ги следат изборите низ државата, во сите големи градови, но и во руралните средини.
Македонија
Нема бојкот на претседателските избори, сите што излегле на парламентарните, гласале и за претседател, уверува Даштевски
Нема бојкот на претседателските избори, сите што излегле на парламентарните, гласале и за претседател, вели претседателот на ДИК, Александар Даштевски.
„На неколку места се појавија технички проблеми, кои во меѓувреме се решаваат, таму гласањето ќе продолжи на стариот начин со УВ-ламба и спреј, а доколку се исправат техничките недостатоци, ќе се продолжи со техничката опрема. Такви места има во Кочани, Охрид, Куманово, Тетово и во Гази Баба.
Како што дополнува, има доставено и 15 приговори за избирачко право и само три од нив се одбиени.
Во однос на одѕивот на парламентарните избори, до 9 часот, по обработените податоци од 1.033 избирачки места, гласале 4,45 %. Според податоците на ДИК, најголем одѕив има во Пробиштип, а најмал за парламентарните има во Боговиње (1,43 %).
Во Македонија утрово почнаа парламентарните избори и вториот круг од претседателските.
Избирачките места, од кои вкупно 3.480 беа отворени во 7 часот, а ќе бидат затворени во 19 часот.