Спорт
Јуве потопен кај Наполи, Ибра го спаси Милан
Деветнаесеттото коло донесе смена на втората позиција на табелата, и намалување на предноста на водечкиот Милан кој во феноменален меч успеа да спаси бод дома против Удинеза. Наполи со сигурна игра против Јуве го мина Лацио на втората позиција
На неаполскиот стадион „Сан Паоло“, „Старата дама“ од Торино не се прослави и продолжи со настапите во тонот на своите клупски бои – црно бело. Против Наполи кој во последниот меч од колото се бореше да избие на втората позиција, торинците беа едноставно декласирани без да создадат некоја посериозна можност да се доближат до водството на домашните. Куриозитет е што на овој меч уругвајскиот напаѓач на Наполи, Единсон Кавани постигна хет-трик и тоа постигнувајќи ги сите три гола со глава во 20., 26. и 54. минута. На „Сан Сиро“ лидерот во Серија А по четирите водства на гостите од 1:0, 2:1, 3:1 и 4:3 успеа да зивлече бод благодарејќи на Златан Ибрахимовиќ кој беше прецизен во третата минута од судиското продолжение. Милан на своите навивачи им приреди вистинска драма дозволувајќи им на гостите од Удине да поведат и со два гола разлика. За Удинезе двоен стрелец беше Антонио Ди Натале во 35. и 66. минута, со што се зацврсти на водечката позиција на најдобрите стрелци сезонава во Серија А (13 голови), а покрај него стрелци беа и Санчез во 53. и Денис во 89. минута. За Милан двоен стрелец беше Александре Пато во првата минута од судиското продолжение на првото полувреме и во 82. минута кога намали на 3:2 по асистенција на Ибрахимовиќ, а во истата минута со автогол резултатот го изедначи Бенатиа. Минатогодишниот освојувач на сите шест титули што клупскиот фудбал ги нуди во една сезона Интер за кого настапува и македонскиот репрезентативец Горан Пандев во неделата во 71. минута беше во негатива против Катаниа, откако домашните дојдоа во водство преку Гомез. Но набргу „нероаѕурите“ го превртеа резултатот во своја полза преку Естебан Камбиасо кој беше двоен стрелец во 75. и 79. минута. Сега Интер е 7-ми со 29 бодови но и два меча помалку од конкурентите, и доколку и во двата би имал полн успех би се искачил на третата позиција со бод помалку од Наполи кој има 36 и пет бодови помалку од водечкиот Милан. Второпласираниот Лацио киксираше во својот „Олимпико“. Гостинскиот Лече славеше со 2:1, со автоголот на Фернандо Муслера во 39. и Карлос Гросмилер во 72. минута, додека за домашните изедначи Маури во 47. минута. Лацијалите се поразени на своето буниште во најнезгодниот момент, бидејќи не го искористија ремито на Милан, а со победа ќе ја намалеа неговата предност на само три бода. Рома иако поведе во 18. минута преку Мирко Вучиниќ, сепак беше поразена на крајот кај Сампдорија со 2:1, откако во второто полувреме за домашните головите ги постигнаа Поци во 58. и Губерти во 84. минута.Речиси отпишаниот Бари дома беше поразен од Болоња со головите на Екдал во 38. и Ди Ваио во 69. минута. Каљари исто така забележа гостинска победа кај Парма, за која Џовинко успеа да го ублажи поразот со гол во 54. минута, откако претходно гостите поведао со 2:0 преку Аквафрешка со погодоците во 22. и 32. минута.Киево во Верона ремизираше без голови со Палермо, а со ист резултат 0:0 заврши и мечот Чезена – Џенова.Фиорентина со целосен пресврт ја победи Бреша. Гостите по првото полувреме имаа водство од 2:0 со головите на Диаманти во 30. и Кордова во четвртата минута од судиското надополнување. Сепак, домашните во последните 20-ина минути успеаја да постигнат три погодока со кои побегна од опасната зона на испаѓање од лигата. Прво намали Џиардино во 72. минута, а потоа изедначи во 86. Сантана а две минути подоцна Љајиќ се погрижи бодовите да останат во Фиренца.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дебкал на Денвер, втор брејк на Минесота
Актуелните шампиони на НБА лигата, Денвер Нагетс претрпеа уште еден брејк. Минесота Тимбервулвс, вториот меч од полуфиналната серија во „Бол арена“ во Денвер го добија убедливо со 106:80.
Минесота, во втрориот мечдемонстрираше зошто е нејзината одбрана е најдобра во лигата, а со две серии од 19:0 во финишот на втората и почетокот на втората четвртина го декласираа шампионот.
Ентони Едвардс и Карл Ентони Таунс ги предводеа „Волците“ со по 27 поени, од клупата Наз Рид Никел Александер Вокер придонесоа со по 14 поени.
Најефикасен кај Денвер беше Арон Гордон со 20 поени, Никола Јокиќ забележа дабл-дабл од 16 поени и 16 скока, имаше и осум асистенции, но со лош процент на реализиција (5-13), а целосно потфрли Џамал Мареј кој се мачи со повредата, постигна осум поени (3-18 од игра), имаше и 13 скокови.
Серијата сега се сели во Минеаполис, Минесота ќе биде домаќин во наредните два натпревари, првиот се игра во сабота од 3.30 часот.
Спорт
(Видео) Кристал Палс го згази Манчестер јунајтед
Фудбалерите на Кристал Палас го декласираа Манчестер јунајтед со 4:0, во последниот натпревар од 36. коло на Премиер лигата. удбалерите на Кристал Палас ја забележаа четвртата победа на последните пет натпревари во Премиер лигата.
Од првата минута забележливо беше дека играчите на Манчестер јунајтед не се „во натпреварот“. Како изгледаа на теренот можат да бида задоволни со поразот од 4:0.
Дебаклот го најави Мајкл Олисе во 12.минута. .
Истиот играч десет минути подоцна имаше уште две убави шанси, а во 40. Жан Филип Матета ја удвои предноста на домашните.
На почетокот на вториот му беше поништен гол на Јунајтед, а потоа започнаа да се редат шансите пред голот на Андре Онана.
Еберечи Езе, Тајрик Мичел и Вил Хјуз, не успеаја да реализираат, но во 58. минута споменатиот Мичел зголеми на 3:0.
Точка поразот на Јунајтед стави играчот кој ја започна серијата, Мајкл Олисе во 66. минута. До крајот на мечот Одсон Едуард ја погоди стативата.
Палас е 14. на табелата со 43 бодови, додека Јунајтед е осми со 54 бодови, исто колку и седмопласираниот Челзи.
Јунајтед во следното коло ќе го пречека Арсенал, додека Палас ќе гостува кај Вулверхемптон.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.